Abakuke 3:13 - MUKANDA WA MYIDI MUKULU

¹³ Kadi udi ufika bua kusungila bantu bebe, ne mukalenga uudi musungule, mujidile. Udi ushipa mukalenga wa tshisamba tshia bena buenzayi, ubutula kashidi bonsu badi bamulonda.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Wakahatuka biebe bua kuhandisha bantu bebe, bua kuhandisha muntu webe muedibue manyi ha mutu; wakatshibula musonga wa nsubu wa bantu babi, mumueneshe bishimikidi biandi hatoke tô ne ku mutu kua tshimanu.

Abakuke 3:13 ပူးပေါင်းရင်းမြစ်များ

2 Samuele 5:20

Nanku Davide kuya ku Bale-Perashime, kutshimuna bena Peleshete muaba awu, wamba ne: — Maweja-Nangila mmupandulule baluishi banyi kumpala kuanyi, anu bu mudi musulu upanda nkita. Ke padibu binyika muaba awu ne: Bale-Perashime, mmumue ne: “Mfumu udi upanda nkita.”

Misambu 105:15

“Kanulengi bantu bandi mujidile, kanuenzedi bantu banyi bibi nansha!”

Misambu 105:26

Maweja-Nangila kutuma Moshe, muena mudimu wende, ne Arone uvuaye musungule.

Misambu 110:6

udi ulumbuluisha bisamba bia bantu, uwuje bibandabanda tente ne bitalu, uboza bamfumu mu ditunga dijima.

Misambu 137:7

Maweja-Nangila, kupangi kuvuluka malu avua bena Edome benze, dituku divuabu bakuate Yerushalayime: bavua bela mbila ne: “Butulayi tshimenga, tshibutulayi ne ku bitaku biatshi!”

Misambu 20:6

Nanku netuele mbila ya disanka, bualu neutshimune ne bukole bua Muena Kulu. Netusempele ne dibendela, tutumbishe Mvidi Mukulu wetu! Maweja-Nangila akumbaje bionsu biudi umulomba.

Misambu 28:8

Maweja-Nangila udi ulama bantu bende. Udi upandisha mukalenga uvuaye musungule, umukolesha ku muoyi.

Misambu 68:7

Udi kayi ne babu, Mvidi Mukulu udi umupa nzubu. Badi mu lukanu udi ubapatula, bapete diakalenga, benze mudibu basue. Kadi bantomboji nebasombe mu buloba buume.

Misambu 77:20

Mvidi Mukulu uvua mupande njila mu mayi manene, uvua wendela muinshi mua mayi manene muntu kavua mua kumona dikasa diebe.

Misambu 99:6

Moshe ne Arone, ba munkatshi mua batuangaji bende, Samuwele wa munkatshi mua bavua babikila dina diende, bonsu aba kubikilabu Maweja-Nangila. Yeye uvua ubitaba.

Yeshaya 63:11

Amu diba adi, bantu bende kuvuluka Moshe, ne malu avua menzeke kale. “Mvidi Mukulu uvua musambuishe kale bantu bende ne balombodi babu mu mayi manene, mpindiewu udi penyi? Mvidi Mukulu uvua mutume Mueyelu wende munkatshi muabu, udi muaba kaayi?

Yeshaya 64:1

Pueka ne bukole bu kapia kadi kuosha nkunyi, kasabisha mayi. Nanku neuleje baluishi bebe bonsu, muudi Mvidi Mukulu bulelela! Bukua matunga nebuzakale kumpala kuebe,

Yezekiyele 13:14

Nenshimbule tshimana tshinudi balabe lupemba. Nentshiupule tshionsu panshi. Tshitaku tshiatshi netshimueneke. Tshimana netshiupuke tshinuboza. Nanku nenujadike ne: meme ndi Maweja-Nangila.

Amosa 9:1

Meme kumona Maweja-Nangila muimane pa tshilambuilu. Uvua wela mbila ne: “Tuuta ku mitu ya makunji, bua nzubu mujima anyungakane ne ku tshitaku. Tshibula makunji, azaze mitu ya bonsu. Badi bashala ne muoyi, nembashipeshe ku muele wa mvita. Muntu nansha umue kakunyema, kakupanduka ku lufu.

Yoshua 10:11

Pavua bena Amore banyema bena Izrayele, bapuekela luseke lukuabu lua mukuna wa Bete-Orone, Maweja-Nangila kubatokeshila mvula mukole wa mabue. Mvula awu kukuatshila bena Amore too ne mudibu bafika ku Azeka. Bantu balume bavua bafue ku mabue a mvula awu bavua ba bungi, bapite bavua bena Izrayele bashipe ku miele mu mvita.

Yoshua 10:24

Bafike amu ne bakalenga abu kudiye, Yoshuwa kubikidisha bena Izrayele, kuambila balombodi ba bena mvita bavua nende mu mvita bua basemene pabuipi, ne: — Semenayi apa. Diatayi bakalenga aba mu nshingu. Balombodi ba bena mvita kuenza nanku.

Yoshua 10:42

Kukuataye matunga aa. Kutshimunaye bakalenga abu anu musangu umue. Bualu Maweja-Nangila Mvidi Mukulu wa bena Izrayele nkayende ke uvua uluila bena Izrayele mvita.

Yoshua 11:12

Yoshuwa kutshimuna mu mvita bakalenga bonsu bavua badisangisha abu. Kukuataye kabidi bimenga biabu. Kushipaye bakalenga abu ne bantu bonsu, amu bu muvua Moshe, muntu wa Maweja-Nangila muambe.

Yoshua 11:8

Maweja-Nangila kufila baluishi aba mu bianza bia bena Izrayele. Bobu kubalondakaja too ne mu thimenga tshinene tshia Sidone tshidi ku mutu, ne ku Misrefote-Mayime, ne mu tshibandabanda tshia Mispa luseke ludi diba dipatukila. Bena Izrayele kubutula baluishi bonsu. Kabawa bashiye muntu nansha umue ne muoyi.