Abakuke 2:5 - MUKANDA WA MYIDI MUKULU

⁵ Bushuwa, bubanji budi bufikisha bantu ku diakabi. Badi baditambisha kabena ne dikisha. Badi mukana buashi, bu dijimba dia bafue kadiyi diwula. Badi bu mudi lufu, ludi lubutula amu kubutula bantu. Ke mudi bena Babilone bakuata amu kukuata matunga, bua bantu bashale bapika babu kashidi.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua dikuatshika diandi dia maluvu didi dimuvuisha umena dikamakama, muena dihetu udi kayi musue kushala kuandi; maluvu adi adiundisha lukuka luandi ku bunene bua Muaba wa Bafue, bu lufu ludi kaluyi mua kukuta; kadi yeye udi usangisha ba mu bisamba bionso ne udi ukungisha bantu bonso kudiye.

Abakuke 2:5 ပူးပေါင်းရင်းမြစ်များ

2 Bakalenga 14:10

Yowashe kumuambila kabidi ne: “Udi udisua, bualu uvua mutshimune bena Edome! Eyowa, usanke bualu udi mumane kutshimuna, kadi usombe ku nzubu kuebe! Kuena mumanye ne mvita iudi ujinga ayi, neyikukebele anu makenga anyi? Bualu nebakutshimune, wewe ne bena mvita bonsu ba bena Yuda?”

Misambu 138:6

Maweja-Nangila udi mulu mu diulu kadi udi umona bapuekele, umanya bena ditambisha pa bule.”

Nsumuinu 20:1

Mvinyo udi ufikisha muntu ku matandu. Maluvu makole adi asaka muntu ku mutoyi. Muntu yonsu udi ubinua ukuatshika, kena ne meji.

Nsumuinu 21:24

Muntu udi upepeja bantu, uditambisha, kena wangata tshintu nansha tshimue ne mushinga. Malu onsu adiye wenza adi aleja mudiye uditambisha kashidi.

Nsumuinu 27:20

Mudi dijimba dia bafue dimina bantu, ke mudi muntu ujinga amu kujinga kabiyi bijika.

Muambi 5:10

Padi muntu ne biuma bivule, bantu bavule badi babidia. Biuma nebilengelele muenabi ku tshinyi? Bushuwa udi mua kubitangila ne mesu, kadi tshikuabu tshidiye upeta ntshinyi?

Yeshaya 14:6

Uvua utuuta bantu ne tshiji tshikole kayi ulekela. Uvua ukengesha bantu ba mu matunga avuaye mukuate, kakuyi dikisha nansha dikese.

Yeshaya 16:6

Tuvua bumvue bakula ne: bena Mowabe badi baditambisha, badisua bikole, baditemba, badiamba tshianana, baditambisha patupu.

Yeshaya 2:17

Muntu muena ditambisha neinyike mpala panshi, muena kapeja neadie buloba. Dituku adi, nebamanye ne: amu Maweja-Nangila nkayende udi ne bukole.

Yeshaya 21:5

Badi balongolola mesa bua kudia, badija biata, badia, banua… Diakamue badi bela lubila lukole ne: “Balombodi ba bena mvita, jukayi, kuatayi bia mvita, tuyayi!”

Yeshaya 5:14

Bakadi bunzulule muaba wa bafue, mbaudiundishe bikole. Bamfumu ne bena Yerushalayime nebabuelemu bonsu, batshikale munkatshi mua tshibilu, basanka.

Yeshaya 5:8

Bantu bonsu badi basakidila nzubu ku mikuabu, balamika madimi ku makuabu, mbena diakabi. Ku kakese ku kakese nebangate miaba yonsu. Nebashale bobu nkayabu mu ditunga!

Yirmeya 25:9

Nanku nembikile bantu bonsu ba mu matunga a ku mutu kua ditunga, ne nangananga muena mudimu wanyi Nebukadnesare, mukalenga wa bena Babilone, bua baluishe ditunga edi, ne bantu badi basombamu. — Nebaluishe kabidi bisamba bidi nabu mutumba. — Nennubutule bonsu, nuenu ne bena mutumba nenu. Mu ditunga emu nemushale amu tshipela ne lubuwa. Bantu nebakeme bela mbila ya bowa pa kumona muaba ewu. Meme Maweja-Nangila ndi ngamba nanku.

Yirmeya 50:29

Nubikidishe bedi ba mikete bonsu. Nubatume baye kuluisha bena Babilone. Base mitanda yabu banyungulukile tshimenga. Muntu nansha umue kamonyi mua kunyema! Nupingajile bena Babilone bibi bivuabu benzelangana. Nubakengeshe muvuabu bakengeshangana. Bualu bavua badileja ne dikamakama kumpala kua Maweja-Nangila, Mvidi Mukulu wa tshijila wa bena Izrayele.

Yirmeya 51:39

Ndi nyilongoluela didia dinene, nenyinuishe maluvu ikuatshike. Neilale bua kashidi, kayena mua kujuka kabidi to. Meme Maweja-Nangila ndi ngamba nanku.

Abakuke 1:15

Ke mudi bena Babilone bakuata bantu, mudibu baloba mishipa ne ndobu. Badi bu balobi badi bakuata mishipa mu makondu abu, bayipatula mu mayi, basanka, batshionkomoka.

Abakuke 1:17

Bena Babilone nebatule amu kutula miele yabu ya nwita anyi? Nebabutule amu kubutula bantu ba matunga makuabu, kabayi bumvue luse anyi?

Abakuke 2:4

Funda nanku: bena buenzayi nebafue. Kadi bantu badi benzela bakuabu bimpe, nebapete muoyi, bualu badi bitaba Maweja-Nangila.

1 Tesalonike 4:11

Nudibambe bua numone mua kusomba ku matshi talalaa, kanuyi nubuelakana mu malu a bantu bakuabu. Nudipetele biakudia amu ku midimu inudi nukuata, bu mutuvua bamane kunuambila.

Yakobe 4:6

Kadi bu mudi Mvidi Mukulu utunanga, udi utusankisha kabidi bipite. Ke padi Mikanda ya tshijila yamba ne: “Mvidi Mukulu udi ubenga bena ditambisha, kadi udi wanyisha bapuekele.”