Abakuke 2:9 - MUKANDA WA MYIDI MUKULU

⁹ Nudi bena diakabi! Nudi banemeshe bena meku enu ne bintu bipeta ku buivi. Nansha nuenu base nzubu yenu kulu ku katongobela, dikenga nedinukuate.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Mulau wikale kudi udi wangatshila ba mu nsubu muandi luhetu ku malu mabi andi, bua kuibaka nʼalu disua diandi kulu bua kuhanduka ku makenga!

Abakuke 2:9 ပူးပေါင်းရင်းမြစ်များ

Misambu 49:11

Tudi tumona mudi bena meji bafua, mudi bapela ne batshimbakane bashiya buloba. Bonsu mbashile bantu bakuabu bintu biabu!

Misambu 52:7

Nenku Mvidi Mukulu neakubutule kashidi, neakukuate, akuipate kuebe, neakumbushe pa buloba patudi apa,

Yeshaya 28:15

“Nukadi nuamba ne: tudi batue ndondu ne lufu, tudi bumvuangane ne bajangi. Tshipupu katshiena mua kutukuata, paditshi tshipita. Bualu tudi bamone dishima bu muaba wa kunyemena, ne kudinga bantu, bu muaba wa kusokomena.”

Yeshaya 5:8

Bantu bonsu badi basakidila nzubu ku mikuabu, balamika madimi ku makuabu, mbena diakabi. Ku kakese ku kakese nebangate miaba yonsu. Nebashale bobu nkayabu mu ditunga!

Yirmeya 17:11

Mudi nzolu uladila mayi a dibata, ke mudi muntu udi upeta bubanji mu buivi. Patshidiye ne bukole, bintu biende bidi bimujika. Yeye mumane kukulakaja, udi bu muntu mutatakane.

Yirmeya 22:23

Wewe uvua musombe talalaa pa mukuna wa Lebanone. Uvua muenze disua diebe mu mutshi wa sedre. Kadi neudinyenge bu mukaji udi ukeba kulela. Neutue mikemu bikole, padi makenga akukuata.

Yirmeya 49:16

Uvua ukuatshisha bantu bonsu bowa. Uvua udimona bu udi mupile bisamba bionsu. Kadi uvua udidinga. Nansha wewe musombe mu mbuebue, nansha wewe muase pa mikuna mitumbuke, nansha wewe muenzele disua diebe kulu kupita, mudi nyunyi wa tshiminyi wenza, kadi nenkukulule panshi.” Ke mudi Maweja-Nangila wamba nanku.

Yirmeya 51:13

Wewe Babilone, udi muase ku muelelu wa musulu munene. Wewe udi ne biuma bivule, kuebe nkujika, wabutuku.

Yirmeya 51:53

Nansha bu Babilone mua kubanda mu diulu, kuya kusokoma muaba mukole, nentume baluishi bua bamupete, bamubutule muaba awu. Ke mundi meme Maweja-Nangila ngamba.

Yezekiyele 22:27

Balombodi benu badi bashipangana anu bua kunema, bu mudi nyama ya lonji ishipa nyama, iyipandabipese bipese.

Obadya 1:4

Nansha nuenu banangapale mulu bu nyunyi ya tshiminyi, nansha nuenu bibakile disua dienu munkatshi mua mitotu, nennukulule. Meme Maweja-Nangila, ndi ngamba nanku.

Yuda 1:11

Bantu abu mbena diakabi. mBabuele mu njila wa Kayine; mbapambuke mu njila, bu Balaame, bua lukuka lua biuma. mBabutuke, bualu bavua batomboka, bu muvua Kora muenze.