2 Samuele 8:1 - MUKANDA WA MYIDI MUKULU

¹ Pashishe Davide kutshimuna bena Peleshete. Kushalabu ne bundu, kabatshiyi ne bumfumu mu buloba abu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Ku nyima kua bualu ebu Davidi wakaluangana ne Bena Peleshete, wakabahita bukole; Davidi wakanyenga Metega-hama mu bianza bia Bena Peleshete.

2 Samuele 8:1 ပူးပေါင်းရင်းမြစ်များ

2 Samuele 19:9

Ke mukalenga Davide kuya kusomba pabuipi ne tshiibi tshia ku tshimenga. Kumanyishabu bena mvita bonsu bualu abu. Kufikabu bonsu muaba uvua mukalenga Davide. Bena mvita ba Absalome bavua bamane kunyema. Muntu yonsu wa kudibu uvua muye ku nzubu kuende.

2 Samuele 2:24

Kadi Yowabe ne Abishayi, kulondakaja Abnere. Diba divua dibuela, pafikibu ku Ngibeya-Ama, luseke ludi diba dipatukila lua ku Ngiya, mu njila wa mu tshipela tshia Ngibone.

2 Samuele 22:44

Udi mumpikule kudi bantu banyi, badi bantombokela. Udi mundame, nshala mukalenga wa bisamba. Bantu bandi tshiyi mumanye, badi bangenzela mudimu.

2 Samuele 5:17

Bena Peleshete kupeta lumu ne: mbamane kujidila Davide bua kuikalaye mukalenga wa bena Izrayele bonsu. Nanku kuyabu bonsu kuluisha Davide bua kumukuata. Davide upeta lumu alu, kuyaye muaba uvuabu bibaka ne bimana bikole.

2 Samuele 5:25

Davide kuenza amu muvua Maweja-Nangila muambe. Ke pavuaye mutshimune bena Peleshete, kubalondakaja biangatshile ku Ngeba too ne ku tshibuelelu tshia musoku wa Ngezere.

2 Samuele 7:9

Meme kukuambuluisha mu midimu yebe yonsu. Meme kubutula baluishi bebe bonsu bavua kumpala kuebe. Nenkupeteshe lumu lunene. Newikale mumanyike bu mudi bakalenga banene bonsu badi bamanyike bikole pa buloba.

Misambu 18:43

Ndi mbavingutula, mbenza lupuishi, ludi mvunde upepula, mbadiata bu bitotshi bia mu njila.

Misambu 60:2

Bavua bausake bua kuvuluija bantu muvua Davide muluishe bena Arame ba mu Mezopotamiya ne ba mu Soba. Pavua Yowabe mupingane pambelu, ufuma ku mvita ayi, kutshimunaye bena Edome binunu dikumi ne bibidi mu tshibandabanda tshia Luepu.

Misambu 60:8

Mu nzubu wende wa tshijila Mvidi Mukulu kuandamuna ne: “Meme ke watshimuna mvita! Nenkosolole tshimenga tshia Shekeme, ngabanyina bantu banyi tshibandabanda tshia Sukote.

Ebrewu 11:33

Bua ditaba diabu, kukuatabu matunga, kuenzabu malu makane, kupetabu tshivua Mvidi Mukulu mulaye. Kubuikilabu mukana mua ntambue,

Ebrewu 11:34

kujimabu tupia tukole, kupandukabu ku muele wa mvita. Batua kabayi dikanda kupetabu bukole. Bavua bilobu bia mvita. Kutshimunabu bikulu bia bantu ba bisamba bikuabu.

1 Samuele 7:13

Bena Peleshete bavua ne bundu, buamushindu uvuabu babatshimuna awu. Maweja-Nangila kubaleja bukole buende matuku onsu avua Samuwele ne muoyi. Nanku bena Peleshete kabena babuela kabidi mu buloba bua bena Izrayele to.