Bienzedi 9:18 - MUKANDA WA MYIDI MUKULU

¹⁸ Diakamue bintu kupatuka mu mesu a Shawule bu mamba a nyama. Yeye kutuadija kumona tshiakabidi. Kujukaye. Kumutuabu mu mayi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Bintu bu bilamulamu biakalamuka ku mesu andi lubilu, wakamona; wakabika, bakamubatiza.

Bienzedi 9:18 ပူးပေါင်းရင်းမြစ်များ

2 Korente 3:14

Kadi lungenyi luabu kaluvua mua kumvua bualu to. Too ne ku lelu padibu babala mikanda ya ndondu wa kale, tshilamba tshia momumue tshidi tshibuikila lungenyi luabu. Badi bumusha tshilamba etshi amu padi muntu udisanga ne Kristu.

Bienzedi 22:16

Kadi mpindiewu tshiudi windila kabidi ntshinyi? Jukaku, bakutue mu mayi, utonde mu dina dia Yezu, bua mibi yebe ijimine.”

Bienzedi 2:38

Ke Petro kubandamuna ne: — Nudilengeje. Batue yonsu wa kunudi mu mayi mu dina dia Yezu Kristu, bua Mvidi Mukulu anujimijile mibi yenu. Nanku nenupete dipa dia kudi Mvidi Mukulu, ke Mueyelu wa Tshijila.

2 Korente 4:6

Mvidi Mukulu uvua muambe ne: “Butoke bukenke mu miidima!” Ke muvuaye mukenkeshe butoke buende mu mioyi yetu, bua mmanye butumbi bua Mvidi Mukulu budi bubalakana pa mpala wa Kristu.

Bienzedi 2:41

Bantu ba bungi kuitaba miaku ya Petro ayi. Kubatuabu mu mayi. Dituku adi, bantu bu binunu bisatu kubuela mu tshisumbu tshia bena ditaba.

Bienzedi 9:8

Shawule kujuka panshi, utabala, kadi nanshaye kumona tshintu. Kumukuatabu ku tshianza, bua kumufikisha mu Damase.

Bienzedi 9:17

Ke Ananiyase kuya. Kubuelaye mu nzubu awu, kutenteka Shawule bianza, umuamba ne: — Muanetu Shawule, Mfumu Yezu uvua mukumuenekele mu njila muudi utumina, mmuntume bua wewe kumona tshiakabidi, kuwula kabidi ne Mueyelu wa Tshijila.

Bienzedi 9:19

Pashishe kudiaye, kupeta bukole. Shawule kushala amue matuku ne balongi ba mu Damase.

Bienzedi 22:13

Ke kufikaye bua kumonangana nanyi. Kusemenaye pabuipi nanyi, ungamba ne: “Muanetu Shawule, tabalaku!” Diba mene adi meme kutabala, kumumona.