Abakuke 2:2 - MUKANDA WA MYIDI MUKULU

² Maweja-Nangila kungandamuna nanku: Funda bindi nkumanyisha, ubifunde bimpe pa mabaya, bua bonsu babibale, kakuyi lutatu.

Mukanda wa Nzambi Dihungila Dikulukulu ne Dihungila Dihia-dihia 2003

² Hashishe, Yehowa wakangitaba ne, Funda tshikena kumona ha dibeshi dinene hatoke tô, bua muntu udi ubala amanye mua kutshibala lubilu.

Abakuke 2:2 ပူးပေါင်းရင်းမြစ်များ

Yeshaya 30:8

Maweja-Nangila kuambila Yeshaya ne: “Funda mpindiewu miaku eyi pa dibaya. Uyifunde mu mukanda, bena Yerushalayime batangile. Nanku miaku eyi neyishale kashidi, neijadike bubi bua bantu banyi tshiendelele.”

Yeshaya 8:1

Bua kukumbaja diyi divua Maweja-Nangila mungambile, meme kuangata tshibasa tshinene tshia kufunda. Ke meme kufundapu ne maleta manene avua bantu bonsu mua kubala, miaku eyi ne: “Pawulayi lubilu, Ibayi lukasa.”

Yirmeya 30:2

Meme Maweja-Nangila Mvidi Mukulu wa Izrayele, mpindiewu ndi nkuambila ne: Ufunde bimpe malu anyi onsu amvua mukumanyishe.

Danyele 12:4

“ ‘Wewe Daniyele, ulame malu aa munda. Kuambidi muntu malu a mu mukanda ewu padi diba dia ku nshikidilu kadiyi dianji kufika. Pashishe bantu ba bungi nebaubale. Lungenyi luabu ne luvulangane.’

Danyele 7:1

Tshidimu tshia kumpala tshia bukalenga bua Baltazare mu ditunga dia Babilone, Daniyele kulota. Pawaye mu bulalu, muoyi kumupampakana bikole, bua malu awa Mvidi Mukulu mumuleje. Pashishe Daniyele kufunda tshilota tshiende muvuaye mutshimone nunku:

Rome 15:4

Nenku bionsu bitudi tubala mu Mikanda ya tshijila mbabifunde bua kutulongesha. Mikanda ya tshijila idi kukolesha ku muoyi, bua tunanukile, tupete bitudi tutekemena.

1 Korente 14:19

Kadi padi bena ditaba badisanga pamue, ndi musue kuakula miaku itanu idi yumvuika, bua kulongesha bakuabu, pamutu pa kuakula miaku binunu ne binunu mu miakulu idi bantu kabayi mua kumvua.

2 Korente 3:12

Tudi tuakula ne dikima dionsu, bualu tudi batekemene bia nanku.

Dielulula 27:8

Mikenji ayi, nuyifunde yonsu bimpe ku mabue anuvua bimanyike bua bayibale kakuyi lutatu.

Dielulula 31:19

Mpindiewu wewe Moshe, ndi nkulongesha musambu, uufunde, ulongeshe bena Izrayele, baumanye, bua padibu bawimba, bajadike ne: meme Maweja-Nangila Mvidi Mukulu wabu ndi munkatshi muabu. Malu adi mu musambu awu neanusonguele.

Dielulula 31:22

Dituku adi Moshe kufunda musambu uvua Mvidi Mukulu mumuambile, bua kulongeshaye bena Izrayele.

Didimanyisha 14:13

Pashishe meme kumvua diyi difumina mulu, dingamba ne: — Funda ne: “Badi bafuila mu mudimu wa Mfumu bituadija ku mpindiewu, mbena diakalenga!” Mueyelu wa Mvidi Mukulu udi wamba ne: “Bushuwa, nebikishe bua midimu mikole ivuabu benze, bualu malu mempe avuabu benze adi abalonda, abakuila.”

Didimanyisha 19:9

Mutumibue kungambila ne: — Funda ne: Badibu babikila ku didia dia dibaka dia Muana wa mukoku, mbena diakalenga. Kuambaye kabidi ne: — Miaku ya Mvidi Mukulu eyi kayena ya dishima.