Danyele 1:4 - MUKANDA WA MYIDI MUKULU

⁴ Nsongalume ayi ikale ne bukole bua mubidi, kayiyi ne bulema pambidi, ya mubidi mulenga, ya bukole, ya meji, ya dimanya dikumbane, ne ya lungenyi lutue lua kujingulula nalu malu, bua benzele mukalenga mudimu mu nzubu wende wa bukalenga. Nebabalongeshe mua kuakula ne kufunda muakulu wa bena Babilone.

Mukanda wa Nzambi Dihungila Dikulukulu ne Dihungila Dihia-dihia 2003

⁴ bansongalume badi kabayi ne tshilema hamʼbidi habo, badi ne mpala milengele, meji makane a ngenyi yonso, bayishibue meji, bajingulule lungenyi lua malu onso, bakumbane biabo bua kukuata mudimu mu nsubu wa mukelenge; bua yeye amanye mua kubayisha mikanda ne muaku bia Bena Kasada.

Danyele 1:4 ပူးပေါင်းရင်းမြစ်များ

Genese 41:46

Pa wabu bamufite kua mukalenga wa bena Ejipitu apu, Yozefe uvua ne bidimu makumi asatu. Ke Yozefe kulayangana ne mukalenga wa bena Ejipitu, kutuadija kuendakana, utangila midimu mu ditunga dijima dia Ejipitu.

2 Samuele 14:25

Mu ditunga dijima dia bena Izrayele, kamuvua muntu mukuabu uvua ukemesha bantu bonsu bua buimpe buende, bu Absalome to. Absalome uvua muimpe biangatshile ku dikasa too ne ku mutu. Kavua ne tshilema nansha tshimue pambidi.

Nsumuinu 22:29

Wewe mumone muntu wenza mudimu wende bimpe: muntu ewu udi mua kukuatshila nansha bamfumu mene mudimu, pa mutu pa kunkuatshila bantu ba lukutukutu.

Muambi 7:19

Meji adi aludika bilenga udi nawu, bipite mudi balombodi dikumi mua kuludika tshimenga tshimue.

Yeshaya 36:11

Nenku, Eliyakime, Shebna ne Yowa kuambilabu mulombodi wa bena mvita ba bena Ashure, muambuluishi wa mukalenga wabu ne: “Bu wewe musue, tuyukile nebe mu muakulu wa bena Arame, bualu tudi baumanye. Lekela kuakula netu mu buena ebrewu, bualu bantu bonsu badi pa tshimana badi batuteleja.”

Yirmeya 5:15

Maweja-Nangila udi wamba ne: nuenu bena Izrayele, nennutumine tshisamba tshikuabu, tshidi tshifume kule bua tshinuluishe. Tshisamba atshi kabena mua kutshipita bukole to. Tshisamba atshi ntshia ku bisamba bia kale. Kanuena mua kumvua muakulu watshi. Bidi bantu aba bamba kanuena mua kubimanya to.

Danyele 2:10

Bena bilengulengu kuandamuna mukalenga ne: — Kakuena muntu pa buloba apa udi mua kuenza tshiudi ujinga to. Kabidi kakuena mukalenga, nansha munene, nansha wa bukole bua bungi, ukadiku muebeje mubuki wa mbuku, nansha muena majimbu, anyi muena bilengulengu, bualu bua mushindu ewu.

Danyele 2:2

Mukalenga kubikidisha babuki ba mbuku, benji ba majimbu, bapaki ba manga ne bena bilengulengu, bua kumujinguluilabu tshilota tshiende. Kufikabu, kuimanabu kumpala kua mukalenga.

Danyele 3:8

Tshitupa tshipi, bena Babilone bakuabu kufika, bua kusonguela bena Yuda.

Danyele 4:7

Pamvua mulale mu bulalu buanyi, mvua mulote nenku: Mutshi mule uvua muimane kulu munkatshi mua buloba.

Danyele 5:11

Kudi muntu mu bukalenga buebe udi ne mueyelu wa mvidie ya tshijila. Mu tshikondu tshia tatuebe, bakasangana muntu awu muikale udianza kumona malu, muikale ne lungenyi ne meji bu bidi mvidie nabi. Ke pavua tatuebe, mukalenga Nebukadnesare, mumuteke mfumu wa babuki ba mbuku, wa benji ba majimbu, wa bena bilengulengu ne bajinguludi ba malu a mitotu.

Danyele 5:7

Mukalenga kuela diyi dikole ne: bafike ne bena meji ba mu Babilone, benji ba majimbu, bena bilengulengu ne bamanyi ba malu a mitotu. Kubambilaye ne: — Muntu yonsu wabala tshidibu bafunda etshi, watshinjinguluila, nebamuvuadike bilamba bia lumu. Nebamuele mabue a tshiamu tshia mpawungi mu nshingu. Neikale umue wa ku balombodi banene ba mu ditunga.

Danyele 9:1

“Mu tshidimu tshia kumpala tshivua Daryaveshe, muana wa Ahashaveroshe, wa mu diku dia bukalenga bua bena Madayi, mudie bukalenga mu ditunga dia Babilone, meme, Daniyele, mvua mutangile mu mikanda ya tshijila. Meme kujingulula bualu buvua Maweja-Nangila muambile muambi Yirmeya ne: bidimu makumi muanda mutekete, Yerushalayime neashale dikolu.

Zekâya 2:4

Meme kumukonka ne: — Bantu aba mbalue kuenza tshinyi? Kungandamunaye ne: — Mbafike bua kutshibula nsengu ayi; bua kukuatshisha bowa ne kubutula bisamba bia bukole bivua biluisha ditunga dia Yuda, bitangalaja benadi, muntu nansha umue kayi mua kubafuila nkanana.

Bienzedi 7:20

Ke tshikondu tshivuabu balele Moshe, muana wa mpala muimpe, uvua mutokele Mvidi Mukulu ku muoyi. Kumudishabu ngondu isatu ku nzubu kua tatuende.

Bienzedi 7:22

Ke muvuabu balongeshe Moshe malu onsu avua bena Ejipitu bamanye. Kuenzaye muntu uvua mumanye mua kuakula ne kulongolola malu.

Efeze 5:27

Bualu uvua musue kudiangatshila Tshisumbu etshi ne bulenga buonsu. Kavua musue bua tshikale ne dinyanu, nansha ne kalema, nansha ne mutudi. Uvua mujinge bua tshikale tshia tshijila, tshiakane tshipuangane.

Balombodi 8:18

Pashishe Ngideyone kukonka Zeba ne Salmuna ne: — Bantu banuvua bashipe ku Tabore, bavua mushindu kaayi? Kumuandamunabu ne: — Bantu abu bavua bafuanangane nebe. Muntu yonsu wa kudibu uvua mufuanangane ne muana wa mukalenga!