Abakuke 1:16 - MUKANDA WA MYIDI MUKULU

¹⁶ Badi balambula makondu abu milambu, bawoshila musenga wa kamonya, mudibu benzela mvidie. Bualu ke adi abadisha, abanemesha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bua malu â yeye udi ushihela kahamba kandi milambu, udi woshila bukuondo buandi musenga wa manananshi; bualu bua luseke luandi lua bintu ludi luvulangana ne bia kudia biandi bidi bikumbane bia bungi.

Abakuke 1:16 ပူးပေါင်းရင်းမြစ်များ

Misambu 22:29

Bualu Maweja-Nangila udi mukalenga wa bantu, udi ku mutu kua bukua bisamba!

Yeshaya 37:24

Wewe uvua mutume bantu bebe, bua bampende meme Maweja-Nangila. “Uvua wamba ne: ‘Meme Senakeribe, ndi ne matempu a mvita mapite bungi. Ndi mubande ku nsongu ya mikuna. Ndi muye ne munkatshi mua ditunga dia Lebanone, bua kukosa mitshi ya sedre, idi mipite mikuabu yonsu ku buimpe, ne mitshi ya siprese, idi mipite mikuabu yonsu ku bule. Nemfike ku nsongu ya mikuna, ku ndekelu kuayi, ne munkatshi mua ditu.

Yirmeya 44:17

Netuenze anu tshitu-vua balaye. Netuambule Astarte, mvidie wetu, Mukalenga mukaji wa diulu, milambu ya manananshi ne ya maluvu a mvinyo. Ke mutuvua benza tuetu, ke muvua kabidi bankambua betu, bakalenga betu ne balombodi betu ba bukalenga benza mu bimenga bia Yuda ne mu misesu ya mu Yerushalayime. Nanku tuvua ne biakudia bungi bukumbane. Bionsu bivua bienda amu bimpe. Katuvua tukenga nansha.

Yirmeya 44:8

Nudi nukeba kumfikisha munda ne malu enu mabi, ne milambu inudi nulambula mvidie ya bantu ba bisamba bikuabu mu ditunga dia Ejipitu, munuvua baye kusokoma. Nudi basue bua banubutule, banuteke tshilejilu tshibi tshia kutshipa natshi bantu, tshia kufuisha natshi bantu bundu ku mesu a bisamba bionsu bia pa buloba anyi?

Yezekiyele 28:3

Ndi mvidie. Bu mudi mvidie yonsu, ndi nsomba mu nkuasa wa bukalenga munkatshi mua mayi manene’. Udi uditeka mulongu umue ne mvidie. Kadi udi amu muntu. Kuena mvidie nansha kakese to. Adi wela meji ne: ndi mupite Danele ku meji; ndi mua kumvua malu masokome onsu.

Yezekiyele 29:3

Meme Maweja-Nangila Mvidi Mukulu ndi mmumanyisha ne: “Nenkunyoke wewe mukalenga wa bena Ejipitu. Udi bu ngandu munene wa tshidika, udi musombe munkatshi mua misapa ya Nile. Udi ujadika ne: musulu wa Nile nguanyi, bualu meme ngudi mudienzele wu.

Danyele 4:30

Diakamue bualu ebu kuenzekabu. Kuipatabu Nebukadnesare munkatshi mua bantu. Kubangaye kudia bisosa, mudi ngombe idia. Mubidi wende kubola ne lumuma. Nsuki yende kulepa, bu masala a nyunyi ya tshiminyi. Nzadi yende kudiunda bu ya nyunyi.

Danyele 5:23

Wakupetula Mvidi Mukulu wa mu diulu, pauvua muele diyi bua bakutuadile makopu a tshijila a mu nzubu wa Mvidi Mukulu. Nuakunuinamu maluvu, wewe, bantu banene ba mu bukalenga buebe, bakaji bebe ba biuma, ne baudi mubanjije. Kabidi udi mutumbishe mvidie idibu bafula ne tshiamu tshitoke tshia mushinga mukole, tshia mpawungi, tshiamu tshikunze ne tshifiike, ne mvidie idibu basonga ne mabaya, kabidi ne mabue. Ke mvidie idi kayiyi imona, kayiyi yumvua, kayiyi mimanye tshintu. Uvua mubenge kutumbisha Mvidi Mukulu, udi mukulame, mumanye malu ebe onsu.

Abakuke 1:11

Badi bafika lubilu bu mvunde, bakudimuka, baya. Bukole buabu ke nwidie wabu!

Dielulula 8:17

Kadi kanuedi meji ne: nudi badipetele diakalenga ku bukole buenu nkayenu to.