Danyele 11:17 - MUKANDA WA MYIDI MUKULU

¹⁷ Pashishe neapangadike bua kuleja bukole buonsu bua bukalenga buende. Neadileje ne budimu bu muntu udi musue kuenza bimpe. Neaseleshe muanende kudi mukalenga wa ditunga dia kuinshi, kadi muikale ne meji a kubutula ditunga dia muluishi wende. Kadi kakukumbaja bualu ebu to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Yeye neatangishe mpala wandi bua kuyeye kudi mukelenge wa ku sude ne bukole buonso bua bukelenge buandi ne bua kuhunga nʼandi tshihungidi: neamuhe muanʼandi bu mukashi wandi bua kubutula buloba bua Ejipitu, kadi muanda udiye uhangidisha kawena ujalama ne kawena umulubulula.

Danyele 11:17 ပူးပေါင်းရင်းမြစ်များ

2 Bakalenga 12:17

Makuta avua bantu bakuabu bafila bua mulambu wa kukobolola, kabavua baela mu mushete to. Bavua baangata kudi batuangaji.

2 Kulondolola 20:3

Yosafate kumvua bowa, ujinga kukonka Maweja-Nangila. Kuambilaye bena Yuda bonsu bua bajile biakudia.

Misambu 56:9

Udi mumanye muvuabu bangipata, ngendakana miaba yonsu. Ela binsonji bianyi mu dibungu diebe. Kuena mubifunde bungi buabi mu mukanda webe anyi?

Nsumuinu 19:21

Muntu udi wela meji a bungi mu muoyi. Kadi amu bidi Mvidi Mukulu ujadika ke bidi bienzeka.

Yezekiyele 17:17

Nansha yeye muikale ne bena mvita ba bungi ba bukitu, mukalenga wa bena Ejipitu kena mua kumuambuluisha bua kuluisha bena Babilone badi bela mishiki ya buloba, bumbula mikidi bua bamone mua kukuata tshimenga, kushipa bantu ba bungi.

Yezekiyele 25:2

— Mpindiewu, Yezekiyele, wambile bena Amone tshibawu tshindi mubafundile.

Yezekiyele 4:3

Pashishe wangate tshitata tshia tshiamu, utshiteke bu tshimana pankatshi pebe ne pa tshimenga. Utangile tshimenga: utshiluishe wewe mene. Ke muudi mua kuleja bena Izrayele malu bua kubadimuja.

Yezekiyele 4:7

Pashishe, utangile ku Yerushalayime udibu baluisha. Ukanyine tshimenga atshi, utshimanyishe mundi ne bua kutshibutula.

Danyele 11:19

Pashishe neaye mu bimenga bia mu ditunga diende bivuabu bakoleshe ne bimana. Kadi kakupeta tshipeta tshimpe to. Neafue, kabayi mua kuvuluka kabidi bualu buende.

Danyele 9:26

Ku nshikidilu kua bidimu muanda mutekete bivudija misangu makumi asambombu ne ibidi ebi, nebashipe muntu wa tshijila, kakuyi udi umusungidila. Pashishe mfumu mukuabu neafike ne tshiluilu tshiende. Neabutule tshimenga ne muaba wa tshijila. Kadi mfumu ewu neajimine ku tshiji tshia Mvidi Mukulu. Kadi too ne ku lufu luende, nealuangane mvita ya tshinyangu bu muvuabu babijadike.

Abakuke 1:9

Badi bafika ne tshinyangu bu mvunde, batangila kumpala ne lukuka, baboya bena lukanu bungi bu lusenga.

Matayi 12:30

Udi kayi nanyi, mmumbenge. Udi kayi ungambuluisha bua kusangisha, udi umuangalaja.

Luke 11:23

“Udi kayi mutue ku tshianyi, mmumbenge. Udi kayi ungambuluisha bua kukungija mikoku, udi uyitangalaja.

Luke 9:51

Matuku avuabu ne bua kuya ne Yezu mu diulu akavua pabuipi. Ke Yezu kushindika bua kuya ku Yerushalayime.

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?