Danyele 10:6 - MUKANDA WA MYIDI MUKULU

⁶ Mubidi wende uvua mufuanangane ne dibue dia mushinga mukole. Mpala wende uvua ukenka bu mupenya wa mvula. Mesu ende awa mafuanangane ne bimunyi bia kapia. Maboku ende ne mikolu yende bivua bibalakana bu tshiamu tshikunze tshinoona. Pavuaye wakula, diyi divua ne tshiona bu tshia mutoyi wa bantu bavule.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Mubidi wandi wakadi ukenka bu dibue dia chrysolite, mpala wandi bu muele wa nvula, mesu andi bu bimunyi bia kahia! maboko ne makasa andi bu tshiamu tshia mitaku tshinonoke, tshiona tshia mei andi tshiakadi bu tshiona tshia musumba wa bantu.

Danyele 10:6 ပူးပေါင်းရင်းမြစ်များ

Ekesode 28:20

Mulongu muinayi wikale ne mabue a krisolite, komaline ne yaspe. Dibue dionsu dikale dibueja mu disosu dia tshiamu tshia mpawungi didi ku tshilamba tshia pa tshiadi.

Musambu wa Solomo 5:14

Maboku ende adi bu lukanu lua tshiamu tshia mpawungi, lulengeja ne mabue mafiike a mushinga mukole. Mubidi wende udi bu mubanga mupela, mulengeja ne mabue a safire.

Yezekiyele 1:14

Nyama ayi ivua inyema lubilu lukole, itua ipingana ne lubilu bu lua kapia ka nkuba.

Yezekiyele 1:16

Mubidi wa nkata uvua wengelela bu dibue dia mushinga mukole. Nkata yonsu ivua mushindu umue, imueneka bu mudi nkata mitshiamakane.

Yezekiyele 1:24

Pavua nyama yenda, meme kumvua mutoyi wa mapuapua anu bu mutoyi wa mayi manene akungula, nansha bu mudi dikubakuba dikole dia Mvidi Mukulu wa bukole buonsu, nansha bu mudi mutoyi wa bena mvita bapite bungi. Pavua nyama imana, ivua ipuekesha mapuapua ayi.

Yezekiyele 1:7

Mikolu yayi itua milulame. Makasa ayi avua mafuanangane ne bikonu bia muana wa nyama wa ngombe, bikenke bu tshiamu tshikunze tshiengulula.

Yezekiyele 10:9

Meme kumona kabidi nkata inayi. Ku luseke lua kerubine onsu, kuvua nkata umue. Nkata ayi ivua ikenka bu mabue a mushinga mukole.

Yezekiyele 40:3

Mvidi Mukulu kumfikisha mu tshimenga atshi. Meme kumona muntu ubalakana bu tshiamu tshikunze. Muntu awu uvua ne muonji mu tshianza, ne mutshi wa kupima nawu bule bua bintu. Uvua muimane kulu pabuipi ne tshiibi.

Yezekiyele 8:2

Meme kumona tshintu tshifuanangane ne muntu. Muinshi mua tshimonu tshia tshintu atshi, meme kumona mubidi watshi umueneka bu kapia, ku mutu kua tshimonu tshia tshintu atshi, kuvua bu butoke bufuanangane ne tshiamu tshikunze tshibalakana bikole.

Matayi 17:2

Yezu kuandamuka mpala, balongi bende bamone. Mpala wende kukenka bu diba. Bilamba biende kutoka too.

Matayi 28:3

Mutumibue awu uvua ukenka bu muele wa mvula. Bilamba biende bivua bitoke too bu ndanda.

Luke 9:29

Patshivuaye utendelela, mpala wende kuandamuka, bilamba kukenka bikole, bibalakana.

Didimanyisha 10:1

Ke meme kumona mutumibue mukuabu wa bukole utuluka mu diulu. Divuba divua dimubuikile, muanzankongolu mumunyungulukile ku mutu. Mpala wende uvua bu diba, mikolu yende bu makunji a kapia.

Didimanyisha 19:12

Mesu ende avua engelela bu kapia. Uvua muase bifulu bivule bia bukalenga pa mutu. Bavua bafunde pambidi pende dina didiye yeye nkayende mumanye.

Didimanyisha 2:18

— Fundila mutumibue wa mu Tshisumbu tshia bena ditaba ba mu Tiyatira ne: “Muana wa Mvidi Mukulu udi ne mesu akenka bu kapia katema, makasa abalakana bu tshiamu tshikunze tshivuabu bengulule, bafinunuje, udi wamba ne:

Didimanyisha 21:20

ditanu dia onikse, disambombu dia sarduwane, dia muanda mutekete dia krizolite, dia muanda mukulu dia berile, dia tshitema dia topaze, dia dikumi dia krizopraze, dia dikumi ne dimue dia turkuwaze, ne dia dikumi ne dibidi dia ametiste.