2 Samuele 9:7 - MUKANDA WA MYIDI MUKULU

⁷ Davide kumuambila ne: — Kutshinyi to. Ndi nkuenzela bimpe mu dina dia tatuebe Yonatane. Ndi kupingajila maloba onsu avua a kakuebe Shawule. Newikale udia nanyi ku mesa matuku onsu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Davidi wakamuambila ne, Kutshinyi; bulelela, nenkufuile luse bualu bua Yonatana, tatu webe; nenkuhingishile buloba buonso bua Shaula, kaku webe; wewe neudie bidia ku mesa anyi matuku onso.

2 Samuele 9:7 ပူးပေါင်းရင်းမြစ်များ

Genese 43:18

Benyi abu kubuela mu nzubu wa Yozefe anu ne bowa, bela meji ne: “Tudi bafike muaba ewu bua makuta avuabu bele mu bibombi bietu pa diba dituafiki musangu wa kumpala. Mbatubueje munu bua kutukuata ne kutukengesha. Nebatunyenge mpunde yetu, batukuate mu bupika.”

Genese 43:23

Muena mudimu awu kubakolesha ku muoyi, wamba ne: — Kanupampakanyi to! Nuikale ne ditalala! Nuvua bampeshe makuta enu, ndi nawu! Kadi Mvidi Mukulu wenu, Mvidi Mukulu wa bankambua benu, ke udi mulongolole makuta mu bibombi bienu. Muena mudimu kupatula kabidi Shimeyone mu lukanu.

2 Samuele 12:8

Mvua mufile bena nzubu wa mfumuebe Shawule mu bianza biebe. Mvua mukupeshe bakaji ba mfumuebe Shawule. Meme kuteka bena Izrayele bonsu ne bena Yuda ku bumfumu buebe wewe. Bionsu abi kabivua bikumbana anyi? Meme ndi mua kukuenzela malu makuabu a bungi.

2 Samuele 19:28

Kadi malu onsu adi muena mudimu wanyi mukuambile, mmunshiminyine. Nanku, mukalenga, wewe udi bu mutumibue wa Mvidi Mukulu, udi mua kuenza muudi musue.

2 Samuele 19:29

Bantu bonsu bavua bashale mu nzubu mua kaku wanyi Shawule, wewe uvua amu mua kubashipa bonsu. Kadi mukalenga kuena muenze nanku to! Wewe kungakidila bua ngikale ndia nebe ku mesa. Nanku, tshiena ne tshikuabu tshindi mua kukulomba kabidi to.

2 Samuele 19:33

Barzilayi uvua muntu mukulumpe wa bidimu makumi muanda mukulu. Bu nuwuaye mubanji munene, uvua mua kupesha mukalenga Davide biakudia pawaye ku Makanayime.

2 Samuele 21:7

Mukalenga Davide kufuila Mefibaale, muana wa Yonatane, muikulu wa Shawule luse, bualu uvua mumane kutua ndondu wa bulunda ne Yonatane mu dina dia Maweja-Nangila.

2 Samuele 9:1

Dituku dikuabu, Davide kukonka ne: — Mu nzubu mua Shawule, kamuena muntu nansha umue udi mushale ne muoyi anyi? Ndi musue kumuenzela bimpe mu dina dia Yonatane.

2 Samuele 9:10

Wewe Siba, bana bebe ne bena mudimu bebe, nudimine Mefibaale madimi, bua kupetaye biakudia. Kadi netuikale tudia ne Mefibaale ku mesa anyi matuku onsu. Siba uvua ne bana ba balume dikumi ne batanu. Uvua ne bena mudimu makumi abidi.

2 Samuele 9:11

Kuambilaye Davide ne: — Mukalenga, nenkumbaje bionsu biudi mungambile. Kadi misangu yonsu Mefibaale neikale ne tshibidilu tshia kudia nanyi ku mesa, bualu mmuana wa ku ndelanganyi ya Shawule.

2 Samuele 9:13

Bu muvua Mefibaale mutshibuke mikolu yonsu ibidi, kusombelaye mu Yerushalayime, bua amone mua kudia ne mukalenga Davide ku mesa matuku onsu.

2 Samuele 9:3

Mukalenga Davide kumukonka kabidi ne: — Mu nzubu mua Shawule, kamuena mushalaku muntu nansha umue bua meme kumuenzela bimpe mu dina dia Maweja-Nangila anyi? Siba kuandamuna ne: — Muana wa Yonatane mmushale, kadi mmutshibuke mikolu.

1 Bakalenga 2:7

Uvuluke bana ba Barzilayi, wa mu ditunga dia Ngilaade. Bavua bangambuluisha dituku dimvua nnyema muanenu Absalome. Ubalame bimpe, bikale badia ku mesa ebe matuku onsu.

2 Bakalenga 25:29

Kukandikabu Yowakine bua kavuadi kabidi bilamba bia bena lukanu to. Nanku, Yowakine kutuadija kudia ku mesa ne mukalenga wa bena Babilone.

Misambu 41:9

“Wawa ukadi mikolu ku tshiina! Bua kumukaye pa bulalu, amu yeye mufue!”

Yirmeya 52:33

Uvua mukandike bua Yoyakine kavuadi bilamba bia bena lukanu. Yoyakine uvua udiila mpindiewu anu ku mesa a mukalenga wa bena Babilone.

Zekâya 7:9

“Kosayi nsambu pa yoyi, nuenzelangane malu mimpe, ne muoyi muimpe wa dinanga.

Matayi 6:11

Utupe tshiakudia tshietu ku dituku ku dituku.

Luke 22:30

Nuenu nenudie, nunue ku mesa anyi mu Bukalenga buanyi. Nenusombe mu nkuasa ya bumfumu bua kukosa nsambu ya bisamba dikumi ne bibidi bia bena Izrayele.

Didimanyisha 3:20

Teleja! Ndi ngimana ku tshiibi, nkokola. Padi muntu umvua diyi dianyi, unkanguila tshiibi, nembuele mu nzubu muende. Nendie nende, yeye neadie nanyi.

1 Samuele 12:24

Kadi nuenu, nuitabe bumfumu bua Maweja-Nangila, numuenzele mudimu muenu muonsu, kabidi ne muoyi mujima. Nuvuluke bishima binene bionsu bidiye munuenzele.

1 Samuele 20:15

Tshikondu tshidi Maweja-Nangila ubutula baluishi bebe pa buloba, ku umue ku umue, wafuilaku kabidi ndelanganyi yanyi luse.

1 Samuele 22:23

Kadi mpindiewu, usombe anu muaba undi ewu. Kutshinyi to. Anu muluishi wanyi Shawule, udi ukeba kunshipa, ke udi ukeba kukushipa wewe kabidi. Patudi nebe, kakuena tshidi mua kukuenzekela to.