Abakuke 1:2 - MUKANDA WA MYIDI MUKULU

² Maweja-Nangila, matuku bungiwu andi nkubikila, Wewe nansha kunteleja! Ndi nkumanyisha tshinyangu tshitudi natshi, kadi Wewe nansha kutusungidila!

Mukanda wa Nzambi Dihungila Dikulukulu ne Dihungila Dihia-dihia 2003

² Yehowa, nendile kûdi musangu bule bishi bua wewe unkuatshishe? Kuena ungunvuila, anyi? Ndi ndila kûdi bua tshimbambila tshidiku, ne wewe kuena utuhandisha.

Abakuke 1:2 ပူးပေါင်းရင်းမြစ်များ

Yobe 19:7

Pandi ngela mbila bua bangambuluishe, muntu nansha umue kena unteleja. Ndi ndomba bua bakose nsambu yanyi pa yoyi, muntu nansha umue kena undumbuluila.

Misambu 22:3

Mvidi Mukulu wanyi, butuku ne munya, ndi nkubikila, kadi tshiena mpeta dikisha, bualu kuena ungambuluisha!

Misambu 94:3

Maweja-Nangila, bantu babi nebikale ne disanka too ne diba kaayi?

Yirmeya 14:9

Udi udileja bu muntu, udi kayi mua kutuambuluisha, bu muena bukitu udi mupange bukole bua kusungidila bakuabu, bua tshinyi? Eku wewe Maweja-Nangila udi munkatshi muetu. Tudi bantu bebe. Kutulekedi nansha.

Muadi 3:8

Meme kuela mbila, ndomba diambuluisha. Mvidi Mukulu kubenga bimvua mulombe.

Zekâya 1:12

Mutumibue wa Mvidi Mukulu kuamba kabidi ne: — Maweja-Nangila wa bukole buonsu, kukadi mpindiewu bidimu makumi muanda mutekete biudi mufikile Yerushalayime ne bimenga bikuabu bia Yuda munda. Neulame tshiji, kuyi ubafuila luse matuku makuabu bungi munyi?

Didimanyisha 6:10

Kuelabu diyi dikole ne: “Mfumu wa Tshijila, udi ukumbaja biudi mulaye, nealumbuluishe ba pa buloba diba kaayi? Utshidi amu windila, kuyi unyoka bavua batushipe anyi?”