2 Samuele 7:18 - MUKANDA WA MYIDI MUKULU

¹⁸ Ke mukalenga Davide kuya mu ntenta wa tshijila, kumpala kua Maweja-Nangila, umulomba ne: — Maweja-Nangila Mvidi Mukulu wanyi, ndi mumanye ne: meme ne bena nzubu wanyi, katuvua bakanyine kupeta bionsu biudi mutuenzele ebi to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Hashishe mukelenge Davidi wakabuela mu nsubu, wakashikama ku mpala kua Yehowa, wakamba ne, Mukelenge Yehowa, meme ndi nganyi, ne tshiota tshianyi tshidi tshinyi bua wewe wakalua nʼanyi anu kunoko?

2 Samuele 7:18 ပူးပေါင်းရင်းမြစ်များ

Genese 32:10

Yakobe kutendelela Mvidi Mukulu, wamba ne: — Mvidi Mukulu wa kaku wanyi Abrahame, ne wa tatu wanyi Izake, unteleje! Uvua mungambile ne: “Upingane kuenu mu ditunga dienu. Meme nenkulame, neupete dikasa dimpe.”

Genese 32:11

Maweja-Nangila, tshiena mukumbanyine dikasa dimpe diwudi muntutshishe meme, muena mudimu webe, kuyi upungila. Bualu mvua musabuke musulu wa Yardene ewu anu ne dikombu. Kadi mpindiewu nkadi ne bintu bisumbu bibidi ebi.

2 Samuele 23:5

Ke malu adi Mvidi Mukulu muenzele bena nzubu wanyi. Uvua mutue nanyi ndondu wa kashidi, mujadike ndondu awu ne mikenji idi bantu kabayi mua kubenga. Bionsu bidi binsankisha, udi ubikumbaja.

2 Samuele 7:17

Muambi Natane, kuambila Davide bionsu bivua Maweja-Nangila mumuleje.

1 Kulondolola 17:16

Pashishe mukalenga Davide kuya mu ntenta wa tshijila, kumpala kua Maweja-Nangila, bua kumutendelela. Uvua wamba ne: — Maweja-Nangila Mvidi Mukulu wanyi, ndi mumanye ne: nansha meme nansha bena diku dianyi, katuvua bakanyine mua kupeta bionsu biukadi mutuenzele ebi to.

1 Kulondolola 29:14

Meme ndi muntu wa tshianana. Bantu banyi badi bantu ba tshianana. Tuetu katuena mua kukulambula milambu eyi ku bukole buetu. Tudi bapete bionsu amu kuudi. Nenku tudi mua kukulambula amu bitudi bapete kuudi.

Misambu 8:4

Pandi mmona diulu diudi muenze, ngondu ne mitotu biudi muteke amu pa miaba yabi,

Ekesode 3:11

Moshe kuandamuna Mvidi Mukulu ne: — Meme tshiena ne mushindu wa kuya kumonangana ne mukalenga wa bena Ejipitu bua kupatula bena Izrayele to.

Yeshaya 37:14

Izkiya kuangata mukanda uvuabu bamutuadile kudi bena Ashure. Kuubalaye. Pashishe, kubuelaye mu nzubu wa Mvidi Mukulu, kuulejaye Maweja-Nangila.

Efeze 3:8

Meme ndi mushadile ku bantu bonsu badi bitaba Mvidi Mukulu. Kadi Mvidi Mukulu uvua muntutshishe diakalenga edi: bua mmanyishe bantu ba bisamba bikuabu Lumu lua Disanka lua bubanji bupite butudi tupeta kudi Kristu.

Balombodi 6:15

Ngideyone kuandamuna ne: — Maweja-Nangila, ndi nkusengelela ne: meme ndi mua kusungidila bena Izrayele mushindu kaayi? Ku meku onsu a mu tshisamba tshietu tshia Menashe, diku dianyi ndia bantu badi kabayi ne bukole nansha bukese. Kabidi meme ndi muana wa mukala mu nzubu muetu.

Rute 2:10

Rute kuinyika mutu panshi, ukema, umukonka ne: — Mmunyi muudi mungangate ne musangelu, bu muntu mumane kummanya kuonsu eku, panyi muikale muntu muenyi?

1 Samuele 15:17

Samuwele kumuambila ne: — Ku kale uvua mudimone muntu tshianana. Mpindiewu udi mukalenga wa bisamba bionsu bia bena Izrayele. Maweja-Nangila nkayende ke uvua mukujidile bua wikale mukalenga wa bena Izrayele.

1 Samuele 18:18

Davide kuandamuna ne: — Mukalenga, meme ndi muntu tshianana. Bena diku dia tatu, ne bena nzubu wetu, badi anu bantu tshianana. Kadi, meme nengikale muku wa mukalenga mushindu kaayi?

1 Samuele 9:21

Shawule kuandamna ne: — Kuambi nanku, bualu meme ndi muena Binyamine. Ndi muntu wa mu kasamba kakese ka bena Izrayele. Kabidi mu tshisamba tshia Binyamine emu, diku dianyi ke didi ne bantu bapite bukese. Kadi mmunyi muudi mua kungambila bualu bua nanku?