2 Samuele 7:8 - MUKANDA WA MYIDI MUKULU

⁸ “Wambile Davide kabidi ne: ‘Maweja-Nangila wa bena Izrayele udi wamba ne: Pauvua mulami wa mikoku, meme kukumusha ku mudimu awu, bua wewe kuikala mukalenga wa bantu banyi bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nunku Wambile muntu wanyi Davidi ne, Yehowa wa misumba udi wamba ne, Nakakûmusha mu luhangu lua mikoko hawakadi ulama mikoko, nakakusungula mukelenge ku mutu kua bantu banyi Bena Isalele;

2 Samuele 7:8 ပူးပေါင်းရင်းမြစ်များ

2 Samuele 12:7

Muambi Natane kuandamuna ne: — Muntu udi muenze bualu abu, ngwewe mene Davide! Maweja-Nangila Mvidi Mukulu wa bena Izrayele udi wamba ne: “Mvua mukujidile bua wewe kuikala mukalenga wa bena Izrayele. Mvua mukusungidile kudi Shawule uvua ukuluisha.

2 Samuele 14:13

Mukaji kumuambila ne: — Wewe udi ukengesha bantu ba Maweja-Nangila nunku bua tshinyi? Wewe mumane kuditshipa bu muudi uditshipa mpindiewu emu, udi udipisha nkayebe, bualu kuena ubikidisha Absalome uuvua muipate.

2 Samuele 23:1

Ke meyi a Davide a ndekelu aa: Telejayi meyi a Davide, muana wa Ishayi, meyi a muntu uvua Mvidi Mukulu muteke muaba wa butumbi, uvua Mvidi Mukulu wa Yakobe musungule bua kuikalaye mukalenga, uvua bena Izrayele bimbila misambu, basamba.

2 Samuele 24:17

Davide mumane kumona mutumibue uvua ubutula bena Izrayele, kuambilaye Maweja-Nangila ne: — Meme ndi muena tshibawu. Meme ndi muenze bibi. Kadi bantu aba kabena benza bualu bubi to. Nanku mbimpe unyoke meme, ne bena nzubu wanyi.

2 Samuele 5:2

Kale patshivua Shawule mukalenga wetu, ukavua ulombola bena Izrayele mu mvita yabu. Maweja-Nangila uvua mumane kukuambila ne: “Wewe Davide newikale, mukalenga wa bantu banyi bena Izrayele, newikale mfumuabu.”

2 Samuele 6:21

Davide kuandamuna ne: — Mvua ngenza bionsu abi, anu bua kutumbisha Maweja-Nangila, uvua munsungule bua meme kuikala mukalenga wa bantu bende bena Izrayele. Maweja-Nangila uvua mubenge tatuebe Shawule ne bena nzubu wende bonsu. Nanku meme Davide, nensanke anu kusanka bua kutumbisha Maweja-Nangila.

1 Bakalenga 3:6

Shelomu kuandamuna ne: — Maweja-Nangila uvua muenzele tatu wanyi Davide, muntu webe malu mimpe a bungi, bualu Davide uvua mukuitabe muende muonsu, mukuenzele mudimu ne muoyi umue. Udi muenzele Davide bimpe, nansha kunyima kua lufu luende, bualu udi mumupe muana wa balume, udi mua kumupingana mu bukalenga. Ke mudibi bimueneka lelu.

1 Bakalenga 8:16

“Biangatshile dituku dimvua mupatule bantu banyi bena Izrayele mu Ejipitu, katshia tshivua musungule tshimenga nansha tshimue munkatshi mua bimenga bia bena Izrayele bua kungibakilamu nzubu undi mua kusomba to. Kadi ndi mukusungule wewe Davide, bua wikale mukalenga wa bantu banyi bena Izrayele.”

1 Kulondolola 17:7

“Nanku, wambile kabidi Davide ne: Mvidi Mukulu wa bena Izrayele udi wamba ne: ‘Pautshivua wenza mudimu wa kulama mikoku mu mpata, meme kukumusha muaba awu, bua wewe kuikala mukalenga wa bantu banyi bena Izrayele.

1 Kulondolola 21:17

Davide kuambila Mvidi Mukulu ne: — Meme ke uvua mutume diyi bua babadike bantu. Nenku meme ndi muenze bibi, ndi muenze tshilema! Bantu aba kabena benza bualu bubi to. Maweja-Nangila, Mvidi Mukulu wanyi, unnyoke meme ne bena diku dianyi, pa mutu pa kunyoka bantu bebe.

Amosa 7:15

Kadi Maweja-Nangila kungumusha ku mudimu wa kumuna nyama yanyi, kuntuma bua kuambila bantu bende, bena Izrayele, malu mu dina diende.

Bienzedi 7:46

Davide kabidi uvua mutokele Mvidi Mukulu ku muoyi. Kulombaye bua amone mua kuashila Mvidi Mukulu wa Yakobe nzubu.

1 Samuele 10:1

Ke Samuwele kuambula kalangi ka mafuta kavuaye naku. Kuelaye Shawule mafuta awu pa mutu. Pashishe kumupukilaye, umuambila ne: — Maweja-Nangila nkayende ke udi mukujidila bua wikale mukalenga wa tshisamba tshiende.

1 Samuele 2:8

Udi ujula mupela uvua mudishinde panshi. Umushe ku diala muena dikenga udibu bimansha, bua kumusombesha miaba ya lumu, pamue ne bantu banene. Buloba bujima budi bua Maweja-Nangila. Yeye ke udi mubuimanyike pa makunji abu.

1 Samuele 9:16

“Malaba anu pa diba ditudi edi, nenkutumine muntu wa mu tshisamba tshia Binyamine. Wewe neumujidile bua ikale mukalenga wa bantu banyi bena Izrayele. Neabumushe ku bumfumu bua bena Peleshete. Bualu bantu banyi bena Izrayele, mbambikila bua meme kubambuluisha, kabidi ndi mumone dikenga diabu.”