Bienzedi 5:4 - MUKANDA WA MYIDI MUKULU

⁴ Bangabanga budimi ebu buvua buebe. Wewe mumane kubupana, lupetu luabu luvua amu luebe. Kadi udi mushindike bua kuenza bualu ebu bubi bua tshinyi? Kuena mudinge bantu to, udi mudinge Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Hakadi budimi mu tshianza tshiebe, kabuakadi buebe, anyi? Hawakubuhana mushinga wabu kawakadi webe, anyi? Wakuelelangana meshi a bualu ebu mu mutshima webe munyi? Kuakudinga bantu, wakudinga Nzambi.

Bienzedi 5:4 ပူးပေါင်းရင်းမြစ်များ

1 Kulondolola 29:17

Mvidi Mukulu wanyi, ndi mumanye ne: udi ukonkonona meji adi munda mua bantu, udi wanyisha badi ne muoyi mutoke. Mvua mukulambule biuma bianyi, lelu meme kumona bantu badi basangile apa, benza bia mumue ne disanka.

1 Kulondolola 29:3

Kadi bua biuma bimvua meme nabi, mpawungi ne tshiamu tshitoke tshia mushinga mukole, ndi mbifila bua nzubu wa Mvidi Mukulu wanyi. Ndi mbisakidila ku bionsu bimvua mumane kulongolola bua muaba wa tshijila ewu, undi mupite kunanga.

1 Kulondolola 29:5

Kadi bua mpindiewu, wa kunudi udi mua kulambula Maweja-Nangila ku budisuile buende, mpawungi ne tshiamu tshitoke tshia mushinga mukole, bua bena mudimu wa bianza benze bintu bionsu bitudi tukengela, nnganyi?

1 Kulondolola 29:9

Bantu bonsu bavua ne disanka, bavua baye kufila bintu ebi ne muoyi wabu mujima. Mukalenga Davide uvua ne disanka dinene.

Yobe 15:35

Badi bela meji ku malu mabi, nebatele malu mabi. Badi badinga bantu, badidinga ne bobu kabidi.

Misambu 139:4

Tshiyi muanji kuamba diyi mukana muanyi, wewe ukadi mumanye bionsu bindi musue kuamba.

Misambu 7:14

Udi wangata biende bia lufu, wasa mikete yende idi misuika kapia.

Ekesode 16:8

Moshe kuambila bena Izrayele ne: — Maweja-Nangila dilolu edi neanupeshe munyinyi, dinda neanupeshe mampa, nudie nuukute, bualu mmumvue bijanu bienu. Yeye ke unudi nujana. Kanuena nutujana tuetu to. Tuetu tudi tshinyi?

Ekesode 35:29

Bena Izrayele bonsu balume ne bakaji ba muoyi muimpe, kulambulabu bintu bia kuenza nabi mudimu uvua Maweja-Nangila muambile Moshe.

Muambi 5:5

Lekela kuakula miaku idi ikubipisha. Wewe muambe miaku mibi, newikale ne tshilumbu tshia kuambila mutuangaji ne: “Mvua mutupakane.” Nanku Mvidi Mukulu neakufikile munda bua miaku yebe mibi ayi. Ne anyange midimu yebe.

Yeshaya 59:4

Nudi nufundangana ku tubadi amu ne muoyi mubi. Nudi nulumbululaku, kanuyi nukeba bulelela. Malu anudi nujadika adi amu a dishima. Bionsu binudi nuamba bidi amu bia patupu. Nudi amu nukeba kukengeshangana, nupatula munda muenu amu malu mabi.

Yezekiyele 38:10

“Meme Maweja-Nangila Mvidi Mukulu, ndi ngamba ne: Padi tshikondu atshi tshikumbana, neutuadije kuela meji mabi.

Dibadika 16:11

Nanku, wewe ne bantu bebe, nudi nutombokela Maweja-Nangila. Unudi nujana ki ngArone nansha!

Luke 10:16

Ke Yezu kuambila kabidi balongi bende ne: — Muntu udi unuteleja, udi unteleja meme. Muntu udi unubenga, udi umbenga meme. Kadi muntu udi umbenga, udi ubenga ne Tatu uvua muntume.

Bienzedi 5:3

Ke Petro kumuebeja ne: — Ananiyase, mudi diabolu mubuele mu muoyi webe mmunyi? Udi mushime Mueyelu wa Tshijila, mudilamine tshitupa tshia mushinga wa budimi bua tshinyi?

Bienzedi 5:9

Nanku Petro kumukonka ne: — Nudi bumvuangane bua kuteta Mueyelu wa Mfumu bua tshinyi? Ee, umvua, bantu bavua baye kujika bayebe bakadi bapingana. Badi ku tshiibi. Nebaye kukujika ne wewe kabidi.

1 Korente 8:8

Kadi tshidi tshitusemeja pabuipi ne Mvidi Mukulu ki ntshiakudia nansha. Tuetu katuyi badie minyinyi ayi, katuena dijimija tshintu. Tuetu bayidie, katuena tupeta tshintu.

1 Tesalonike 4:8

Muntu udi ubenga mikenji eyi, kena ubenga muntu, kadi udi ubenga Mvidi Mukulu, udi unupa Mueyelu wende wa Tshijila.

Filemone 1:14

Kadi tshivua musue kuenza nanku, tshiyi mukuebeje to. Tshiena musue kukuenzela bualu buimpe ku bukole. Ndi njinga ubuenze ku budisuile buebe.

Yakobe 1:15

Pashishe majinga mabi adi akidila bubi munda, alela bubi. Padi bubi bumane kukola, budi bulela lufu.

1 Samuele 8:7

Maweja-Nangila kumuandamuna ne: — Uteleje bena Izrayele, ubenzele bionsu bidibu balomba. Bualu udibu babenga ki ngwewe to, mmeme! Kabatshiena basue bua meme kuikala mukalenga wabu to.