2 Timote 2:8 - MUKANDA WA MYIDI MUKULU

⁸ Mesu ebe ikale amu kudi Yezu Kristu, wa ku ndelanganyi ya Davide, uvuabu babishe ku lufu, mudi Lumu lua Disanka lundi ndongesha luamba.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Uvuluke Yesu Kilisto, mubishibue ku lufu, kankanunuina ka Davidi, bu mudi lumu luimpe lunakakuambila,

2 Timote 2:8 ပူးပေါင်းရင်းမြစ်များ

Matayi 1:1

Mena a bankambua ba Yezu Kristu, muana wa ku ndelanganyi ya Davide ne ya Abrahame, adi nunku:

Luke 24:46

Kubambilaye ne: — Bavua bafunde ne: Kristu udi ne bua kufua, pashishe kubiika ku lufu dituku disatu.

Bienzedi 13:23

Ku ndelanganyi ya Davide, ke kudi Mvidi Mukulu mupatuile bena Izrayele Yezu, Musungidi wabu, amu muvuaye mulaye.

Bienzedi 2:24

Kadi Mvidi Mukulu mmumubishe ku lufu, mumumbushe ku makenga a lufu, bualu kavua mua kushala ku bumfumu bua lufu.

Bienzedi 2:30

Kadi yeye uvua muambi. Uvua mumanye ne: Mvidi Mukulu mmundaye uditshipa ne: nenteke umue wa ku ndelanganyi yebe mu nkuasa webe wa bumfumu.

Rome 16:25

Tutumbishayi Mvidi Mukulu! Yeye udi mua kunuenza bantu bakole mu ditaba, bilondeshile lumu lua disanka lundi ndongesha. Ke Lumu ludi lutangila Yezu Kristu, ludi lutumanyisha meji masokome avua Mvidi Mukulu nawu, avuaye musokoke kale bidimu bia bungi.

Rome 2:16

Lumu lua Disanka lundi ndongesha ludi luamba ne: dituku diakosa Mvidi Mukulu nsambu kudi Yezu Kristu, bionsu bidi bisokome mu mioyi ya bantu abi nebimueneke patoke.

1 Korente 15:1

Bana hetu, mpindiewu ndi musue kunuvuluija Lumu lua Disanka lumvua munulongeshe. Nuvua baluitabe, baluangate bu nshindamenu wa ditaba dienu.

1 Korente 15:4

Mbamujike. Kadi mmubike ku lufu dituku disatu, muvua Mikanda ya tshijila mimane kuamba.

2 Tesalonike 2:14

Bualu bua Lumu lua Disanka lutuvua banumanyishe, Mvidi Mukulu mmunubikile, bua nupete penu butumbi bua Mfumu wetu Yezu Kristu.

1 Timote 1:11

Dilongesha edi didi difuma ku Lumu lua Disanka lundi ne bua kukobola. Lumu lua Disanka elu ludi lutumanyisha butumbi bua Mvidi Mukulu, udi mpokolu wa diakalenga dietu.

1 Timote 2:7

Ke padibu bantume bu mupostolu ne mulongeshi, bua kufikisha bena bisamba bikuabu ku ditaba ne ku bulelela. Tshiena nshima to. Ndi ngamba malu mudiwu.

2 Timote 1:8

Nanku kuikadi ne bundu bua kujadikila bantu malu a Mfumu wetu, nansha bua kuntela meme, udi mu lukanu bualu buende. Kadi anyisha, ukenge nanyi bua Lumu lua Disanka, bilondeshile bukole budi Mvidi Mukulu nkupesha.

2 Timote 2:7

Umvua bindi ngamba ebi. Mfumu neakuambuluishe bua ubijingulule bionsu.

Didimanyisha 5:5

Ke umue wa ku bakulu kungamba ne: — Lekela muadi. Tangila: ntambue wa mu tshisamba tshia Yuda, wa ku ndelanganyi ya mukalenga Davide, udi mutshimune. Nanku Yeye udi mua kulamuna bitampi muanda mutekete ne kubulula mukanda.