2 Samuele 8:10 - MUKANDA WA MYIDI MUKULU

¹⁰ Kutumaye muanende Yorame kudi mukalenga Davide bua kumuela muoyi ne tuasakidila, bualu uvua mutshimune Adadezere. Bualu Adadezere uvua muluishi wa Towu. Yorame kutuadila Davide bintu bienza ne tshiamu tshia mpawungi, ne tshiamu tshitoke tshia mushinga mukole, kabidi ne tshiamu tshikunze.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Toi wakatuma Yotama, muanʼandi, kudi Mukelenge Davidi bua kumueleye muoyo ne bua kumuvudishileye disanka bualu bua yeye wakaluangana ne Hadadezê, wakamushiha. Bualu bua Hadadezê wakadi uluangana ne Toi. Yolama wakalua ne malonga a tshiamu tshia argent ne a or ne a tshiamu tshia mitaku:

2 Samuele 8:10 ပူးပေါင်းရင်းမြစ်များ

Genese 43:27

Yozefe kubakonka ne: — Nudi ne bukole bua mubidi anyi? Tatuenu unuvua bangambile ne: utshidi ne muoyi, udi bimpe anyi? Utshidipu anyi?

2 Samuele 8:11

Mukalenga Davide kujidila bintu abi mu dina dia Maweja-Nangila, bu nuwuaye mujidila tshiamu tshitoke tshia mushinga mukole, ne tshia mpawungi, bivuabu bamutumine kudi bantu ba bisamba bivuaye mumane kukuata:

2 Samuele 8:9

Towu, mukalenga wa Amate kumvua ne: Davide mmutshimune bena mvita bonsu ba Adadezere.

1 Bakalenga 1:47

Balombodi ba bukalenga, mbafike kudi mukalenga Davide, bamuela tuasakidila bamuamba ne: “Tudi tujinga bua Mvidi Mukulu webe atumbishe bikole Shelomu. Ikale ne lumu lupite luebe wewe Davide. Mvidi Mukulu atumbishe kabidi bukalenga bua Shelomu buikale ne lumu, bupite buebe wewe Davide.” Nanku, pavua mukalenga Davide mu bulalu buende, kuinyikaye mutu panshi bikole,

1 Kulondolola 18:10

Kutumaye muanende Adorame kudi Davide, bua kumuela muoyi ne kalumbandi, bualu uvua mutshimune Adadezere. Bualu Adadezere uvua muluishi wa Towu. Adorame kutuadila Davide bintu bia mishindu miwle, bienza ne mpawungi, ne tshiamu tshitoke tshia mushinga mukole, kabidi ne tshiamu tshikunze.

2 Kulondolola 32:23

Bantu ba bungi kutuadila Maweja-Nangila milambu mu Yerushalayime. Kutuadilabu kabidi Izkiya mukalenga wa bena Yuda bintu bia kumusankisha nabi. Biangatshile musangu awu, kunemekabu mukalenga Izkiya kudi bena matunga onsu, bavuaye nabu mutumba.

Misambu 129:8

Bapitshi ba mu njila kababambi ne: “Maweja-Nangila anuele lupemba!” Tudi tunuela lupemba mu dina dia Maweja-Nangila.

Yeshaya 39:1

Tshikondu atshi, mukalenga wa Babilone, Merodake-Baladane, muana wa Baladane, kumvuaye lumu lua disama dia Izkiya. Kumvuaye kabidi ne: Izkiya ukadi musanguluke. Nanku kutuminaye Izkiya bantu, bavua bamutuadila mukanda, ne bintu bia kumusankisha nabi.

1 Samuele 13:10

Ujikija kulambula, Samuwele kufika. Shawule kuya kuakidila Samuwele, umuela muoyi.