Bienzedi 9:2 - MUKANDA WA MYIDI MUKULU

² umulomba mikanda bua kuyaye kudileja nayi mu nzubu ya kutendelela ya bena Yuda ya mu tshimenga tshia Damase. Ne mikanda ayi, yeye musangane bantu, balume nansha bakaji, badi balonda Njila wa Mfumu, uvua mua kubakuata, kuya nabu ku Yerushalayime.

Mukanda wa Nzambi Dihungila Dikulukulu ne Dihungila Dihia-dihia 2003

² Wakamulomba mikanda ya kuya nʼai mu nsunagoga ya mu Damaseke bua kusuika basanganeye mu Nshila eu wa Nzambi, nasha balume nasha bakashi, ne bua kulueye nʼabo ku Yelushalema.

Bienzedi 9:2 ပူးပေါင်းရင်းမြစ်များ

Genese 14:15

Bafika ku Dane, Abrame kuabanya bantu bende mu bisumbu. Kuluanganabu ne baluishi babu butuku, kubapita bukole. Kubipatabu too ne ku Oba, luseke lua ku mutu kua Damase.

Yeshaya 17:1

Badi bamanyisha malu adi atangila “Damase”. Nkushale amu matuku makese, Damase kakuikala kabidi tshimenga to. Bionsu bidimu nebibutuke.

Yirmeya 49:23

Bua bena Damase Maweja-Nangila udi wamba ne: Bena mu tshimenga tshia Amate ne tshia Arpade, nebakuatshike bowa bunene pumvuabu lumu lubi. Nebazakale kabayi bapeta dikisha.

Matayi 10:17

Nudimuke, bualu bantu nebanufile ku bilumbuluilu binene, kabidi nebanukumishe mikaba mu nzubu yabu ya kutendelela.

Yowanane 14:6

Yezu kumuandamuna ne: — Ndi njila, ndi bulelela, ndi muoyi. Muntu nansha umue kena mua kuya kudi Tatu kayi mupitshile kundi.

Bienzedi 18:25

Bavua bamulongesha njila wa Mfumu. Uvua ulongesha pende ne disuminyina, umanyisha bantu malu a Yezu bijalame, kayi utupakana. Kadi uvua mumanye amu muvuabu batua bantu mu mayi mushindu uvua Yowanane muenze.

Bienzedi 19:23

Ke tshikondu tshivua tshimvundu tshinene tshijuka mu Efeze bualu bua njila wa muoyi wa Mfumu.

Bienzedi 19:9

Kadi bamue ba kudibu bavua ne muoyi mupape, babenga kuitaba, bakula ne kapeja bua njila wa Mfumu, bantu bonsu bumvue. Nanku Polu kubashiya, kupatuka mu nzubu amu pamue ne bena ditaba. Kutuadija dituku adi, uvua ubalongesha mu tshilongelu tshia Tiranuse ku dituku ku dituku.

Bienzedi 24:14

Kadi tshindi nkujadikila tshidi nunku: ndi ngenzela Mvidi Mukulu wa bankambua betu mudimu, ndonda njila mupiamupia, udibu bamba ne: mmubi. Kadi ndi ngitaba bionsu bidibu bafunde mu mikanda ya mikenji, ne ya bambi.

Bienzedi 24:22

Felikse uvua mumanye bimpe malu avua atangila bena Kristu. Kuindijaye bena tshilumbu, wamba ne: — Netukose tshilumbu tshienu, pikala Liziyase, mulombodi wa basolayi, mumane kufika.

Bienzedi 26:10

Ke bimvua muenze mu Yerushalayime. Mvua mupete dianyisha dia pa buadi kudi batuangaji banene. Ke pamvua muele bena ditaba bavule mu lukanu. Pavuabu babafundile lufu, mvua muanyishe.

Bienzedi 26:12

— Ke mumvua muye mu Damase, ne bukenji buvuabu bampeshe kudi bamfumu ba batuangaji, bua kukumbaja mudimu uvuabu bamfundile.

Bienzedi 6:9

Bantu bakuabu ba mu nzubu wa kutendelela wa bena Yuda, uvuabu binyika ne: “Ngwa Bapikula,” kudiwula Stefane. Bantu abu bavua bena Yuda ba mu musoku wa Sirene, ne ba mu tshimenga tshia Aleksandriya, kabidi ba mu buloba bua Silisiya ne Aziya. Kuelanganabu mpata ne Stefane.

Bienzedi 7:19

Mukalenga awu kudinga bana betu, kukengesha bankambua, kubenzeja ku bukole bua bashiye bana babu batekete mu tshisuku, bafue.

Bienzedi 9:14

mMufike munu ne bukenji bua kudi batuangaji banene, bua kukuata bonsu badi bitaba dina diebe.

Bienzedi 9:21

Bonsu bavua bamuteleja bavua bakema, bamba ne: — Uvua ukengesha bikole bantu bavua bitaba dina dia Yezu mu Yerushalayime, ki mmuntu ewu anyi? Ki mmufike apa bua kukuata bantu, kubafila kudi bamfumu ba batuangaji anyi?

2 Korente 11:32

Pamvua ku Damase, mulombodi wa ditunga, uvua ukuatshila mukalenga wa ditunga Aretase mudimu, uvua muteke basolayi ku biibi bia tshimenga bua kunkuata.

Ngalate 1:17

Tshivua nansha muye ku Yerushalayime, bua kumonangana ne bakavua bapete mudimu wa bupostolu kumpala kuanyi. Kadi diakamue mvua muye ku Arabiya. Pashishe meme kupingana ku Damase.