2 Samuele 8:2 - MUKANDA WA MYIDI MUKULU

² Davide kutshimuna kabidi bena Mowabe. Kubaladikaye panshi. Ku bantu basatu, uvua ushipa babidi ba kudibu, ushiya amu muntu umue ne muoyi. Biangatshile musangu awu, bena Mowabe, kushala ku bumfumu bua Davide. Kubalambuishaye bitadi.

Mukanda wa Nzambi Dihungila Dikulukulu ne Dihungila Dihia-dihia 2003

² Wakashiha Bena Moaba; wakahandika hanshi ha buloba, wakabidikisha ne luidi; wakasungula mulongo ibidi bua kuyishiha, wakasungula mulongo mukuabo bua kushala ne muoyo. Bena Moaba bakalua bahika ba Davidi, bakamulambula milambu.

2 Samuele 8:2 ပူးပေါင်းရင်းမြစ်များ

2 Samuele 12:31

Davide kukuatshisha bena tshimenga kuya nabu, kubenzeja midimu mikole, ya kupanda mabaya, kusonga mabue, kupula mitshi muitu, nansha ya kuenza tushola. Nanku bena bimenga bikuabu bionsu bia bena Amone, Davide uvua ubenzeja midimu anu mushindu ewu. Pashishe Davide kupingana mu Yerushalayime ne bena mvita bende bonsu.

2 Samuele 8:6

Davide kuteka balombodi ba bukalenga buende mu Siriya. Bena Siriya kushala ku bumfumu bua Davide. Kubalambuishaye bitadi. Ke mushindu uvua Maweja-Nangila mupeshe Davide bukole bua kutshimuna mvita yonsu nanku.

2 Bakalenga 1:1

Mukalenga Akabe mumane kufua, bena Mowabe kutombokela bena Izrayele.

2 Bakalenga 17:3

Shalmanazere, mukalenga wa bena Ashure, kufika bua kumuluisha. Osheya kudifila kudiye, kumulambula milambu ya ku tshidimu ku tshidimu.

1 Kulondolola 18:2

Davide kutshimuna kabidi bena Mowabe. Kushalabu bantu bende, bamulambula bitadi.

2 Kulondolola 26:8

Bavua balambula Uziya milambu too ne kudi bena Amone. Bumfumu bua Uziya kukolabu, lumu luende kuya miaba yonsu too ne ku mikalu ya ku Ejipitu.

Misambu 108:9

Ngilaade nguanyi, Menashe nguanyi kabidi, Efrayime ntshifulu tshianyi. Yuda ndikombu ndianyi dia bukalenga.

Misambu 18:45

Badi bumvua amu muaku wanyi, bitaba. Bantu benyi badi balabidila kundi.

Misambu 60:10

Ditunga dia Mowabe ke dilongu dindi ngowela mayi. Ndi ngelela tshisabata tshianyi pambidi pa ditunga dia Edome, bualu ndianyi. Bena Peleshete badi mua kutshimuna anyi?”

Misambu 60:8

Mu nzubu wende wa tshijila Mvidi Mukulu kuandamuna ne: “Meme ke watshimuna mvita! Nenkosolole tshimenga tshia Shekeme, ngabanyina bantu banyi tshibandabanda tshia Sukote.

Misambu 83:6

Badi bakonkangana meji, bumvuangana bonsu, bua kutua ndondu wa kukuenzela bibi.

Yeshaya 36:16

Kanuena mua kuteleja tshidi Izkiya unuambila to. Nuteleje amu tshindi meme ngamba, meme mukalenga wa bena Ashure. Lekelayi kukandamana. Anyishayi, nudifile kundi. Diba adi, muntu yonsu wa kunudi neanue maluvu ende a mvinyo, neadie tumuma tuende tua mutshi wa mfiku, neanue mayi a mu tshiina tshiende.

Dibadika 24:17

“Ndi mmona malu adi ne bua kuenzeka. Kadi, kaena enzeka mpindiewu to. Ndi njadika ne: kudi bualu, kadi kabuena pabuipi to: Mutotu neupatuke mu ndelanganyi ya Yakobe. Mukalenga nealedibue mu tshisamba tshia bena Izrayele. Neatuute bena Mowabe dikombu ku mbanga. Bantu badi bendakanyi mu ditunga neababoze mutu.

1 Samuele 10:27

Kadi kuvua kabidi bantu bena buenzayi, bavua bamba ne: “Muntu ewu udi mua kutusungidila mushindu kaayi?” Nanku bantu abu bavua bapepeja Shawule. Kabawa balambula milambu. Kadi Shawule kulengulula bionsu abi.

1 Samuele 14:47

Anu Shawule upeta bukalenga mu bena Izrayele, kuluishaye baluishi bende bavua ku nseke yonsu: bena Mowabe, bena Amone, bena Edome, bena mu bukalenge bua Soba, ne bena Peleshete. Miaba yonsu ayi, Shawule uvua anu utshimuna.

1 Samuele 22:3

Davide kumuka mu lubuebue lua Adulame, kuya ku Mispa mu Mowabe. Kuambila mukalenga wa bena Mowabe ne: — Anyisha bua tatu wanyi ne mamu wanyi balue kuasa munemu, too ne pangamanya tshidi Mvidi Mukulu musue kungenzela.

1 Samuele 22:4

Davide kuya ne baledi bende mu lubanza lua mukalenga wa bena Mowabe. Kushalabu mu lubanza amu matuku onsu avua Davide munyemena mu lubuebue.