Amosa 7:2 - MUKANDA WA MYIDI MUKULU

² Ke mpasu kudia bisosa ne bisaala bionsu bivua mu ditunga. Nanku meme kuamba ne: “Maweja-Nangila Mvidi Mukulu, ndi nkusengelela: fuila bantu bebe luse. Tshianana, nebashale ne muoyi bishi? Bualu badi amu bakese, batekete kabidi.”

Mukanda wa Nzambi Dihungila Dikulukulu ne Dihungila Dihia-dihia 2003

² Hakashikishayi kudia mashinde onso a ha buloba, nakamba ne, Mukelenge Yehowa, ndi nkutendekena ne, Ubabuikidile mibi yabo. Yakoba neashindame munyi? Bualu bua udi mushale anu mubalê.

Amosa 7:2 ပူးပေါင်းရင်းမြစ်များ

Misambu 12:1

Musambu wa mu mukanda wa mulombodi wa bena misambu, wa kuimba ne lunzenze lua nshinga muanda mukulu. Musambu wa mu mukanda wa misambu ya Davide.

Ekesode 10:15

Ivua mikile panshi, mipafikishe fitutuu. Ivua idia bintu bionsu bivua mabue a mvula kaayi manyange too ne bimuma bionsu bivua ku mitshi. Ka-kuvua kushala tshintu tshibishi nansha tshimue ku mitshi yonsu ya mu ditunga dia Ejipitu nansha pa madimi.

Ekesode 34:9

wamba ne: — Maweja-Nangila wanyi, ndi mujadike ne bena Izrayele mbantu ba tshitunu, kadi bu muudi munnange, ndi nkusengelela bua wikale munkatshi muetu. Utufuileku luse ku bionsu bitudi bakuenzele, bualu tudi bantu bebe.

Yeshaya 37:4

Mukalenga wa bena Ashure, mmutume mulombodi wa bena mvita, mumuambuluishi, bua kupendabu Mvidi Mukulu wa muoyi. Eyowa, ndi njinga bua Maweja-Nangila Mvidi Mukulu webe umvue bipendu bionsu ebi, anyoke muntu uvua mumupende! wewe lombaku Maweja-Nangila, akuile bantu bende badi bashala ne muoyi.”

Yeshaya 51:19

Makenga avua makukuate, amu abidi abidi: kabutu ne tshinyangu, mvita ne tshiyole tshia nzala. Kadi wa kukudila nnganyi? Wa kukukolesha ku muoyi nnganyi?

Yirmeya 14:7

Bulelela bilema bietu bidi bibipisha. Kadi wewe Maweja-Nangila, utuambuluishe, anu bua dina diebe wewe. Tudi bakuenzele bibi misangu mivule. Tudi bakutombokele.

Yirmeya 42:2

kudi muambi Yirmeya, bamuambila ne: — Wanyishe tshitudi tukulomba. Utendelele Maweja-Nangila Mvidi Mukulu webe bua tuetu bonsu badi bashale ne muoyi. Tudi bakese be. Udi mudimuene nkayebe.

Yezekiyele 11:13

Pamvua ngambila bantu miaku ya Maweja-Nangila ayi, Pelatiya, muana wa Benaya, kufua. Meme kutua mpala panshi, kuela mbila ne: — Eyi! Maweja-Nangila Mvidi Mukulu, neushipe bena Izrayele bonsu badi bashale anyi?

Yezekiyele 9:8

Diba divuabu benda bashipa bantu, meme kushala nkayanyi mutue mpala panshi, ngamba ne: — Eyi! Maweja-Nangila Mvidi Mukulu, paudi mufikile bena Yerushalayime munda, ubashipa nanku, udi musue kubutula bena Izrayele bonsu batshidi bashale ne muoyi anyi?

Danyele 9:19

Maweja-Nangila, diteleja! Maweja-Nangila, utufuile luse! Maweja-Nangila, teya matshi! Mvidi Mukulu wanyi, bua dina diebe, kujangaluki bua kusungidila tshimenga etshi ne tshisamba etshi bidi bikujidila.

Yowele 2:17

Batuangaji, badi bakuatshila Maweja-Nangila mudimu, badidile muadi mu nzubu wa Mvidi Mukulu, pankatshi pa tshibuelelu ne tshilambuilu, basengelele Mvidi Mukulu, bamuambile ne: “Maweja-Nangila, utufuile luse, tudi bantu bebe, kutufuishishi bundu, kuanyishi bua bantu batuseke, batukonke ne: ‘Tshidi Mvidi Mukulu wabu ubenzela ntshinyi?’ ”

Amosa 4:9

Mvua mutumine bia pa madimi emu mabeedi, bua bifube, bibolele mu madimi. Ndi munyange mitshi yenu, ne mionji ya mvinyo; mpasu kudia mitshi ya mfiku, ne ya olive. Kadi kanuena bapingane kundi. Meme Maweja-Nangila ndi njadika nanku.

Amosa 7:5

Ke meme kuamba ne: “Maweja-Nangila Mvidi Mukulu, ndi nkutendakena ne: lekela kuenza nanku. Tshianana, bantu bebe nebashale ne muoyi bishi? Badi anu bakese, batekete kabidi!”

Didimanyisha 9:4

Kuyikandikabu bua kayinyangi bisosa, nansha mitshi, nansha biakudia bia pa madimi; kadi ikengeshe amu bantu bavuabu kabayi batue tshitampi tshia Mvidi Mukulu pa mpala.