Amosa 7:1 - MUKANDA WA MYIDI MUKULU

¹ Teleja bivua Maweja-Nangila Mvidi Mukulu mundeje: meme kumona muvuaye mufuke mpasu mipite bungi. Bantu bakavua bamane kunowa bidibu ne bua kulambula mukalenga wa ditunga. Bisosa bi-kavua bituadija kutoloka tshiakabidi.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mukelenge Yehowa wakandesha tshikena kumona etshi: Monai, yeye wakadi utuma mikumbi ku tshibangidilu tshia kutoloka kuibidi kua bia kudia; monai, kuakadi kutoloka kuakalonda bia kudia biakanowelabo mukelenge.

Amosa 7:1 ပူးပေါင်းရင်းမြစ်များ

Yowele 1:4

Tshintu tshiyuabu bashiye mu madimi kudi meshi, nebatshidie kudi mpasu; tshiwa mpasu mishiye, nebatshidie kudi mintuntu; tshivua mintuntu mishiye, nebatshidie kudi mpasu ya mikumbi.

Amosa 8:1

Maweja-Nangila Mvidi Mukulu kundeja kabidi tshibondu tshia bimuma bimane kuboba.

Amosa 4:9

Mvua mutumine bia pa madimi emu mabeedi, bua bifube, bibolele mu madimi. Ndi munyange mitshi yenu, ne mionji ya mvinyo; mpasu kudia mitshi ya mfiku, ne ya olive. Kadi kanuena bapingane kundi. Meme Maweja-Nangila ndi njadika nanku.

Yowele 2:25

Maweja-Nangila udi wamba ne: “Nennupingajile bintu bienu, biwabu badie kudi meshi, mintuntu, ne mpasu ya mikumbi, bimvua munutumine bisumbu ne bisumbu bua kunukengesha.

Amosa 7:7

Maweja-Nangila kundeja kabidi bualu ebu: Yeye mene uvua muimane pa tshimana, ne nshinga wa kuludika nende mu bianza.

Amosa 7:4

Ke Maweja-Nangila Mvidi Mukulu kundeja bualu bukuabu: kubikilaye kapia kakole bua kanyoke bantu. Kapia kukamisha mayi onsu, nansha a muinshi mua buloba. Kakavua kashidisha ditunga dia bena Izrayele.

Yezekiyele 11:25

Meme kulondela bantu bavua mu bupika bionsu bivua Maweja-Nangila mundeje.

Yirmeya 24:1

Maweja-Nangila kundeja bisaka bibidi bia bimuma bia mfiku, bivua muntu muteke kumpala kua nzubu wa Mvidi Mukulu. Diba adi, Nebukadnesare, mukalenga wa bena Babilone, ukavua mumane kukuata Yekonya, muana wa Yoyakime, mukalenga wa bena Yuda, ne balombodi ba mu bukalenga, bansenda ne bena midimu ya bianza.

Yeshaya 33:4

Diba adi, netupawule bintu, mudi mpasu imata panshi, idia bisosa. Tudi tudiela pa bia baluishi betu, mudi mikumbi ikila pa bia mu madimi.

Malaki 3:11

Nenkandike bishi bua kabinyangi bia pa madimi, kabipangishi mionji yenu ya nwinyo bua kukuamayi. Meme Maweja-Nangila wa bukole buonsu ndi nnulaya nanku.