2 Samuele 7:13 - MUKANDA WA MYIDI MUKULU

¹³ Muanebe awu, neangibakile nzubu. Nemmujadike mu bukalenga kashidi.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Yeye neibakile dina dianyi nsubu, nenjadike nkuasa wa bukelenge buandi tshiendelele.

2 Samuele 7:13 ပူးပေါင်းရင်းမြစ်များ

Genese 49:10

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

2 Samuele 22:51

Maweja-Nangila udi wenza malu manene, bua kuambuluisha mukalenga uvuaye musungule. Muntu uvuaye mujidile udi umufuila luse kashidi, ke Davide, ne ndelanganyi yende yonsu.

2 Samuele 7:16

Misangu yonsu, muana wa ku ndelanganyi yebe neakupingane mu bukalenga, bualu bukalenga nebushale mu nzubu muebe kashidi.’ ”

2 Samuele 7:27

Bualu wewe Maweja-Nangila, muena bukole buonsu, ne Mvidi Mukulu wa bena Izrayele, ke udi mummanyishe meji ebe, a kumpesha ndelanganyi idi mua kumpingana mu bukalenga. Ke pandi mupete dikima dia kukulomba mushindu ewu.

1 Bakalenga 2:24

Maweja-Nangila uvua munjadike mu nkuasa wa bukalenga wa tatu wanyi Davide, mmundaye bukalenga meme ne ndelanganyi yanyi. Bu mudiye ne muoyi, ndi nditshipa ne: Adoniya udi ufua anu lelu!

1 Bakalenga 2:4

Maweja-Nangila neakumbaje bionsu bivuaye mumane kundaya, mungambile ne: “Pikala ndelanganyi yebe mingitabe, mienze mundi musue, nendamate mu bulelela, kabidi ne muoyi mujima, nansha wewe mumane kufua, misangu yonsu muntu wa ku ndelanganyi yebe neashale mukalenga wa bena Izrayele.”

1 Bakalenga 2:45

Kadi Maweja-Nangila neangele lupemba. Neajadike bukalenga mu nzubu wa Davide kashidi.

1 Bakalenga 5:5

Bena Yuda ne bena Izrayele, bavua ne ditalala, biangatshile ku Dane too ne ku Bersheba, Matuku onsu avua Shelomu ne muoyi, muntu yonsu uvua ukuna mionji yende ya mvinyo ne mitshi ya mfiku anu mu ditalala.

1 Bakalenga 6:12

— Bu muudi ungibakila nzubu ewu, wewe mukumbaje mikenji yanyi, mukumbaje miaku imvua mukuambile, mutumikile meyi anyi onsu, nenku nenkumbaje dilaya dimvua mulaye tatuebe Davide bualu buebe.

1 Bakalenga 8:13

Kadi, ndi mukuibakile nzubu muimpe, muaba uudi mua kusomba kashidi!”

1 Bakalenga 8:15

Pashishe, kuambaye ne: — Ndi ngela Maweja-Nangila Mvidi Mukulu wa bena Izrayele tuasakidila! Yeye nkayende ke udi mukumbaje bionsu bivuaye mulaye tatu wanyi Davide. Uvua mumuambile ne:

1 Bakalenga 8:19

Kadi, wewe kuena ungibakila nzubu to, anu muanebe wa balume. Eyowa, anu muanebe menemene neangibakile nzubu ewu.”

2 Bakalenga 21:4

Kuenzaye bilambuilu bikuabu, bia bantu benyi mu nzubu wa Mvidi Mukulu, wa mu Yerushalayime. Maweja-Nangila uvua mumane kuamba bua nzubu awu ne: “Meme Maweja-Nangila nensombe mu nzubu ewu.”

2 Bakalenga 21:7

Uvua muenze kabidi lupingu lua mvidie mukaji, Ashera, mubiteke mu nzubu wa Mvidi Mukulu. Kadi, Maweja-Nangila uvua muambile Davide ne muanende wa balume Shelomu ne: “Nzubu ewu udi mu Yerushalayime, tshimenga tshindi mumane kusungula ku bimenga bionsu bidi mu bisamba dikumi ne bibidi bia bena Izrayele, ke muaba undi nsomba kashidi munkatshi mua bantu.

2 Bakalenga 8:19

Kadi Maweja-Nangila kavua musue kubutula bukalenga bua Yuda to. Bualu uvua mulaye muntu wende Davide ne: ndelanganyi yende neishale mu bukalenga mu Yerushalayime kashidi.

1 Kulondolola 28:10

Mpindiewu, udi mumone mudi Maweja-Nangila mukusungule bua wewe kumuashila nzubu, bua ikale muaba wende wa tshijila. Nenku, kolesha muoyi, ubange amu mudimu ewu.”

2 Kulondolola 33:4

Uvua muimanyike bilambuilu bikuabu bia kutendelela mvidie ya bantu benyi mu nzubu wa Mvidi Mukulu wa mu Yerushalayime. Eku Maweja-Nangila uvua mumane kuamba bua nzubu awu ne: “Meme Maweja-Nangila nensombe mu nzubu emu kashidi.”

2 Kulondolola 6:16

Nanku, Maweja-Nangila Mvidi Mukulu wa bena Izrayele, ukumbaje kabidi malaya makuabu, auvua mulaye tatu wanyi Davide, muntu webe. Uvua mumuambile ne: “Pikala ndelanganyi yebe mingitabe, mienze tshindi musue, bu muuvua wewe muenze, ndi nkujadikila ne: misangu yonsu, muntu wa ku ndelanganyi yebe neakupingane mu bukalenga, bua kushala mukalenga wa bena Izrayele.”

Yobe 36:7

Udi ulama badi bamulamate. Bakalenga badi mu nkuasa wa bumfumu, Mvidi Mukulu ke udi mubatekemu, bua bukalenga buabu bunenge. Kadi badi baditambisha.

Misambu 72:17

Lumu lua mukalenga lushale kashidi, bamutumbishe too ne muajimina diba tshiendelele! Bantu belangane lupemba, bamba ne: Mvidi Mukulu akusankishe, muvuaye muenzele mukalenga! Mu matunga onsu bantu bamutue makumbu!

Misambu 89:21

Ndi mupete Davide bua ikale muena mudimu wanyi, ndi mumujidile ne mafuta anyi a tshijila.

Misambu 89:29

Nemmuleje malu anyi mempe matuku onsu, ndi ntua nende ndondu, mmulaye ne:

Misambu 89:4

Wewe uvua muambe ne: “Mvua mutue ndondu, ne muntu umvua musungule, ne Davide muena mudimu wanyi, mvua mumulaye ne:

Yeshaya 49:8

Maweja-Nangila udi wamba ne: “Padi tshikondu tshia lupandu tshifika, nengandamune ku dindomba diebe. Pafika dituku dia kukupandisha, nenkuambuluishe. Mvua mukuteke, mukulame, bua ukumbaje bimvua mulaye bantu banyi. Ndi nnupingaja mu ditunga dienu, bua nusombe tshiakabidi miaba yonsu mu buloba bua tshijila, buvuabu banyangakaje lelu.

Yeshaya 9:6

Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.

Yeshaya 9:7

Maweja-Nangila uvua mulumbuluishe ndelanganyi ya Yakobe. Kupishaye bukalenga bua Izrayele.

Yirmeya 33:17

Telejayi bualu bukuabu budi Maweja-Nangila utumanyisha: Muntu wa ku ndelanganyi ya mukalenga Davide neashale kashidi mu bukalenga bua Izrayele.

Yezekiyele 37:25

Nenusombe mu ditunga dimvua mupe muntu wanyi Yakobe, mutua bankambua benu basombe. Nenushalemu kashidi, nuenu, bana benu, ne ndelanganyi yenu yonsu. Muntu mufuanangane ne muntu wanyi Davide, neashale mukalenga wenu kashidi.

Danyele 2:44

“Mu matuku adi bakalenga aba mu bumfumu, Mvidi Mukulu wa mu diulu neajule bukalenga bukuabu budibu kabayi mua kubutula nansha musangu umue. Tshisamba tshikuabu katshiena mua kuangata bukalenga abu nansha. Bukalenga abu nebubutule makalenga onsu adi mabudianjidile. Nebuashidishe, kadi bobu nebujalame kashidi.

Zekâya 6:12

Umuambile ne: Maweja-Nangila wa bukole buonsu udi wamba ne: “Kudi muntu munemu dina diende Lutonga. Nsombelu wa bantu neashintuluke bualu buende. Neibakulule nzubu wanyi wa tshijila.

Zekâya 6:13

Eyo, yeye ke wamuasa tshiakabidi. Neavuale bimanyinu bia bukalenga, neasombe mu nkuasa wa bumfumu bua kulombola bantu. Mutuangaji neikale pabuipi nende. Bantu aba babidi nebumvuangane bikole.

Matayi 16:18

Kadi meme ndi nkuambila patoke ne: wewe udi Petro, dibue. Nanku pa dibue edi nengasepu Tshisumbu tshia bantu banyi. Nansha lufu mene kaluakutshibutula to.

Ebrewu 3:3

Muntu udi wibaka nzubu udi ne lumu lupite lua nzubu mene. Nanku Yezu udi ne lumu lupite lua Moshe.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.