Abakuke 1:13 - MUKANDA WA MYIDI MUKULU

¹³ Kadi mesu ebe adi mimpe be. Kuena mua kuanyisha bua amone malu mabi. Bantu badi bakengesha bakuabu, kuena mua kubatangila, kuyi wenza bualu. Kadi muudi umona bidi bena tshinyangu abu benza, kuyi wamba bualu, mbishi? Bantu babi aba badi babutula matunga a bantu ba nsongu badi babapita bobu. Kadi udi umona nanku, upuwa bua tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

¹³ Wewe udi ne mesu mahite buakane adi kâyi mua kutangila malu mabi, ne kuena mua kutangila bienzedi biabo bibi tshianana. Nunku bualu kai udi utangila bantu aba hadi benza malu mabi abo a bunsonge, ne udi uhuwa talalâ halua muntu mubi kumina mukuabo udi umuhita buakane?

Abakuke 1:13 ပူးပေါင်းရင်းမြစ်များ

2 Samuele 4:11

Kadi nuenu bantu bena buenzayi, badi bashipa muntu kayi ne bualu, muikale mu nzubu wende, mulale pa bulalu buende, meme ndi mua kunuenzela tshinyi? Ndi nnunyoka bua dishipangana dienu. Ndi nnumusha pa buloba kashidi.

1 Bakalenga 2:32

Bualu Abnere, muana wa Nere, mfumu wa bena mvita ba bena Izrayele, ne Amasha, muana wa Yetere, mfumu wa bena mvita ba bena Yuda, bavua bantu ba nsongu bapite Yowabe. Kadi Yowabe uvua mubashipe, tatu wanyi Davide kayi mumanye. Nanku Maweja-Nangila nkayende neasombuele Yowabe bua bantu aba bavuaye mushipe!

Estere 4:14

Nanku paudi ubenga kutuakuila mu tshikondu tshikole etshi, bena Yuda nebapete diambuluisha ku nseke mikuabu, nebapande. Kadi wewe ne bena diku diebe, nenubutuke. Umanye kabidi ne: bumue mbua bualu ebu, ke buudi mua kuikala mupete muanzu wa mukalenga mukaji.”

Yobe 15:15

Mvidi Mukulu kena mutekemene nansha kudi batumibue bende. Diulu ditshidi anu dimueneka bu didi ne mikiya ku mesu ende.

Yobe 21:7

Mudi bantu badi bela Mvidi Mukulu nyima, bashala ne muoyi, benda bakola, bakulakaja mene mbishi?

Yobe 24:23

Mvidi Mukulu udi muanyishe bua bende badiunwue, basombe talalaa. Kadi udi umona bionsu bidibu benza.

Misambu 10:15

Butula bukole bua muena tshikisu. Umunyoke bua bubi budiye muenze, bua ajimine kashidi.

Misambu 18:26

Maweja-Nangila, wewe udi unanga badi bakunanga, usankisha bikole, badi bakutumikila.

Misambu 25:3

Badi batekemena kuudi, kabakunyingalala. Bundu mbua badi bakubenga! Nebashale bianza bitupu!

Misambu 35:17

Maweja-Nangila, muudi mulengulule bualu ebu nenku mbishi? Unsungidile ku tshinyangu tshiabu. Umpatule mukana mua ntambue eyi, nshala ne muoyi.

Misambu 35:22

Kadi wewe Maweja-Nangila uvua mudimuene bionsu bivua bienzeka. Nanku kupuwi, kundekedi nkayanyi!

Misambu 35:25

Baluishi banyi kabangambi ne: “Eyowa, tudi bamukuate! Ke tshitudi bajinge!”

Misambu 50:21

Wamonyi biudi muenze! Udi musue bua ngikale amu mupuwe anyi? Udi muele meji ne: ndi bu wewe anyi? Nansha kakese! Ndi ukutandisha, nkuleja mibi yebe yonsu patoke!

Misambu 50:3

“Mvidi Mukulu wetu afike! Alekele kupuwa!” Kapia kanene kadi kamudianjidila, lupepele lua mvunde lumuela munkatshi.

Misambu 73:3

Mvua mbaba bantu badi baditambisha, bavila Mvidi Mukulu, bualu badi bapeta dikasa dimpe mu malu abu onsu.

Misambu 83:1

Musambu wa mu mukanda wa misambu ya Asafe.

Yeshaya 21:2

— Maweja-Nangila kundeja mu tshilota, bualu bua dikema, buenza bowa. Uvua wamba ne: “Bakengeshanganyi badi amu bakengeshangana, babutudianganyi badi amu babutulangana. Bena Elame, bangayi mvita! Bena Madayi, luishayi tshimenga! Tshiena musue bua bena Babilone batuishe kabidi bantu mikemu.”

Yeshaya 24:16

Tudi tunwua musambu ewu, udibu bimba ne ku ndekelu kua buloba, bamba ne: “Mvidi Mukulu udi ukosa nsambu pa yoyi, atumbe!” Kadi meme kuamba ne: “Tshingenza ntshinyi? Mioyi mminshikile munda. Dikenga ndimane kunkuata.” Benzedianganyi ba bibi badi amu benzelangana bibi, badi baditua amu mu dielangana bifufu.

Yeshaya 33:1

Wewe munyangi wa bintu bionsu, udi muena diakabi, bualu kabavua bakunyange wewe nenku to. Udi welela bakuabu tshitungu, padibu kabayi bakuelela wewe tshitungu! Pawamana kulekela kubutula bakuabu, nebakubutule ne wewe kabidi. Pawamana kutungila bakuabu tshitungu, nebakutungile ne wewe kabidi.

Muadi 3:36

padibu bakosa tshilumbu tshia muntu bibi, Maweja-Nangila kena umona anyi?

Abakuke 1:14

Paudi kuyi uludika bantu, badi bu mishipa, nansha bu bishishi, bidi kabiyi ne mulombodi wabi.

Zekâya 8:17

Kanuedi meji a kuenzelangana bibi. Nulekele kutshipa mitshipu ya dishima, bualu meme Maweja-Nangila tshiena muanyishe malu a nanku.”

Bienzedi 2:23

Bavua bafila muntu ewu kunudi, muvua Mvidi Mukulu mudianze kujadika. Nuenu kumushipa, kumupopeshisha pa mutshi mutshiamakane kudi bena malu mabi.

Dielulula 23:15

Muaba udi mitanda yenu wikale wa tshijila. Bualu Maweja-Nangila Mvidi Mukulu wenu udi wendakanamu, bua kunulama, kunuambuluisha bua nutshimune baluishi benu. Nanku, Yeye musangane tshintu tshibi munkatshi muenu neanushiye nkayenu.