Abakuke 2:19 - MUKANDA WA MYIDI MUKULU

¹⁹ Nudi bena diakabi! Nudi nuambila mutshi ne: “Juka” nansha dibue ne: “Tabala!” Kadi, nansha biobi bilamika biamu bia mushinga mukole pambidi, kabiena biakula, kabiena ne muoyi!

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Mulau wikale kudi udi wambila mutshi ne, Tabala! Udi wambila dibue didi kadiyi mua kuakula ne, Bika! Tshintu etshi tshidi mua kuyisha bantu, anyi? Monai, tshidi tshilamika or ne argent, kadi munda muatshi kamuena muhuya, nansha mukese!

Abakuke 2:19 ပူးပေါင်းရင်းမြစ်များ

Misambu 135:15

Mpingu ya bisamba bikuabu, nansha yoyi ya tshiamu tshitoke tshia mushinga mukole nansha tshia mpawungi, mbintu bienza kudi bantu.

Misambu 135:17

idi ne matshi, kayiyi yumvua. Kayena yakula nansha kakese!

Misambu 97:7

Bundu bukuate bonsu badi batendelela mvidie, ne badi badianyisha bua mvidie ya tshianana. Mvidie yonsu idi itumbisha Maweja-Nangila.

Yeshaya 26:14

Bamfumu betu ba kale bakadi bamane kufua, kabena bapeta muoyi kabidi to. Badi amu bu mundidimbi, kabena bajuuka kabidi to. Bushuwa, wewe ke uvua ubanyoka, ubabutula. Muntu nansha umue kena mua kubavuluka kabidi to.

Yeshaya 40:19

Ne lupingu anyi? Muena mudimu uvua mulusonge. Pashishe mufudi uvua mululamike mpawungi, kululengejaye ne nkanu ya tshiamu tshitoke tshia mushinga mukole.

Yeshaya 41:26

Wakadianjila kutuambila bualu ebu, bua tuetu kubumanya nnganyi? Wakabuamba kumpala, bua tuetu kujadika ne: “Ke muntu uvua mumanye bualu,” nnganyi? Bulelela, kakuena nansha umue wa kunudi, nuenu mvidie, uvua mubumanye. Kabena banumvue bamba bualu.

Yeshaya 44:17

Ne tshitupa tshikuabu tshia mutshi ewu, badi basonga natshi mvidie. Badi badisongela lupingu, bimana kumpala kualu, bantendelela, bamba ne: “Udi mvidie wetu, tupandishe!”

Yeshaya 46:6

Bantu badi batula mpetu yabu yonsu. Badi bapima nkanu mitoke ya mushinga mukole, ne biamu bia mpawungi. Badi bangata nsenda wa mpawungi ku mudimu, bua abafudile mvidie, udibu batendelela, udibu bakukuila.

Yeshaya 57:6

Mabue a busenu a mu musulu, ke tshiuma tshienu tshinudi nutendelela. Anu mabue awu ke anudi nulambula, nunuisha maluvu, ke anudi nulambula bia pa madimi. Ndi nnuebeja ne: bionsu ebi bidi mua kunsankisha anyi?

Yirmeya 10:14

Bantu bonsu badi bapuwa muaba awu bazakala, kabayi bumvua bualu. Bansenda bavua benza mpingu, bumvua bundu bua mpingu ivuabu bafule, bualu mpingu eyi ivua ibadinga. Kayena yeyela nansha kakese.

Yirmeya 10:3

Ditendelela dia bantu ba bisamba bikuabu didi anu lupepele, kadiena ne mushinga to. Badi bakosa mutshi mu ditu, muntu usonga nawu lupingu.

Yirmeya 10:4

Badi balulamika tshiamu tshia mpawungi, nansha tshiamu tshitoke tshia mushinga mukole. Badi balupopela ne ngindu ne misumadi, bua kuimanalu bimpe lululame.

Yirmeya 10:9

Mpingu eyi, mbayilamike tshiamu tshitoke tshia mushinga mukole tshia ku Tarshishe, nansha tshiamu tshia mpawungi, tshiaku Ufaze. Muntu ke udi musonge mpingu ayi. Nsenda wa tshiamu tshia mpawungi ke udi muyilengeje. Badi bayivuadika bilamba bimpe, bikunze ne bifikuluke. Mpingu yonsu eyi, idi anu mienza kudi muntu udi mumanye mudimu wende bilenga.

Yirmeya 2:27

Nudi nuambila lupingu lua mutshi ne: “Wewe ke tatu wetu!” Nudi nuambila lupingu lua dibue ne: “Wewe ke mamu udi mutulele!” Pa mutu pa nuenu kupingana kundi meme Maweja-Nangila, nudi bangele nyima. Kadi panuapeta dikenga, nenumbikile nuamba ne: “Luaku, utupandishe!”

Yirmeya 2:28

Kadi, meme Maweja-Nangila nennukonke ne: “Mvidie inuvua badienzele idi penyi? Pikalayi ne bukole, inusungidile, panudi mu dikenga! Bualu nuenu bena Yuda, bungi bua bimenga bienu, ke bungi bua mvidie yenu.”

Yirmeya 51:17

Padi bantu bamona bionsu ebi, badi bu bantu bapale, kabayi bajingulula bidi bienzeka. Bonsu bavua basonga mpingu, badi bafue bundu, bualu mpingu yabu ayi idi anu idinga bantu. Kayena yeyela, kayena ne mushinga.

Yirmeya 51:47

Kadi tshikondu tshikuabu nennyoke mvidie ya Babilone. Mu ditunga dijima nemuikale amu bowa! Bitalu bia bantu badibu bashipa mu tshimenga nebishale panshi kabayi babijika.

Danyele 3:1

Mukalenga Nebukadnesare kuenzeja lupingu lua tshiamu tshia mpawungi, lua metre makumi asatu mu bule, ne metre asatu mu butshiama. Kuluimanyikaye mu mpata wa Dura, mu buloba bua Babilone.

Danyele 3:18

Nansha yeye kayi musue kutusungidila, Mukalenga, umanye ne: katuena mua kukuatshila mvidie yebe mudimu, nansha kutendelela lupingu lua tshiamu tshia mpawungi luudi muenzeje to.

Danyele 3:29

Nenku ndi ntuma diyi ne: “Muntu ne wa mu tshisamba kaayi, wa ditunga kaayi, nansha wa muakulu kaayi, udi udiwula Mvidi Mukulu wa Shadrake, Meshake ne Abede-Nego, nebamukose bitupa bitupa, nebupule nzubu wende, neashale dikolu. Bualu kakuena mvidie mukuabu udi mua kusungidila bantu bu mudi ewu muenze.”

Danyele 3:7

Nanku bantu ba matunga onsu, ba bisamba bionsu, ne ba miakulu yonsu, pasuabu bumvua muadi wa mpungi, nshiba, lunzenze, lunkombe, ne wa biombelu bikuabu bionsu, bavua binama panshi, bakukuila lupingu lua tshiamu tshia mpawungi luvua mukalenga Nebukadnesare muenzeje.

Danyele 5:23

Wakupetula Mvidi Mukulu wa mu diulu, pauvua muele diyi bua bakutuadile makopu a tshijila a mu nzubu wa Mvidi Mukulu. Nuakunuinamu maluvu, wewe, bantu banene ba mu bukalenga buebe, bakaji bebe ba biuma, ne baudi mubanjije. Kabidi udi mutumbishe mvidie idibu bafula ne tshiamu tshitoke tshia mushinga mukole, tshia mpawungi, tshiamu tshikunze ne tshifiike, ne mvidie idibu basonga ne mabaya, kabidi ne mabue. Ke mvidie idi kayiyi imona, kayiyi yumvua, kayiyi mimanye tshintu. Uvua mubenge kutumbisha Mvidi Mukulu, udi mukulame, mumanye malu ebe onsu.

Danyele 5:4

Bonsu bamane kunua maluvu a bungi, kutumbishabu mvidie idibu batula ne tshiamu tshia mpawungi, ne tshiamu tshitoke tshia mushinga mukole, tshikunze, tshifiike, ne mvidie idibu basonge ne mabaya, kabidi ne mabue.

Yona 1:5

Nanku, bitshi ba buatu kukuatshika bowa bukole. Muntu yonsu uvua ulomba wende nwidie, wela mbila, bua tshipepele tshibutame. Pashishe kuimanshabu bintu bionsu bivua mu buatu mu mayi manene, bua buatu bupepele. Kadi Yona uvua anu mulale tulu tukole mu bibeya bia muinshi mua buatu.

Bienzedi 17:29

Patudi bana bende, katuena mua kuela meji ne: Mvidi Mukulu udi mufuanangane ne lupingu luenza ne tshiamu tshia mpawungi, nansha ne tshiamu tshitoke tshia mushinga mukole, nansha ne dibue, bintu bidi bantu batalame benza ku lungenyi luabu.

Didimanyisha 17:4

Mukaji uvua muvuale bilamba bimpe bikunze bia mushinga mukole. Uvua mudilengeje ne bintu bivule bia mpawungi, kabidi ne mabue a mushinga mukole, ne a busanga. Uvua ne dikopu dia mpawungi mu tshianza, diwule tente ne bintu bibi bia bundu bidi bileja buendenda buende.