Danyele 11:25 - MUKANDA WA MYIDI MUKULU

²⁵ “Mudimanye mudiye ne bukole kabidi ne bukitu, neaye ne tshisumbu tshinene tshia bena mvita bua kuluisha mukalenga wa ditunga dia kuinshi. Mukalenga ewu neasangane nende, ne bena mvita ba bungi, ne ba bukole bupite. Kadi kakunutuila nkanana. Bualu nebamuluishe ne budimu.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Tshisumbu tshinene tshia masalayi netshimukuatshishe, neikale ne bukole ne dikima bua kuluisha mukelenge wa ku sude. Mukelenge wa ku sude nealuangane nʼandi nvita ne tshisumbu tshia bena nvita tshihite bunene ne bukole, kadi neahange mu nvita bualu bua nebamuelele bifufu.

Danyele 11:25 ပူးပေါင်းရင်းမြစ်များ

Nsumuinu 15:18

Muntu wa lonji udi ukeba matandu, kadi muntu wa lutulu udi watuyisha.

Nsumuinu 28:25

Muena lukuka udi usonsola amu matandu. Kadi udi utekemena kudi Maweja-Nangila neatuute dikasa dimpe.

Danyele 11:10

“Bana ba balume ba mukalenga wa mu ditunga dia ku mutu Mbadilongolole ku mvita. Nebasangishe bena mvita bapite bungi. Umue wa kudibu neaye ne bena mvita bende. Neasambuke mikalu ne lubilu bu lua musulu wa mayi udi upasalala. Pashishe papinganaye mu ditunga diende, nealuishe tshimenga tshia baluishi tshivuabu bakoleshe ne bimana.

Danyele 11:2

Mpindiewu ndi nkumanyisha mukenji wa bushiwa. “Bakalenga banene basatu nebalondangane mu bukalenga bua bena Persa. Pashishe mukalenga muinayi neakungije bubanji bupite bua bantu basatu ba kumpala. Nenku bubanji buende nebumupeteshe bukole bua bungi. Diba adi, nealuishe bukalenga bua bena Ngreke.

Danyele 11:40

“Mu tshikondu tshia ku nshikidilu, mukalenga wa ditunga dia kuinshi neabangulule mvita. Kadi mukalenga wa ditunga dia ku mutu neamupishe ne matempu a mvita, ne badi babanda pa nyama ya tubalu, kabidi ne matu mavule a mvita. Neabuele mu matunga mashilangane ne bena mvita bende. Neasambuke mikalu, bu mudi mayi a musulu apasalala.

Danyele 11:5

“Muntu udi udia bukalenga mu ditunga dia kuinshi neikale ne bukole. Kadi umue wa ku balombodi bende ba bena mvita neamupite bukole. Neikale mukalenga wa buloba budi bupite buende ku bunene.