2 Samuele 7:22 - MUKANDA WA MYIDI MUKULU

²² Maweja-Nangila Mvidi Mukulu wanyi, wewe udi muena bukole buonsu! Kakuena mukuabu udi bu wewe. Ke mutudi bumvue bantu bonsu bamba nanku.

Mukanda wa Nzambi Dihungila Dikulukulu ne Dihungila Dihia-dihia 2003

²² Nunku wewe, Yehowa Nzambi, udi munene: kakuena mukuabo bu wewe, kakuena Nzambi mukuabo anu wewe nkayebe, bu mudi malu onso atuakunvua ku matshu etu.

2 Samuele 7:22 ပူးပေါင်းရင်းမြစ်များ

2 Samuele 22:32

Mvidi Mukulu udi anu umue, ke Maweja-Nangila. Lubuebue luetu ludi anu lumue, ke Mvidi Mukulu wetu!

1 Bakalenga 8:23

wamba ne: — Maweja-Nangila Mvidi Mukulu wa bena Izrayele, kakuena Mvidi Mukulu mukuabu bu wewe, nansha mu diulu nansha pa buloba. Wewe udi ukumbaja ndondu uuvua mutue ne bena mudimu bebe. Wewe udi anu mubanange ne muoyi umue, padibu bakuitaba ne muoyi wabu mujima.

1 Kulondolola 16:25

Maweja-Nangila udi munene, wa kutumbisha bipite, wa kutshina ku mutu kua mvidie yonsu.

2 Kulondolola 2:5

Muntu nansha umue kena mua kumuashila nzubu to, bualu diulu, nansha diodi dialabale, ndikese bualu buende. Meme tshiena mua kuamba ne: ndi ngashila Maweja-Nangila nzubu to. Kadi ndi ngasa muaba wa ditendelela, udibu mua kumulambula milambu.

Misambu 135:5

Ndi mumanye ne: Maweja-Nangila udi munene; Mukalenga wetu mmupite mvidie yonsu.

Misambu 145:3

Wewe Maweja-Nangila udi munene, ne bantu bonsu nebakutumbishe, bualu buneme buebe kabuena ndekelu.

Misambu 44:1

Musambu wa mu mukanda wa mulombodi wa bena misambu. Kasala ka mu mukanda wa misambu wa bena Kora.

Misambu 48:1

Musambu wa mu mukanda wa misambu wa bena Kora.

Misambu 86:10

Bualu udi munene, udi wenza malu a dikema, udi amu wewe nkayebe, Mvidi Mukulu mulelela.

Misambu 86:8

Maweja-Nangila, kakuena mvidie umue udi bu wewe, kakuena mvidie udi mua kuenza biudi wewe wenza.

Misambu 89:6

Maweja-Nangila, batumibue, ba mu diulu batumbishe malu ebe a kukema, badibu nabu mu diulu batumbishe bulelela buebe!

Misambu 89:8

Mvidi Mukulu, badi bakutshina mu tshipangu, tshia batumibue ba Mvidi Mukulu, badi bapita kukutshina kudi badi bannyungulukila.

Misambu 96:4

Maweja-Nangila udi munene, bidi bimpe bamutumbishe. Bamutshine kumpala kua mvidie yonsu.

Ekesode 10:2

Nanku wewe Moshe neumone mua kumanyisha muanebe wa balume ne muikuluebe mundi mulembakaje bena Ejipitu, muenze bishima bionsu ebi mu ditunga diabu. Ke munudi mua kujadika ne: meme ndi Maweja-Nangila.

Ekesode 15:11

Maweja-Nangila, ku mvidie idibu batendelela, udi ukufuana nnganyi? Kakuena udi wa tshijila, amu wewe! Kakuena mukuabu udi mua kuenza malu a kukema! Kakuena mukuabu utudi ne bua kutshina. Kakuena mukuabu utudi tutumbisha.

Ekesode 8:10

Kukungujabu ndimba ayi mishiki ne mishiki. Ditunga dijima kununkadi mupuya mubi.

Ekesode 8:6

Mukalenga wa bena Ejipitu kumuambila ne: — Undombele malaba. Moshe kumuambila ne: — Nebikuenzekele muudi ulomba anu bua ujadike ne: kakuena utudi mua kufuanyikija ne Maweja-Nangila Mvidi Mukulu wetu.

Ekesode 9:14

Mpindiewu ndi mujadike bua kukutumina makenga a mishindu yonsu, wewe ne balombodi ba bukalenga kabidi ne bantu bebe bonsu, bua ujadike ne: pa buloba bujima kakuena mukuabu, amu meme!

Yeshaya 40:18

Nudi basue kuteka Mvidi Mukulu mulongu umue ne nganyi? Nenumufuanyikije ne tshinyi?

Yeshaya 40:25

Mvidi Mukulu wa tshijila udi ukonka ne: “Nenumfuanyikije ne nganyi? Udi mua kuikala nanyi mumue nnganyi?”

Yeshaya 45:18

Maweja-Nangila uvua mufuke diulu, ke Mvidi Mukulu uvua muenze buloba, mubusonge, mubushindike. Kadi kena mubutuke munda mutupu, mmubuenze bua bantu basepu. Mpindiewu udi wamba ne: “Maweja-Nangila ke Meme! Kakuena mvidie mukuabu.

Yeshaya 45:22

Nuenu badi basombe ku ndekelu kua buloba, fikayi kundi meme. Nennusungidile. Bualu Mvidi Mukulu ke meme! Kakuena mukuabu to.

Yeshaya 45:5

Maweja-Nangila ke meme, kakuena mukuabu to. Kakuena Mvidi Mukulu mukuabu, amu meme. Kuena mummanye to. Kadi ndi nkuangata ku mudimu.

Yezekiyele 36:22

Nanku ubamanyishe tshindi meme Maweja-Nangila Mvidi Mukulu ngamba ne: “Malu andi musue kuenza, tshiena ngenza buenu nuenu bena Izrayele to. Kadi ndi ngenza bua bantu banemeke dina dianyi dia tshijila, dinuvua bapepeja mu bisamba munuvua baye.

Yezekiyele 36:32

Numanye bimpe ne: tshiena ngenza bionsu ebi, bualu nuenu nudi bantu bimpe to. Meme Maweja-Nangila Mvidi Mukulu, ndi njadika nanku. Nuenu bena Izrayele, tshienu nkumvua bundu bua malu mabi anuvua benza.

Danyele 2:45

Uvua mumone dibue dilamuka ku mukuna, kadiyi dinyungisha kudi muntu, bua divue kusunsula tshiamu tshifiike, tshikunze, buloba bosha, tshiamu tshitoke tshia mushinga mukole, ne tshiamu tshia mpawungi bivua ku lupingu. Mvidi Mukulu udi nkumanyisha wewe, Mukalenga, malu adi ne bua kuenzeka matuku adi kumpala. Tshilota tshiebe mbualu budi Mvidi Mukulu mukuleje bulelela. Dijingulula dindi mukuambile didi pa diodi.”

Mika 7:18

Kakuena mvidie nansha umue, udi mukufuane wewe Maweja-Nangila. Udi ufuila bantu bebe badi bashala ne muoyi luse, kuyi musue kuvuluka kashidi bilema biabu. Kuena ulama tshiji matuku onsu. Disanka diebe didi amu dia kutunanga, kutuenzela bimpe.

Dielulula 3:24

“Maweja-Nangila Mvidi Mukulu wanyi, udi mudianjile kundeja butumbi ne bukole buebe. Kakuena mvidie, pa buloba nansha mu diulu, udi ne bukole bua kuenza malu a dikema, bu muudi wenza wewe.

Dielulula 32:39

“Nuenu bena Izrayele, nujadike lelu ne: meme Maweja-Nangila nkayanyi, ndi nnusungidila. Kakuena mvidie mukuabu to, anu meme. Meme ndi mfuisha bantu, mbalama ne muoyi. Ndi mbatapa mputa, mbondapa kabidi. Udi mua kunyenga muntu mu tshianza tshianyi udiku anyi?

Dielulula 4:35

Nuenu nudi bena diakalenga, bualu nuakumona bionsu ebi, bua nujadike ne: Maweja-Nangila nkayende ke Mvidi Mukulu, kakuena mvidie mukuabu, amu Yeye.

Dielulula 4:39

Kutuadijila lelu, nuele meji, nujadike ne: Maweja-Nangila udi anu Mvidi Mukulu nkayende mu diulu ne pa buloba. Kakuena mvidie mukuabu to, amu yeye.

1 Samuele 2:2

Anu Maweja-Nangila ke udi wa tshijila, kakuena Mvidi Mukulu mukuabu, amu Yeye. Mvidi Mukulu wetu nkayende udi lubuebue.