2 Samuele 7:19 - MUKANDA WA MYIDI MUKULU

¹⁹ Kadi wewe Maweja-Nangila, udi mumone ne: bionsu biudi mutuenzele kabiena bianji kukumbana. Nanku, utshidi anu ulaya bena nzubu wanyi, bua kubenzela bimpe. Kabidi udi ummanyisha bionsu ebi, meme muntu patupu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Mukelenge Yehowa, bualu ebu buakadi bukese ku mesu kuebe; kadi wewe wakamba bua tshiota tshia muntu webe mu matuku adi kayi manze kulua; wewe Mukelenge Yehowa wakangambila bualu ebu bu mudi bantu bambilangana malu!

2 Samuele 7:19 ပူးပေါင်းရင်းမြစ်များ

2 Samuele 12:8

Mvua mufile bena nzubu wa mfumuebe Shawule mu bianza biebe. Mvua mukupeshe bakaji ba mfumuebe Shawule. Meme kuteka bena Izrayele bonsu ne bena Yuda ku bumfumu buebe wewe. Bionsu abi kabivua bikumbana anyi? Meme ndi mua kukuenzela malu makuabu a bungi.

2 Bakalenga 3:18

Kadi, bualu ebu mbualu bukese kudi Maweja-Nangila. Yeye neafile kabidi ditunga dia bena Mowabe mu bianza bienu.

1 Kulondolola 17:17

Kadi wewe, udi mumone ne: bionsu biudi mutuenzele kabiena bianji kukumbana. Nanku, utshidi ulaya malu adi atangila diku dianyi, ndelanganyi yanyi itshivuavua. Udi untangila bu muntu wa mushinga, pabi kabiyi nanku. Maweja-Nangila Mvidi Mukulu wanyi,

Misambu 36:7

Lupandu luebe ndupite ne mikuna mitumbuke ku bule. Nsambu iudi ukosa mmipite buondoke bua mayi manene. Maweja-Nangila, wewe udi wambuluisha bantu, wambuluisha kabidi ne nyama.

Yezekiyele 34:18

Bavule ba kunudi badi badia bimpe mu mpata milenga. Kadi badi badiata bisosa bidi bishale bua tshinyi? Nudi nupeta mayi mimpe a kunua. Kadi mayi anudi nunua, nudi nuavuandulula ne makasa enu bua tshinyi?

Dibadika 16:13

Udi mumane kutupatula mu Ejipitu muvua biakudia bia bungi, mabele ne buitshi, bua kutufuishila mu tshipela emu! Mpindiewu ukadi uditeka kabidi mfumuetu!

Dibadika 16:9

Padi Maweja-Nangila Mvidi Mukulu wa bena Izrayele munusungule munkatshi mua bena Izrayele bakuabu bua nuenu kusemena pabuipi nende, kuenza mudimu muaba wa tshijila, kuyukila nende mu dina dia bena Izrayele bonsu, ki mbualu bunene budiye munuenzele anyi?

Efeze 2:7

Bionsu abi nebimueneke patoke mu matuku adi kumpala. Diba adi dinanga diende dinene dipite nedidileje patoke, bualu bua bidiye mutuenzele munda mua Yezu Kristu.

Yoshua 5:14

Muntu awu kuandamuna ne: — Ntshidi mfika amu mpindiewu. Tshiena wa ku luseke luenu, nansha wa ku lua baluishi benu to. Ndi mfumu wa tshikulu tshia Maweja-Nangila. Nanku Yoshuwa kudiela mpala panshi, umuambila ne: — Meme ndi muena mudimu webe. Tshiudi untumina diyi bua meme kuenza ntshinyi?