Abakuke 2:17 - MUKANDA WA MYIDI MUKULU

¹⁷ Nebanutape, munuvua penu batape mitshi ya mu metu a mu Lebanone. Nuvua bashipe nyama ya mu metu awu. Nanku nyama neyinukuatshishe bowa. Bionsu abi nebinuenzekele, bua mashi a bantu anuvua bele panshi, bua tshinyangu tshinuvua banyange bimenga ne matunga abu natshi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Malu a tshimbambila awakuenzela Lebanona neakuandamukile, ne kubutula kua nyama nekukuatshishe buowa; bualu bua wakumatshisha mashi a bantu, ne bua malu a tshimbambila awakuenzela buloba, musoko ne bonso badi bashikamemu.

Abakuke 2:17 ပူးပေါင်းရင်းမြစ်များ

Misambu 137:8

Wewe Babilone wabutuki ewu, bantu bakupingajile bibi biudi mutuenzele, nebikale ne disanka!

Misambu 55:23

Teka bujitu bua pa makaya ebe mu bianza bia Mvidi Mukulu. Neakukankamike, kakuanyisha bua muntu wende apungile nabu.

Nsumuinu 28:17

Muntu mushipe muntu nende, neaye kudiela mu dijimba. Bantu kabamupumbishi bua kuenza nanku to.

Yirmeya 50:14

Nuenu bonsu bedi ba mikete, nufike, nuele mualu wa mvita. Nunyungulule tshimenga tshia Babilone, nutshiase mikete yenu, nutshiase anu kutshiasa, kanuyi nubala bungi bua mikete yenu. Bualu ke tshimenga tshivua tshitombokela Maweja-Nangila.

Yirmeya 50:28

Bantu bavua bapanduke mu mvita, bavua banyema mu ditunga dia Babilone, ke badi bafika mu Siyone, bela mbila ne: Maweja-Nangila Mvidi Mukulu wetu mmudisombuele. Mmunyoke bena Babilone bua nzubu wende wa tshijila uvuabu banyange.

Yirmeya 51:24

Kadi Maweja-Nangila udi wamba ne: Mpindiewu nenumone mundi mpingajila bena Babilone malu mabi onsu avuabu benzela Siyone.

Yezekiyele 28:16

Utua musumbe bintu bitule, ubisumbisha. Ke tshitua tshikufikisha ku tshinyangu ne ku buenzavi. Ke pandi nkuipata pa mukuna wanyi, nkupingaja muaba wa bantu bakuabu bonsu. Mukerubine utua mukulame, wakuipatshi mutantshi mule ne mabue atua akenka.

Yezekiyele 31:16

Pamvua ngupula mutshi ewu bua uye kumonangana ne bakadi bafue, bantu bonsu bavua bumvue pavuawu mupuke, kuzakalabu ne bowa. Mu dijimba dia bafue, mitshi yonsu ya mu Edene, mitshi mipite buimpe ya mu Lebanone ivua mipete mayi a bungi, kusanka.

Abakuke 1:17

Bena Babilone nebatule amu kutula miele yabu ya nwita anyi? Nebabutule amu kubutula bantu ba matunga makuabu, kabayi bumvue luse anyi?

Abakuke 2:8

Nuvua bibe bintu mu matunga mavule. Nanku bisamba bikuabu bionsu bia pa buloba nebibe bienu. Nebanunyoke, bualu nuvua bele mashi a bantu panshi, nuvua banyangakaje bimenga ne matunga.

Zekâya 11:1

Lebanone, unzulula biibi biebe, kapia kabutule mitshi yebe ya sedre.