2 Samuele 8:6 - MUKANDA WA MYIDI MUKULU

⁶ Davide kuteka balombodi ba bukalenga buende mu Siriya. Bena Siriya kushala ku bumfumu bua Davide. Kubalambuishaye bitadi. Ke mushindu uvua Maweja-Nangila mupeshe Davide bukole bua kutshimuna mvita yonsu nanku.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Davidi wakateka masalayi mu Sulia mu Damaseke; Bena Sulia bakalua bahika ba Davidi, bakamulambula milambu. Yehowa wakaha Davidi bukole bua kutambeye kuonso kuakayeye.

2 Samuele 8:6 ပူးပေါင်းရင်းမြစ်များ

2 Samuele 10:19

Nanku bakalenga bonsu bavua ku bumfumu bua Adadezere bamone ne: bena Izrayele mbatupite bukole, kutuabu nabu ndondu, kushalabu ku bumfumu bua bena Izrayele. Bena Siriya kutshina bua kuambuluisha kabidi bena Amone.

2 Samuele 23:14

Davide uvua pa mukuna uvuabu bakolesha ne bimana. Bena mvita ba bena Peleshete bavua bamane kukuata tshimenga tshia Betleyeme.

2 Samuele 3:18

Mpindiewu, tshikondu tshiakumbanyi tshia kuenza bualu abu! Bualu Maweja-Nangila uvua mumane kuamba bua Davide ne: “Anu muntu wanyi Davide ke wasungidila bantu banyi bena Izrayele, mu bianza bia bena Peleshete ne mu bianza bia baluishi babu bakuabu bonsu.”

2 Samuele 5:10

Nanku bukole bua Davide buvua buenda buvulangane, bualu Maweja-Nangila Mvidi Mukulu wa bena Izrayele uvua nende.

2 Samuele 7:9

Meme kukuambuluisha mu midimu yebe yonsu. Meme kubutula baluishi bebe bonsu bavua kumpala kuebe. Nenkupeteshe lumu lunene. Newikale mumanyike bu mudi bakalenga banene bonsu badi bamanyike bikole pa buloba.

2 Samuele 8:14

Davide kuteka balombodi ba bukalenga buende mu Edome. Bena Edome kushala ku bumfumu bua Davide. Ke mushindu uvua Maweja-Nangila mupeshe Davide bukole bua kutshimuna mvita yonsu nanku.

2 Samuele 8:2

Davide kutshimuna kabidi bena Mowabe. Kubaladikaye panshi. Ku bantu basatu, uvua ushipa babidi ba kudibu, ushiya amu muntu umue ne muoyi. Biangatshile musangu awu, bena Mowabe, kushala ku bumfumu bua Davide. Kubalambuishaye bitadi.

2 Samuele 8:7

Davide kunyenga ngabu ya tshiamu tshia mpawungi ivuabu nayi kudi bena mvita bavua balame Adadezere, kuyaye nabi mu Yerushalayime.

2 Bakalenga 1:1

Mukalenga Akabe mumane kufua, bena Mowabe kutombokela bena Izrayele.

2 Bakalenga 14:28

Malu makuabu a mukalenga Yerobowame, mbaafunde mu mukanda udibu babikila ne: Malu adi bakalenga ba bena Izrayele benza. Mu mukanda emu, mbafundemu kabidi malu onsu adi Yerobowame muenze, baleja kabidi ne bukitu buvuaye nabu mu mvita, ne muvuaye mupingajile bena Izrayele tshimenga tshia Damase ne tshia Amate.

2 Bakalenga 18:7

Maweja-Nangila uvua wambuluisha Izkiya. Izkiya uvua ne diakalenga mu bionsu bivuaye wenza. Izkiya kutombokela mukalenga wa bena Ashure, kubenga mua kushala ku bumfumu buende.

2 Bakalenga 3:4

Mesha, mukalenga wa bena Mowabe, uvua mumunyi wa mikoku. Ku tshidimu tshionsu, uvua ne bua kulambula mukalenga wa bena Izrayele, bana ba mikoku binunu lukama, ne mikoku binunu lukama kabiyi bikosa miosa to.

1 Kulondolola 18:13

Abishayi kubatekela balombodi. Bena Edome kushala ku bumfumu buende. Ke muvua Maweja-Nangila muambuluishe Davide bua atshimune mvita yende yonsu nanku.

2 Kulondolola 17:2

Kutekaye bisumbu bia bena mvita mu bimenga bionsu bivua bena Yuda bakoleshe ne bimana. Kutekaye balombodi mu bukalenga buende, too ne mu bimenga bionsu bivua tatuende Asa munyenge bena Efrayime.

Misambu 140:7

Kadi meme kuambila Maweja-Nangila ne: “Wewe udi Mvidi Mukulu wanyi. Maweja-Nangila unteleje pandi nkutendakena.

Misambu 60:10

Ditunga dia Mowabe ke dilongu dindi ngowela mayi. Ndi ngelela tshisabata tshianyi pambidi pa ditunga dia Edome, bualu ndianyi. Bena Peleshete badi mua kutshimuna anyi?”

Nsumuinu 21:31

Badi bavuadika nyama ya tubalu bia kuluangana nabi, bua kuya mu mvita. Kadi anu Maweja-Nangila ke udi utshimuna.

1 Samuele 13:3

Dituku dikuabu, Yonatane kushipa mfumu mukuabu wa bena Peleshete uvua musombele mu Ngeba. Bena Peleshete kumvua lumu lua bualu abu. Shawule kuelesha mpungi mu ditunga dijima, bualu uvua wela meji ne: “Mbimpe bua bena Ebrewu bamanye bualu ebu.”

1 Samuele 14:1

Dituku dikuabu, Yonatane, muana wa Shawule, kuambila nsongalume uvua umuambuila bia mvita biende ne: — Luaku, tuye too ne kudi tshisumbu tshia mvita tshia bena Peleshete tshidi dishiya kuaka, batangilangane netu. Kadi Yonatane kavua mumanyishe tatuende bualu ebu to.

1 Samuele 14:15

Bena Peleshete bavua bashala mu mitanda, ne bena mutumba nabu bonsu, kutshinabu bena Izrayele bikole. Bena mvita bonsu ba bena Peleshete, ne bavuabu bateke bua kutentekela ditunga, ne bavua bamanye mvita bikole, kutshina bikole, buloba mene kuzakala. Ke bena Peleshete bonsu kupapuka, bikale ne bowa bunene.

1 Samuele 14:6

Yonatane kuambila nsongalume wende ne: — Luaku tuye too ne ku tshisumbu tshia bena mvita ba bena Peleshete, badibu kabayi bateke panshi. Misangu mikuabu Maweja-Nangila udi mua kutuambuluisha. Bualu kakuena tshidi mua kupumbisha Maweja-Nangila bua atupeteshe ditshimuna, nansha tuetu ba bungi nansha tuetu bakese.