Danyele 11:10 - MUKANDA WA MYIDI MUKULU

¹⁰ “Bana ba balume ba mukalenga wa mu ditunga dia ku mutu Mbadilongolole ku mvita. Nebasangishe bena mvita bapite bungi. Umue wa kudibu neaye ne bena mvita bende. Neasambuke mikalu ne lubilu bu lua musulu wa mayi udi upasalala. Pashishe papinganaye mu ditunga diende, nealuishe tshimenga tshia baluishi tshivuabu bakoleshe ne bimana.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Ku nyima bana bandi nebabishe nvita, nebasangishe tshisumbu tshia masalayi a bungi; umue wabo neaye ku mpala, neahitshile mu buloba bu musulu mûle ne mai mahasalala mahite mielelu yau; hashishe, nealukile ku nvita, nealuangane tô ne ku musoko wa mukelenge wa ku sude muasa ne ngumbu ya nvita.

Danyele 11:10 ပူးပေါင်းရင်းမြစ်များ

Yeshaya 25:12

Maweja-Nangila neabumbule bimana, ne nzubu mile ivua bena Mowabe bakoleshe, neabiele panshi mu lupuishi, abilandakaje.

Yirmeya 51:42

Mayi manene kufika too ne ku Babilone, kumubikila ne muenji mukole.

Danyele 11:22

Kakuena tshiluilu tshidi mua kumutshimuna. Neabutule biluilu bionsu. Neashipe kabidi mukalenga wa bena tshisamba tshia ndondu.

Danyele 11:26

Bualu, bantu badiye usomba nabu, nebamutungile bitungu. Nebatshimune bena mvita bende, babashipe tshisumbu tshipite bunene.

Danyele 11:7

Muntu umue wa mu diku diende neapingane mu bukalenga bua tatuende. Neaye kuluisha bena mvita ba mukalenga wa ditunga dia ku mutu mu tshimenga tshiende tshikolesha ne bimana. Neabatshimune.

Danyele 11:9

mukalenga wa ditunga dia ku mutu neaye mu bukalenga bua kuinshi. Pashishe neapingane kuende.

Danyele 9:26

Ku nshikidilu kua bidimu muanda mutekete bivudija misangu makumi asambombu ne ibidi ebi, nebashipe muntu wa tshijila, kakuyi udi umusungidila. Pashishe mfumu mukuabu neafike ne tshiluilu tshiende. Neabutule tshimenga ne muaba wa tshijila. Kadi mfumu ewu neajimine ku tshiji tshia Mvidi Mukulu. Kadi too ne ku lufu luende, nealuangane mvita ya tshinyangu bu muvuabu babijadike.