Abakuke 3:2 - MUKANDA WA MYIDI MUKULU

² Eyi, Maweja-Nangila wanyi, ndi mumvue biuvua mungambile, kadi bidi binkuatshisha bowa. Patutshidi ne muoyi apa, utuenzele kabidi malu a dikema auvua muenzenze kale. Nansha wewe mutufikile munda pa bualu, utufuile kabidi amu luse.

Mukanda wa Nzambi Dihungila Dikulukulu ne Dihungila Dihia-dihia 2003

² Yehowa, nakunvua lumu luebe, ndi ntshina. Yehowa, sangulusha mudimu webe munkatshi mua bidimu ebi, munkatshi mua bidimu ebi ûmanyishe kudi bantu; mu njiya yebe uvuluke luse.

Abakuke 3:2 ပူးပေါင်းရင်းမြစ်များ

Ezela 9:8

Kadi Maweja-Nangila Mvidi Mukulu wetu, matuku makese aa, udi mutuleje muudi mutunange. Uvua muanyishe bua bana betu bavua bashale ne muoyi, bapingane mu buloba buebe bua tshijila. Nanku, bua luse luebe, Mvidi Mukulu wetu, mesu etu adi aleja tshiakabidi disanka. Tudi Nsanguluka kakese mu dikenga ditudi nadi.

Yobe 42:5

Mvua mukumanye amu bualu bantu bakuabu bavua bandongeshe. Kadi mpindiewu meme kukumona ne anyi abidi.

Misambu 119:120

Mubidi wanyi udi uzakala bua kukunemeka, ndi ne bowa bua mapangadika ebe.

Misambu 25:6

Maweja-Nangila, vuluka ne: wewe udi Mvidi Mukulu wetu, kuonsu kuaka uvua utunanga, utufuila luse.

Misambu 38:1

Musambu wa mu mukanda wa misambu ya Davide, bua kuleja Mvidi Mukulu dikenga diende.

Misambu 44:1

Musambu wa mu mukanda wa mulombodi wa bena misambu. Kasala ka mu mukanda wa misambu wa bena Kora.

Misambu 71:20

Udi mummueneshe mabika ne mala. Kadi neumfululule, ungepule ku lukita.

Misambu 78:38

Kadi yeye uvua mubanange, ubafuila luse, kayi ubabutula. Kavua ulonda muvua tshiji tshiende tshimuambila. kavua ulonda meji atshi,

Misambu 85:6

Neutukuatshile tshiji matuku onsu anyi? Neufikile ndelanganyi yonsu munda anyi?

Yeshaya 53:1

Wa kutudi uvua mua kuitaba bualu, budibu batuambila mpindiewu, nnganyi? Wa kutudi uvua mua kuela meji a ne: Maweja-Nangila nealeje bukole buende nanku, nnganyi?

Yeshaya 54:8

Tshivua musue kukumona kabidi to. Bualu mvua ne tshiji tshikole. Kadi bivua bua katupa kipi. Kadi mpindiewu nenkuleje kashidi, mundi nkunanga bikole. Meme Maweja-Nangila, ndi nkujadikila bualu ebu. Meme nenkusungidile.

Yeshaya 63:15

Maweja-Nangila nansha wewe musombe mu diulu, mu muaba webe muimpe wa tshijila, tangila bidi bituenzekela panu panshi. Dinanga diebe dikole, diuvua mutunange nadi didi penyi? Bukole buebe buuvua nabu mu mvita butshidiku anyi? Kuena kabidi musue kutufuila luse anyi? Maweja-Nangila kubengi kutuleja muudi utunanga.

Yeshaya 66:2

Tshionsu tshinudi numona, meme ke udi mutshienze ne bianza bianyi. Ndi nnuambila ne: bionsu ebi mbianyi. Kadi muntu undi ntangila ne disanka, ke muena muoyi wa bupuekele, udi unyingalala bua mibi yende, udi uteleja diyi dianyi ne luzakalu, ungitaba.

Yirmeya 10:24

Maweja-Nangila umbele. Kadi umbele ne lutulu, kunnyoki paudi ne tshiji. Tshianana ndi mbutuka.

Yirmeya 10:7

Nanku bantu bonsu badi ne bua kukunemeka, wewe mukalenga wa bisamba bionsu bia pa buloba. Bualu bukalenga buonsu mbuebe wewe. Munkatshi mua bena meji bonsu ba pa buloba, munkatshi mua bakalenga bonsu, kamuena mukuabu bu wewe.

Yirmeya 29:10

“Maweja-Nangila udi wamba kabidi mpindiewu ne: Bukalenga bua bena Babilone nebushale kabidi bidimu makumi muanda mutekete. Diba adi nennusungidile. Nenkumbaje malu mimpe amvua munulaye. Nennupingaje mu Yerushalayime.

Yirmeya 46:28

Maweja-Nangila udi wamba ne: Wewe Izrayele muena mudimu wanyi, kuikadi ne bowa to. Bualu ndi nebe. Nembutule bisamba bionsu, miaba yonsu imvua munutangalaje. Kadi tshiakukubutula wewe to. Bushuwa mvua anu ne bua kukunyoka, bualu tshiena mua kukutangila bu muntu udi kayi muena tshibawu!

Muadi 3:32

Nansha yeye ukengesha muntu, udi umufuila luse, bualu buimpe buende mbupite bunene.

Danyele 8:17

Ngabriyele kusemena pabuipi nanyi. Pakafikaye, bowa bukole kunkuata. Meme kutua mpala panshi. Kadi kungambilaye ne: ‘Daniyele, udi anu muntu, umanye ne: Mvidi Mukulu udi mukuleje malu a ku nshikidilu wa bidimu.’

Abakuke 3:1

Ke ditendelela dia Abakuke, didibu bimba bu musambu wa miadi:

Abakuke 3:16

Pandi ngumvua tshiona atshi, bowa kunkuata bikole bipite, mishiku kungomba, mifuba kunwingutuka, mikolu kunzakala. Kadi ndi anu mutukije muoyi, muindile dituku diudi mua kunyoka bonsu bayua batukengesha, baunyanga.

Zekâya 1:12

Mutumibue wa Mvidi Mukulu kuamba kabidi ne: — Maweja-Nangila wa bukole buonsu, kukadi mpindiewu bidimu makumi muanda mutekete biudi mufikile Yerushalayime ne bimenga bikuabu bia Yuda munda. Neulame tshiji, kuyi ubafuila luse matuku makuabu bungi munyi?

Yowanane 10:10

Muivi udi ufika amu bua kuiba, kushipa ne kubutula. Meme ndi mulue bua bantu bapete muoyi, baupete wa bungi.

Rome 10:16

Kadi kabavua banyishe bonsu Lumu lua Disanka to. Ke padi Yeshaya wamba ne: “Maweja-Nangila, uvua muitabe bituvua bambe nnganyi?”

Filipe 1:6

Mvidi Mukulu uvua mutuadije mudimu muimpe awu munkatshi muenu, ndi mujadike ne: neatungunuke nawu too ne muajikawu, dituku diafika Yezu Kristu.

Ebrewu 11:7

Amu bua ditaba, Nowa kuteleja bivua Mvidi Mukulu mumuambile bua malu avua ne bua kuenzeka, avuaye kayi muanji kumona. Kuitabaye Mvidi Mukulu, kuenza buatu. Nanku yeye ne bena diku diende kupanda. Ke muvuaye udiwula bena panu, ubinga ku mesu a Mvidi Mukulu bualu uvua witaba.

Ebrewu 12:21

Bualu buvuabu bamone buvua bubakuatshisha bowa bikole bipite. Ke mutua Moshe muambe ne: “Ndi nzakala, bualu ndi ne bowa bua bungi.”

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”