2 Samuele 8:17 - MUKANDA WA MYIDI MUKULU

¹⁷ Sadoke, muana wa Akitube, pamue ne Akimeleke, muana wa Abiyatare, ke bavua batuangaji. Seraya uvua mufundi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Sadoka, muana wa Ahituba, ne Ahimeleke, muana wa Ebeyatâ, bakadi bakuidi; Selaya wakadi mufundi.

2 Samuele 8:17 ပူးပေါင်းရင်းမြစ်များ

2 Samuele 15:24

Mutuangaji Sadoke uvua ku bantu abu, ne bena Levi bambula mushete wa ndondu wa Mvidi Mukulu. Bena levi kutula mushete panshi. Mutuangaji Abiyatare kulambula milambu, too ne pakasabuka bantu bonsu bavua bafuma mu Yerushalayime.

2 Samuele 17:15

Ushayi kumanyisha batuangaji: Sadoke ne Abiyatare lungenyi luvua Akitofele muambile Absalome ne bakulu ba bena Izrayele, kubamanyisha kabidi ne lungenyi luvuaye mufile yeye nkayende.

2 Samuele 19:12

Ke mukalenga Davide kabidi kutumina batuangaji Sadoke ne Abiyatare diyi, ubambila ne: — Nuye kudi bakulu ba bena Yuda, nubakonke ne: “Nuenu nutshidi bashadile panyima, kanuyi nukeba mushindu wa kupingaja mukalenga ku nzubu kuende bua tshinyi? Mukalenga mene mmumane kumanya meji adi bena Izrayele bakuabu nawu.

1 Bakalenga 1:26

Kadi kena mubikile mutuangaji Sadoke, nansha Benaya, muana wa Yoyada, nansha muanebe Shelomu, nansha meme mene Natane.

2 Bakalenga 12:10

Mutuangaji Yoyada kusumba mushete, kuenza dikela pa tshibuikidiji tshia mushete awu. Kuutekaye ku luseke lua tshilambuilu, ku dia balume dia mushiku wa nzubu wa Mvidi Mukulu. Makuta onsu avuabu bafika nawu mu nzubu wa Mvidi Mukulu, batuangaji bavua balame ku mushiku wa nzubu awu, bavua ne mudimu wa kuela mu mushete.

2 Bakalenga 18:18

Kulombabu bua kuyukila ne mukalenga Izkiya. Kadi, mulombodi wa mu nzubu wa bukalenga Elyakime, muana wa Ilkiya, kupatuka mu tshimenga bua kumonangana nabu. Elyakime bavua ne Shebna mufundi, kabidi ne Yowa, muana wa Ashafe, mufikishi wa malu a mu bukalenga kudi bantu.

1 Kulondolola 12:28

Muvua kabidi Yoyada, mfumu wa diku dia Arone, ne bantu 3.700.

1 Kulondolola 12:29

Kuvua kabidi nsongalume mukuabu, diende Sadoke, muena mvita wa bukitu, ne bamfumu 22 ba mu tshiota tshiabu.

1 Kulondolola 15:11

Davide kubikidisha batuangaji Sadoke ne Abiyatare, ne bena Levi aba: Uriyele, Ashaya, Yowele, Shemaya, Eliyele ne Aminadabe.

1 Kulondolola 16:39

Davide kupesha mutuangaji Sadoke, ne batuangaji ba mu diku diende, mudimu wa nzubu wa Maweja-Nangila, uvua pa muaba wa tshijila wa mu Ngibone.

1 Kulondolola 16:40

Bavua ne bua kufila milambu ya kuosha ku tshilambuilu ku dituku dionsu, dinda ne dilolu. Bavua ne bua kukumbaja midimu yonsu ivua Maweja-Nangila mubafundile mu mikenji ivua bena Izrayele bapete kudiye.

1 Kulondolola 18:16

Sadoke, muana wa Akitube, ne Abimeleke, muana wa Abiyatare, bavua batuangaji. Shavesha uvua mufundi.

1 Kulondolola 6:4

Bana ba balume ba Merari badi Mali ne Mushi. Mena a meku a bena Levi mmafumine ku mena a bankambua babu aba.

1 Kulondolola 6:8

Elkana, Abiyashafe, Ashire,

1 Kulondolola 9:11

ne Azariya. Bankambua babu ba munda, bavua balondangane nenku: Ilkiya, Meshulame, Sadoke, Merayote ne Akitube, ewu ke uvua mulami wa nzubu wa Mvidi Mukulu.

Ezela 7:2

Ilkiya uvua muana wa Shalume, Shalume uvua muana wa Sadoke, Sadoke uvua muana wa Akitube,

Yirmeya 36:10

Baruke kuya kuimana kumpala kua bantu bonsu mu nzubu wa Mvidi Mukulu. Kubalaye ne diyi dikole bivua Yirmeya mufundishe pa muvungu wa tshiseba. Uvua musombe mu tshibambalu tshia Ngemariya, muana wa Shafane, mufundi wa kale wa mu bukalenga. Tshibambalu etshi bavua batshiasa mu lupangu lua kulu luaku nzubu wa Mvidi Mukulu, pabuipi ne tshiibi Tshipiatshipia.

Yezekiyele 44:15

“Batuangaji ba bena Levi ba ku ndelanganyi ya Sadoke, batua balame bimpe mikenji ya muaba wanyi wa tshijila, diba mene ditua bena Izrayele bakuabu bambenge meme Maweja-Nangila. Nanku amu bobu badi mua kungenzela mudimu, kundambula mafuta ne mashi a nyama ya milambu. Meme Maweja-Nangila Mvidi Mukulu ndi ngamba nanku.

Marke 2:26

Uvua mubuele mu nzubu wa Mvidi Mukulu, kudia mampa avuabu balambule Mvidi Mukulu. Abiyatare ke uvua mutuangaji munene tshikondu atshi. Mikenji yetu mmianyishe amu batuangaji nkayabu bua kudia mampa aa. Kadi Davide uvua muangate, muapeshe bantu bende kabidi.