Balombodi 5:3 - MUKANDA WA MYIDI MUKULU

³ Nuenu bakalenga, nuenu balombodi, telejayi bimpe! Ndi musue kuimba musambu, ntumbisha Maweja-Nangila, Mvidi Mukulu wa Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

³ Unvuai, nuenu bakelenge, telejai matshu, nuenu bana ba bakelenge; meme mene, meme nengimbile Yehowa musambu; nengimbile Yehowa, Nzambi wa Isalele, musambu wa kumutumbisha nʼau.

Balombodi 5:3 ပူးပေါင်းရင်းမြစ်များ

Genese 6:17

Meme nenguwuje buloba ne mayi a tshipupu, bua kubutula bionsu bidi ne muoyi pa buloba. Tshintu tshionsu tshidi ne muoyi pa buloba netshifue.

Genese 9:9

“Ndi ntua nenu ndondu, kabidi ne ndelanganyi yenu.

1 Bakalenga 18:22

Ke Eliya kubambila kabidi ne: — Meme ndi mushale muambi wa Maweja-Nangila anu nkayanyi. Kadi, bambi ba Baale badi nkama inayi ne makumi atanu.

1 Bakalenga 19:10

Eliya kuandamuna ne: — Maweja-Nangila Mvidi Mukulu wa bukole buonsu, ndi mukunange bikole. Nanku tshitshiena musue kumona bionsu bidi bena Izrayele benza to. Bualu bena Izrayele mbanyangakaje ndondu webe, mbupule bilambuilu biebe, mbashipe bambi bebe. Ndi mushale anu meme nkayanyi. Kadi badi bakeba kunshipa ne meme!

1 Bakalenga 19:14

Kuandamunaye ne: — Maweja-Nangila Mvidi Mukulu wa bukole buonsu, ndi mukunange bikole. Kadi tshiena musue kumona bionsu bidi bena Izrayele benza to. Bualu bena Izrayele mbanyangakaje ndondu webe, mbupule bilambuilu biebe, mbashipe bambi bebe. Ndi mushale anu meme nkayanyi. Kadi, badi bakeba kunshipa ne meme.

Ezela 7:21

“Meme, Artashasta, mukalenga munene, ndi ngambila balami ba bibutshilu bionsu bidi mu buloba budi luseke ludi diba dibuelela lua musulu wa Perate ne: bakumbaje bidi mutuangaji Ezra wamba, bualu yeye udi mumanye bimpe mikenji ya Mvidi Mukulu wa mu diulu.

Misambu 119:46

Nengambile bakalenga mikenji yebe, tshiyi mfua bundu.

Misambu 146:2

Nentumbishe Mvidi Mukulu wanyi matuku onsu antshidi ne muoyi, nemmuimbile misambu bidimu bionsu bindi panu.

Misambu 27:6

Diakamue nkadi mpetula baluishi badi bangela munkatshi. Nendambule Maweja-Nangila milambu, mmuela tunkunduluila, mmuimbila misambu.

Misambu 61:8

Ashale mu bukalenga kashidi, akuvuluke. Mvidi Mukulu wanyi, bu muudi umunanga, ukumbaje biuvua mulaye, umulame, akole bobobo.

Ekesode 31:6

Ndi muangate kabidi Okoliyabe, muana wa Akisamaka wa mu tshisamba tshia Dane, bua ikale umuambuluisha. Ndi mupeshe bantu bakuabu tshipedi tshia kuenza midimu ya bianza. Nanku, bonsu pamue nebenze bionsu bimvua mukuambile bua wewe kuenza:

Lewitiki 26:28

meme nennufikile munda, nnuluisha. Nemvudije dikenga dienu tshiakabidi misangu muanda mutekete.

Dielulula 32:1

Diulu, teleja tshindi ngamba, buloba, umvua miaku yanyi.

Dielulula 32:3

Ndi ntumbisha dina dia Maweja-Nangila. Bena Izrayele, samunayi Mvidi Mukulu wetu.

Balombodi 5:7

Kakuvua bantu bavua ne bumfumu to. Kakuvua balombodi mu ditunga dia bena Izrayele, too ne pangakamueneka meme Debora, meme mamu wa bena Izrayele.