Bienzedi 20:3 - MUKANDA WA MYIDI MUKULU

³ Kushalayemu ngondu isatu. Pakavuaye mumane kudilongolola bua kubuela mu majuwa, kuya mu Siriya, kumvuaye lumu ne: bena Yuda mbamuelele tshifufu tshibi. Ke yeye kupangadika bua kulonda njila wa ku makasa, kupitshila mu Masedoniya.

Mukanda wa Nzambi Dihungila Dikulukulu ne Dihungila Dihia-dihia 2003

³ Hakalaleyeku ngondo isatu, ne Bena Yuda bamane kumuelela tshifufu hakadiye wamba kusabuka ku Sulia, yeye wakadisunguila bua buhingana ku Makedonia.

Bienzedi 20:3 ပူးပေါင်းရင်းမြစ်များ

Ezela 8:31

Mu matuku dikumi ne abidi a ngondu wa kumpala, tuetu kumuka ku mukidi wa Akava, bua kuya mu Yerushalayime. Mu luendu alu, Mvidi Mukulu wetu uvua molole tshianza tshiende, bua kutulama ku baluishi ne bena buivi, bua kabatutatshishi.

Nsumuinu 1:11

padibu bakuamba ne: “Vuaku, tuye kualamina bantu mu njila bua kubashipa, tubajikidile, tubabunde, nansha bobu kabayi batuenzele bibi.

Yirmeya 5:26

Munkatshi mua bantu banyi bena Izrayele mudi bantu badi kabayi ne ditaba, kabayi balama mikenji. Badi bu bilembi bidi bialamina nyunyi bua kuyikuata. Basokome munkatshi mua mitshi, badi bateya bantu, babakuata.

Matayi 4:24

Mu ditunga dijima dia Siriya, kutuadijabu kuyukidilangana bualu bua Yezu. Bavua bafika kudiye ne bantu bonsu bavua kabayi bumvue bimpe, bikale ne masama ne ntatu bishilangane. Munkatshi muabu muvua bavuabu bakuate kudi diabolu, bena tshiseke, ne bena tuneke. Yezu uvua ujikija masama abu onsu.

Bienzedi 16:12

Tumuka amu, tuetu kufika mu Filipe, tshimenga tshia tshitupa tshia kumpala tshia buloba bua Masedoniya, tshivua kabidi ku bumfumu bua bena Rome. Tuetu kushala mu tshimenga atshi amue matuku.

Bienzedi 16:9

Butuku Mvidi Mukulu kuleja Polu malu. Kumonaye muntu wa bena Masedoniya muimane, umulomba ne: “Pitshila mu Masedoniya, uvue kutuambuluisha!”

Bienzedi 18:18

Polu kushala kabidi matuku makumbane mu Korente. Pashishe kulayanganaye ne bena ditaba. Yeye, Priskila ne Akuila, kubuela mu majuwa, kuya ku Siriya. Bangabanga ne kubuela mu majuwa mu Kenkreya, Polu uvua mukunguishe mu mutu, bualu uvua muenze dilaya.

Bienzedi 19:21

Malu onsu aa mamane kupita, Polu kupangadika mua kupitshila mu Masedoniya ne mu Akaya, bua kuya mu Yerushalayime, wamba ne: — Pangafika ku Yerushalayime, nenye kabidi ne ku Rome.

Bienzedi 20:1

Mitoyi mimane kujika, Polu kusangisha bena ditaba, kubakolesha ku muoyi, kulayangana nabu. Pashishe kuyaye mu Masedoniya.

Bienzedi 20:19

Mvua mukuatshile Mfumu mudimu ne bupuekele buonsu. Bena Yuda bavua bambungamija, bankengesha, bualu bavua bangelela bifufu bibi.

Bienzedi 20:2

Kupitshilaye munkatshi mua ditunga adi, wenda ukolesha bena ditaba ku muoyi ne malongesha mavule. Pashishe kuyaye mu ditunga dia bena Ngreke.

Bienzedi 21:3

Bafika pabuipi ne Shipre, muaba uvua tshidila tshimueneka ku diboku dietu dia bakaji, tuetu kupita kuinshi kuatshi, kuya ku Siriya. Tuetu kutuluka mu majuwa mu Tire, bualu ke muaba uvua majuwa ne bua kushiya bujitu.

Bienzedi 25:3

“Anyisha, utupingajile Polu mu Yerushalayime.” Bualu bakavua bamuelele tshitungu, bua kumushipela mu njila.

2 Korente 1:15

Bu mundi ntekemena nanku, mvua musue kunukumbula, bua Mvidi Mukulu anuele lupemba misangu ibidi.

2 Korente 11:26

Mu ngendu yanyi kayiyi kubala, mvua mupete njiwu mu misulu, pavua mayi mapasalale. Mvua mupete njiwu kudi banyenganganyi ba bintu, kudi bana hetu bena Yuda, ne kudi bantu ba bisamba bikuabu. Mvua mu njiwu mu bimenga ne mu bipela, pa mayi manene kabidi. Mvua muyipete ne kudi bana hetu ba dishima.

2 Korente 7:5

Nansha patuvua bafike ku Masedoniya, katuvua ne dikisha nansha dikese. Tuvua bapete ntatu nseke yonsu: baluishi bavua batutatshisha; tuvua kabidi ne dipampakana mu muoyi.

Ngalate 1:21

Pashishe meme kuya mu buloba bua Siriya ne bua Silisiya.