2 Samuele 9:8 - MUKANDA WA MYIDI MUKULU

⁸ Mefibaale, kuinyika mutu, wamba ne: — Mukalenga, udi utata bua kungenzela bionsu abi bua tshinyi? Meme, ndi bu mbua mumane kufua.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Yeye wakamukukuila. Yeye wakakonka ne, Muntu webe udi bu nganyi bua wewe udi utangila mbua mufue bu meme?

2 Samuele 9:8 ပူးပေါင်းရင်းမြစ်များ

2 Samuele 16:9

Abishayi, muana wa Seruya kuambila Davide ne: — Mukalenga, Shimeyi ewu udi bu mbua mumane kufua. Kena mua kukupenda musangu mule nenku to. Itabe, nye kumukosa mutu.

2 Samuele 24:14

Davide kuandamuna ne: — Ndi munkatshi mua dikenga dikole…Kadi, ndi musue kushala anu mu bianza bia Maweja-Nangila pa mutu pa kuikala mu bianza bia bantu. Bualu Maweja-Nangila udi ne luse.

2 Samuele 3:8

Abnere umvua nanku, kupeta tshiji tshikole. Kukonkaye Ishebaale ne: — Meme ndi mbua mutomboke udi uditua ku tshia bena Yuda anyi? Too ne mpindiewu, ndi muleje mundi ngitaba diku dia tatuebe Shawule, bana babu ne balunda bende. Ndi muenze muanyi muonsu bua Davide kakukuatshi to. Kadi lelu, udi untandisha bua pandi mubuelele mukaji ewu mu nzubu!

2 Bakalenga 8:13

Azayele kumukonka ne: — Meme tshiena mukalenga, kadi ndi mua kuenza bionsu ebi mushindu kaayi? Muambi Elisha kuandamuna ne: — Maweja-Nangila udi undeja ne: wewe newikale mukalenga wa bena Siriya.

1 Samuele 26:20

Kadi meme tshiena musue kufuila muaba mukuabu to, anu muaba udi Maweja-Nangila. Mukalenga Shawule, meme ndi kantu tshianana, bu mudi tshipu, kadi udi unduisha bua tshinyi? Udi wenda ungipata, bu mudi muntu wipata nkuadi mu mikuna bua tshinyi?