Abakuke 1:15 - MUKANDA WA MYIDI MUKULU

¹⁵ Ke mudi bena Babilone bakuata bantu, mudibu baloba mishipa ne ndobu. Badi bu balobi badi bakuata mishipa mu makondu abu, bayipatula mu mayi, basanka, batshionkomoka.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Yeye udi ukuata buonso buabo ne ndobo; udi ubakoka munda mua kahamba kandi bua kuya nʼabo, udi ubasangisha mu bukuondo buandi; nunku udi usanka ne udi utumba.

Abakuke 1:15 ပူးပေါင်းရင်းမြစ်များ

Misambu 10:9

Udi ulala muaba musokome, utentekela bu ntambue, mualamine mupele bua kumukuata. Udi ukoka muena dikenga, umukuata mu bukondu.

Yeshaya 19:8

Balobi nebadile muadi, batua mikemu. Balobi ba ne ndobu, ne beedi ba makondu, badi ne tshinyongopelu tshinene.

Yirmeya 16:16

Maweja-Nangila udi wamba ne: ndi ntuma bilembi bia bungi bua bikuate bena Yuda, mudibu bakuata minyinyi ya mu mayi. Pashishe ndi ntuma bilembi bia bungi bua bibakebe miaba yonsu, mudibu bipata nyama mu mikuna minene ne mikese, too ne mu mbuebue.

Yirmeya 5:26

Munkatshi mua bantu banyi bena Izrayele mudi bantu badi kabayi ne ditaba, kabayi balama mikenji. Badi bu bilembi bidi bialamina nyunyi bua kuyikuata. Basokome munkatshi mua mitshi, badi bateya bantu, babakuata.

Yirmeya 50:11

Eyowa, sankayi anu kusanka, nudiele kalumbandi! Nuenu bavua bakuate ditunga divua dianyi meme, nutupike mudi bana ba ngombe batupika mu bisosa. Nuele mikunda mudi nyama milume ya tubalu yela.

Yezekiyele 25:6

“Meme Maweja-Nangila Mvidi Mukulu ndi ngamba ne: nuvua batuta bikashi, batupika basanka, pavua dikenga dikuata bena Izrayele. Nuenu kuleja munuvua bapeje, balekele bantu banyi lukinu.

Yezekiyele 26:2

— Yezekiyele, bena Tire badi baseka Yerushalayime, bamba ne: “Ekelekele! Ekelekele! Tshimenga tshia Yerushalayime, muaba uvua bantu ba matunga onsu bapitshila, ntshibutuke. Mpindiewu bantu nebafike kuetu bua kusakula. Netuneme bikole bipite, bualu mpindiewu Yerushalayime mmunyanguke!”

Yezekiyele 35:15

Nuvua nusanka panuvua numona muvuabu bakengesha bena Izrayele bantu banyi. Nanku nennuenzele penu mushindu awu. Nebanyange mikuna yenu ne ditunga dienu dijima. Nanku, bantu bonsu nebamanye ne: meme ndi Maweja-Nangila.”

Amosa 4:2

Nanku Maweja-Nangila Mvidi Mukulu udi uditshipa ne: “Meme Mvidi Mukulu wa tshijila, ndi nnujadikila bulelela ne: matuku adi kumpala, nebanukoke bonsu, mudibu bakoka mishipa mikuata ku ndobu.

Abakuke 1:14

Paudi kuyi uludika bantu, badi bu mishipa, nansha bu bishishi, bidi kabiyi ne mulombodi wabi.

Abakuke 2:5

Bushuwa, bubanji budi bufikisha bantu ku diakabi. Badi baditambisha kabena ne dikisha. Badi mukana buashi, bu dijimba dia bafue kadiyi diwula. Badi bu mudi lufu, ludi lubutula amu kubutula bantu. Ke mudi bena Babilone bakuata amu kukuata matunga, bua bantu bashale bapika babu kashidi.

Matayi 13:19

Padi bantu bumvua bakuabu balongesha malu a mu Bukalenga bua mu diulu, kabayi bajingulula muyayabu, Muena bubi udi ufika, umusha bivuabu bamiamine mu muoyi wabu. Ke ntete idi ipona ku muelelu wa njila.

Matayi 17:27

Kadi bua katubafikishi munda, uye mu dijiba, ela ndobu. Mushipa uwadianza kukuata, uubulula mukana. Neusanganemu makuta. Uangate, uye kuteta tshitadi tshiebe, ne tshianyi.

Didimanyisha 11:10

Bantu ba pa buloba nebasanke, batue tshianga, basankishangane ne bintu, bua lufu luabu, bualu bambi babidi aba bavua batatshishe bikole bantu ba pa buloba.