2 Timote 1:1 - MUKANDA WA MYIDI MUKULU

¹ Meme Polu, mupostolu wa Yezu Kristu ku disua dia Mvidi Mukulu, mbampeshe mudimu wa kumanyisha bantu muoyi, udi Mvidi Mukulu mulaye badi badisanga ne Yezu Kristu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Paulo, mupostolo wa Kilisto Yesu, bua disua dia Nzambi, bu mudi mulayi wa muoyo wa mu Kilisto Yesu,

2 Timote 1:1 ပူးပေါင်းရင်းမြစ်များ

Yowanane 10:28

Ndi nyipesha muoyi wa tshiendelele. Katshia kayakufua nansha. Muntu nansha umue kena mua kuyinyenga ku tshianza tshianyi.

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

Yowanane 5:24

Ndi nnujadikila ne: muntu udi uteleja bindi ngamba, witaba uvua muntume, udi ne muoyi wa tshiendelele. Kabena bamupisha ku tshilumbu to. Kadi ukadi mumane kumuka ku lufu, mupete muoyi.

Yowanane 6:40

Eyowa, tshidi Tatu wanyi musue ntshiotshi etshi: bua bonsu badi bamona Muana, bamuitaba, bapete muoyi wa tshiendelele, kabidi bua mbabishe ku lufu, bapete muoyi dituku dia nshikidilu.

Yowanane 6:54

Muntu udi udia mubidi wanyi, unua mashi anyi, udi ne muoyi wa tshiendelele. Meme nemmubishe ku lufu dituku dia nshikidilu bua apete muoyi.

Rome 1:1

Meme Polu, muena mudimu wa Yezu Kristu, udi Mvidi Mukulu mubikile bua ngikale mupostolu, udiye musungule bua mmanyishe bantu Lumu luende lua Disanka, ndi nnutumina mukanda ewu.

Rome 5:21

Nenku bu muvua bubi bupetela bukole kudi lufu, ke mudi kabidi dinanga dia Mvidi Mukulu dipetela bukole, pa-vuaye mutubingishe kudi Mfumu wetu Yezu Kristu, bua kutufikisha kudiye ku muoyi wa tshiendelele.

Rome 6:23

Bualu difutu didi bubi butufuta ke lufu. Kadi dipa didi Mvidi Mukulu utupesha patupu ku luse luende, ke muoyi wa kashidi, patudi tudisanga ne Mfumu wetu Yezu Kristu.

1 Korente 1:1

Meme Polu, uvua Mvidi Mukulu musue kusungula, bua ngikale mupostolu wa Yezu Kristu, pamue ne muanetu Sostene,

2 Korente 1:1

Meme Polu, uvua Mvidi Mukulu musungule, bua ngikale mupostolu wa Yezu Kristu, pamue ne muanetu Timote, tudi mfundila Tshisumbu tshia bena ditaba badi mu Korente, ne bonsu bena tshisamba tshia Mvidi Mukulu badi basomba mu ditunga dijima dia Akaya, mukanda ewu.

2 Korente 1:20

Kudi Kristu ke kudi Mvidi Mukulu wamba “eyowa” ku bionsu bivuaye mulaye. Nanku kudi Yezu tuetu kabidi tudi tuamba Amene wetu, bua kutumbisha Mvidi Mukulu.

Ngalate 3:26

Bualu nudi bana ba Mvidi Mukulu, panudi nuitaba, nudisanga ne Yezu Kristu.

Ngalate 3:28

Nanku nansha wewe muena Yuda nansha muntu wa tshisamba tshikuabu, nansha wewe mupika nansha muntu udi udienzela malu mudiye musue, nansha wewe mulume nansha mukaji, ebi bionsu kabiena ne bualu. Nudi nuenza bonsu tshintu tshimue, panudi badisange ne Kristu.

Efeze 3:6

Bualu busokome ebu budi nenku: ku bukole bua Lumu lua Disanka, bantu ba bisamba bikuabu nebapete pamue ne bena Yuda bilenga bidi Mvidi Mukulu mulamine bantu bende. Bonsu badi bidimba bia mubidi umue. Nebapete bonsu pamue bidi Mvidi Mukulu utulaya munda mua Yezu Kristu.

1 Timote 6:19

Ke mudibu bakungija biuma bidi bishala mu tshibutshilu tshimpe ne tshikole bua matuku adi kumpala. Diba adi nebapete muoyi udi mulelela.

2 Timote 1:10

Kadi mpindiewu mmutuleje dinanga diende patoke, padi Musungidi wetu Yezu Kristu mumueneke. Bualu Yezu Kristu mmushipe bukole bua lufu, mutumanyishe Lumu lua Disanka lua muoyi wa kashidi.

2 Timote 1:13

Miaku milelela imvua mukuambile ikuleje muudi ne bua kuakula. Unanukile bimpe mu ditaba ne mu dinanga, bitudi nabi patudi tudisanga ne Yezu Kristu.

2 Timote 1:9

Yeye ke udi mutusungidile, mutubikile bua tuikale bantu bende, kabiyi bua midimu mimpe ituvua benze, kadi amu mukavuaye mumane kubilongolola ku luse luende. Uvua mutupe dipa edi mu Yezu Kristu, kabayi banji kufuka bintu.

2 Timote 2:1

Muananyi, utantamane mu dinanga dia Mvidi Mukulu ditudi nadi patudi tudisanga ne Yezu Kristu.

2 Timote 2:10

Ke pandi ngumvua bionsu ne lutuulu, bua diakalenga dia bantu badi Mvidi Mukulu musungule. Ke mudibu bapeta bobu kabidi lupandu kudi Yezu Kristu, ne butumbi bua kashidi.

2 Timote 2:3

Kenga nanyi, mudi musolayi wa muoyi umue wa Yezu Kristu wenza.

2 Timote 3:15

Bualu bituadije ku buana buebe, udi mumanye Mikanda ya tshijila, idi mua kukupa meji adi mua kukufikisha ku lupandu, paudi witaba Yezu Kristu.

Tite 1:2

Ke mudibu mua kutekemena muoyi wa kashidi, udi Mvidi Mukulu, udi kayi ushima, mudianze kutulaya kumpala kua bidimu bionsu.

Tite 1:4

Wewe Tite udi muananyi mulelela mu ditaba didi didisanga nebe. Ndi nkufundila mukanda ewu, nkujingila ne: dinanga ne bupole bia kudi Mvidi Mukulu Tatu ne Yezu Kristu, Musungidi wetu, bishindame munda muebe.

Ebrewu 9:15

Ke padi Kristu mutuangaji bua ndondu mupiamupia, bua badi Mvidi Mukulu mubikile bapete bilenga bia kashidi bivuaye mulaye bantu bende. Badi mua kubipeta, bualu muntu mumane kufila. Ku lufu luende elu, mutupikule bantu ku bilema bivuabu benze, patshivuabu mu tshikondu tshia ndondu wa kumpala.

1 Yone 2:25

Tshivua Kristu mene mulaye bua kutupa, ke muoyi wa kashidi.