Bienzedi 5:3 - MUKANDA WA MYIDI MUKULU

³ Ke Petro kumuebeja ne: — Ananiyase, mudi diabolu mubuele mu muoyi webe mmunyi? Udi mushime Mueyelu wa Tshijila, mudilamine tshitupa tshia mushinga wa budimi bua tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

³ Kadi Petelo wakamba ne, Anania, bualu kai Satana wakûsha mutshima webe tente bua wewe kudinga Nyuma Muimpe ne bua kusokoka tshituha tshia mushinga wa budimi?

Bienzedi 5:3 ပူးပေါင်းရင်းမြစ်များ

Yobe 22:13

Kadi wewe udi amu webeja ne: “Tshidi Mvidi Mukulu mua kumanya ntshinyi? Udi mua kukosa nsambu yetu padi mavuba amusokoka anyi?

Nsumuinu 20:25

Kuamba lukasa ne: “Nendambule Mvidi Mukulu tshintu kampande,” nansha kumulaya bualu kuyi muanji kuela meji, nkudikebela njiwu.

Muambi 5:4

Mbimpe kubenga kulaya, pa mutu pa kulaya, kuyi ukumbajilamu tshiudi ulaya.

Yeshaya 29:15

Bantu badi benza malu mu musokoku, basokoka Maweja-Nangila meji adibu bela, benza malu abu mu miidima, mbena diakabi! Badi bela meji ne: “Watumona nnganyi? Wamanya tshitudi tuenza nnganyi?”

Yirmeya 23:24

Maweja-Nangila udi webeja ne: pikala muntu usokoma, tshiena ne mushindu wa kumumona anyi? Ndi miaba yonsu: mu diulu ne pa buloba. Kanuena bamanye bualu ebu anyi?

Dibadika 30:2

Pashishe Moshe kumanyisha bamfumu ba meku a bena Izrayele mikenji mikuabu ya kudi Maweja-Nangila ya ne:

Matayi 13:19

Padi bantu bumvua bakuabu balongesha malu a mu Bukalenga bua mu diulu, kabayi bajingulula muyayabu, Muena bubi udi ufika, umusha bivuabu bamiamine mu muoyi wabu. Ke ntete idi ipona ku muelelu wa njila.

Luke 22:3

Ke diabolu kubuela munda mua Yudase Iskariyote, umue wa ku balongi dikumi ne babidi.

Yowanane 13:2

Yezu ne balongi bende bavua mu didia dia dilolu. Diabolu ukavua mumane kuitabijija Yudase muana wa Simone Iskariyote, bua elele Yezu tshitungu.

Yowanane 13:27

Diakamue Yudase mumane kuangata tshipese tshia diampa, diabolu kubuela munda muende. Ke Yezu kuambila Yudase ne: — Tshiudi musue kuenza, utshienze lukasa!

Bienzedi 5:2

Kadi Ananiyase kudilamina tshitupa tshia lupetu lua budimi, kuya ne tshikuabu kudi bapostolu. Mukajende uvua mumanye mu-vuaye muenze amu.

Bienzedi 5:4

Bangabanga budimi ebu buvua buebe. Wewe mumane kubupana, lupetu luabu luvua amu luebe. Kadi udi mushindike bua kuenza bualu ebu bubi bua tshinyi? Kuena mudinge bantu to, udi mudinge Mvidi Mukulu.

Bienzedi 5:9

Nanku Petro kumukonka ne: — Nudi bumvuangane bua kuteta Mueyelu wa Mfumu bua tshinyi? Ee, umvua, bantu bavua baye kujika bayebe bakadi bapingana. Badi ku tshiibi. Nebaye kukujika ne wewe kabidi.

Dielulula 23:21

Kadi nudi mua kulomba bintu bia kasombela, anu kudi muenyi udi munkatshi muenu. Kanulombi kudi muanenu. Nukumbaje mikenji eyi mu ditunga dinuakuata, bua Maweja-Nangila Mvidi Mukulu wenu anuele lupemba mu bionsu binudi nuenza.

Yakobe 4:7

Nanku tumikilayi Mvidi Mukulu. Tuilayi diabolu nkanana, bua anunyeme, aye kule!

1 Petro 5:8

Ikalayi batabale, nudimuke! Bualu muluishi wenu diabolu udi bu nyama wa ntambue, ukungula, ukeba wa kudiaye.