Balombodi 18:3 - MUKANDA WA MYIDI MUKULU

³ Pavuabu muaba awu, kumvuabu nsongalume wa bena Levi wakula. Kumanyabu tshiakuidi tshiende. Kuyabu kukonka nsongalume awu ne: — Udi mukubikile muaba ewu nnganyi? Udi wenza tshinyi? Tshiudi musombele muaba ewu ntshinyi?

Mukanda wa Nzambi Dihungila Dikulukulu ne Dihungila Dihia-dihia 2003

³ Hakadibo ha buihi ne nsubu wa Mika, bakamanya dî dia nsongalume, Muena Lewi; bakasemena ha buihi, bakamukonka ne, Wakalua nʼebe kunoko nganyi? Udi wenza tshinyi mu muaba eu? Wakadila tshinyi kunoko?

Balombodi 18:3 ပူးပေါင်းရင်းမြစ်များ

Genese 27:22

Yakobe kusemena kudi tatuende Izake. Awu kubabata muanende, wamba ne: — Diyi ndimvuika bu dia Yakobe. Kadi bianza mbia Esawu.

Yeshaya 22:16

Bumfumu buudi nabu muaba ewu mbumfumu kaayi? Bulela buudi nabu apa mbulela kaayi? Udi udiumbuila lukita, udiumbuila majambu pa mukuna, udiumbuila webe muaba wa ndekelu munda mua lubuebue bishi?

Matayi 26:73

Kunyima kua katupa, bavua muaba awu, kusemenabu kudi Petro, bamuamba ne: — Bulelela udi umue wa kudibu. Tudi bumvue ku ngakuilu webe kuudi ufuma!

Balombodi 12:6

bavua bamuenzeja ku bukole bua ashindumune muaku wa “Shibolete”. Kadi muntu awu uvua wamba yeye ne: “Sibolete”. Bualu kavua mumanye mua kushindumuna muaku awu bimpe to. Nanku bavua bamukuata, bamushipela pabuipi ne malobu a Yardene. Tshikondu atshi, kushipabu bena Efrayime binunu makumi anayi ne bibidi.

Balombodi 18:2

Nanku bena Dane kusungula munkatshi muabu bantu balume batanu bavua ne dikima. Bantu abu bavua bumukila mu bimenga bia Sora ne Eshetayole, bua kuya kutentekela ditunga bimpe. Bantu balume abu kufika mu buloba bua mikuna ya Efrayime. Kuimanabu pabuipi ne kua Mika.

Balombodi 18:4

Nsongalume kuandamuna ne: — Mika uvua musue kundama. Udi umfuta bua ngikale mutuangaji wende.