Danyele 10:20 - MUKANDA WA MYIDI MUKULU

^20-21 Yeye kuamba ne: ‘Udi mumanye ne: ndi mufike kuudi bua tshinyi? Ndi mufike bua kukumanyisha malu adibu bafunde mu mukanda wa bulelela. Kadi ntshidi ne bua kuluisha mutumibue mulami wa ditunga dia Persa. Pa diba menemene dindi nya kumuluisha, mutumibue mulami wa ditunga dia bena Ngreke kufika. Kakuena muntu nansha umue udi ungambuluisha bua kuluisha baluishi aba, anu Mikayele mutumibue wa Mvidi Mukulu udi ulama Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Yeye wakamba ne, Wewe udi mumanye bualu bunakuluila kûdi, anyi? Mpindiu nempingane bua kuluangana ne muanjelo-mulami wa Bena Pelasa. Hanashikisha nʼandi nvita, muanjelo-mulami wa Bena Gelika nealue

Danyele 10:20 ပူးပေါင်းရင်းမြစ်များ

Ezela 4:4

Bantu bavua basomba mu ditunga, kutuadija kutekesha bena Yuda mu maboku, babakuatshisha kabidi ne bowa bua balekele kuibaka nzubu wa Mvidi Mukulu.

Yeshaya 37:36

Nanku, mutumibue wa Maweja-Nangila kuya mu mitanda ya bena Ashure. Kushipaye bantu binunu lukama ne makumi muanda mukulu ne bitanu. Butshia dinda, bantu bavua bashala ne muoyi babika, kumonabu bitalu bionsu abi.

Danyele 10:13

Kadi mutumibue wa Mvidi Mukulu, mulami wa bukalenga bua bena Persa, uvua muanji kuntuila nkanana matuku makumi abidi ne dimue, too ne diba diakafika Mikayele, umue wa ku bamfumu ba batumibue ba Mvidi Mukulu, bua kungambuluishaye. Nenku bavua banji kundama kudi bakalenga banene ba bena Persa.

Danyele 7:6

Pashishe meme kumona nyama mukuabu, uvua mufuanangane ne nkashama. Uwa ne mapuapua anayi bu a nyunyi panyima pende, kabidi ne mitu inayi. Kupetaye bumfumu.

Danyele 8:21

Mbuji wa mpumbu ke bukalenga bua bena Ngreke. Lusengu lunene luvua pankatshi pa mesu ende, ke mukalenga wa kumpala.

Bienzedi 12:23

Diakamue mutumibue wa Mvidi Mukulu kusamisha Erode, bualu uvua udikebela lumu luvua Mvidi Mukulu ne bua kupeta. Kubuelaye bikusu, kufua.