Abakuke 3:17 - MUKANDA WA MYIDI MUKULU

¹⁷ Mitshi ya mfiku kayena ikuama bimuma, mu mionji ya nwinyo kamuena tumuma, ku mitshi ya olive kudi kutupu, biakudia kabiena bitoloka mu madimi, mu mpangu kamuena mikoku, ngombe kayena ilala mu bikumbi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Bikala mutshi wa nfigi kauyi usampila ntonga, hikalaku kakuyi tumuma ku mionshi ya nyinyo; biahanga mutshi wa olive kukuama, biahanga madimi kulua bia kudia; bikala mikoko ya mu luhangu kayiyiku, ne bikalaku kakuyi bimuna mu mpangu yabi;

Abakuke 3:17 ပူးပေါင်းရင်းမြစ်များ

Yirmeya 12:4

Ditunga nedikale mu dikenga, bia mu madimi nebiume too ne ku diba kaayi? Nyama ne nyunyi ya mu ditunga idi ifua bua tshilema tshidi bantu benza. Bualu badi bamba ne: “Maweja-Nangila kena umona bitudi tuenza to.”

Yirmeya 5:17

Bena tshisamba atshi nebadie bintu bienu bionsu, binudi nunowa, ne binutshidi nabi mu mayeba, bana benu ba balume ne ba bakaji, bimuna bienu binene ne bikese, mionji yenu ya mvinyo ne mitshi yenu ya bimuma. Bena mvita nebanyangakaje bimenga bienu bivuabu bakoleshe ne bimana, muaba unudi nuela meji ne: njiwu kayena mua kutukuata munemu to.”

Mika 6:15

Nenukune maminu, kanuyi nunowa. Nenukame bimuma bia olive, kanuyi mua kudilaba mafuta pambidi. Nenukame bimuma bia mvinyo, kadi kanuakunua maluvu.

Malaki 3:11

Nenkandike bishi bua kabinyangi bia pa madimi, kabipangishi mionji yenu ya nwinyo bua kukuamayi. Meme Maweja-Nangila wa bukole buonsu ndi nnulaya nanku.

2 Korente 4:8

Badi batukengesha mishindu yonsu, kadi kabena batuboza. Tudi tupampakana, kadi katuena tuteketa mu maboku.

2 Korente 4:9

Badi banduisha, kadi Mvidi Mukulu kena utulekela nansha. Badi batuela panshi, kadi tudi tulandapuka.