Danyele 10:9 - MUKANDA WA MYIDI MUKULU

⁹ Meme kumvua muntu awu wakula. Amu ngumvua diyi diende adi, meme kufua tshipuka, kudishinda mutue mpala panshi.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Kadi nakunvua tshiona tshia mei andi; ne hanakunvua tshiona tshia mei andi, nakafua tshihuka nakatua mpala wanyi hanshi.

Danyele 10:9 ပူးပေါင်းရင်းမြစ်များ

Genese 15:12

Ku dilolu Abrame kulala tulu tukole. Bowa ne luzakalu kumuenzabi bikole.

Genese 2:21

Nanku Maweja-Nangila Mvidi Mukulu kuladika muntu mulume tulu tukole. Kulamunaye lubala lumue mu lubadi luende, kupingajapu munyinyi.

Yobe 33:15

Udi wakula mu ndota nansha mu malu adiye uleja, patudi tulala tuikisha butuku.

Yobe 4:13

Bivua amu bu tshilota tshidi tshiluila bantu butuku, tshinyanga tulu tukole tuvuabu natu.

Musambu wa Solomo 5:2

Mvua mulale, kadi muoyi wanyi uvua mushale ne tshitabela. Badi bakokola ku tshiibi! Ndi mumanye ne: munanga wanyi mmufike! “Muanetu wa bakaji, munanga wanyi, nkudimba wanyi, wanyi wa pa muoyi, ungunzuluile ku mbelu! Mutu wanyi mmuboleshe kudi lumuma, nsuki yanyi mmikuate mayi a dibungi dia butuku.”

Danyele 10:16

Kadi tshia muoyi tshikuabu, tshifuanangane ne muntu, kundenga ku mishiku. Ke meme kubulula mukana, kuakula tshiakabidi. Meme kuambila muntu uvua muimane kumpala kuanyi ne: ‘Mfumu wanyi, bua bualu ebu budi Mvidi Mukulu mundeje, dibungama ndinkuate. Tshiena ne bukole nansha.

Danyele 8:18

Patshivuaye wakula nanyi, mvua amu mpala panshi, mufue tshipuka. Yeye kundenga, kungimanyika kulu.

Abakuke 3:16

Pandi ngumvua tshiona atshi, bowa kunkuata bikole bipite, mishiku kungomba, mifuba kunwingutuka, mikolu kunzakala. Kadi ndi anu mutukije muoyi, muindile dituku diudi mua kunyoka bonsu bayua batukengesha, baunyanga.

Luke 22:45

Yezu mumane kutendelela, kujukaye. Kupinganaye kudi balongi bende, kubasangana balale bua dibungama.

Luke 9:32

Petro ne binende bavua bapita ku tulu. Kadi bapapuka ku tulu, kumonabu butumbi bua Yezu, ne bantu babidi bavuaye nabu.

Didimanyisha 1:17

Meme mumumone nanku, mvua mupone panshi ku makasa ende bu muntu mufue. Ke yeye kuteka tshianza tshiende tshia balume pambidi panyi, wamba ne: — Kutshinyi to! Meme ndi wa kumpala ne wa ndekelu.