2 Samuele 6:5 - MUKANDA WA MYIDI MUKULU

⁵ Davide ne bena Izrayele bonsu bavua basanka kumpala kua Maweja-Nangila, bimba biombelu bia mishindu mishilangane, bienza ne mabaya a mitshi ya pin, bu bisanji, nzenze, ngoma, makasa, ne biamu bia kututakaja.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Davidi ne Bena Isalele bonso bakadi bimba ku mpala kua Yehowa biombelu bia mishindu yonso bienza bia mabaya a mitshi ya cyprès, bisanji ne nzenze ya nshinga dikumi ne mbau ne makasa ne biamu bia kukumangana.

2 Samuele 6:5 ပူးပေါင်းရင်းမြစ်များ

2 Bakalenga 3:15

Mpindiewu, nufike kundi ne muimbi wa tshisanji. Muimbi wa tshisanji utuadija kuimba, bukole bua Maweja-Nangila kutulukila Elisha.

1 Kulondolola 13:8

Davide ne bena Izrayele bonsu bavua benda basanka muabu muonsu, kumpala kua Mvidi Mukulu. Bavua bimba misambu ne biombelu bia mishindu yonsu: nzenze, ngoma, ndibu ne mpungi.

1 Kulondolola 15:28

Bena Izrayele bonsu kufika ne mushete wa tshijila mu Yerushalayime, batua tshianga, badidisha miadi ya mpungi mishilangane, ya ndibu, ya nkombe ne ya nzenze.

2 Kulondolola 20:28

Kubuelabu mu Yerushalayime, benda bimba lunzenze, tshisanji ne mpungi, batangile ku nzubu wa Maweja-Nangila.

Misambu 47:5

Udi mutusunguile ditunga edi bua dikale dietu. Tudi tuditemba nadi, tuetu ndelanganyi ya Yakobe idiye munange.

Danyele 3:10

Mukalenga, wewe nkayebe, ke uvua mutume diyi ne: “Muntu yonsu udi umvua muadi wa mpungi, nshiba, lunzenze, lunkombe, ne wa biombelu bikuabu bionsu, iname panshi bua kukukuila lupingu lua tshiamu tshia mpawungi.

Danyele 3:15

Nenumvue kabidi mpindiewu bela mpungi, nshiba, nzenze, lunkombe, ne biombelu bikuabu bionsu. Nanku mpindiewu nenuiname panshi, nukukuile lupingu lundi muenzeje anyi? Kadi binuabenga kulukukuila, diakamue badi banuela mu tshikutu tshidi ne kapia kakole. Diba adi, mvidie kaayi udi mua kunusungidila kundi?

Danyele 3:5

“Diba dinudi numvua muadi wa mpungi, nshiba, nzenze, lunkombe, nansha wa biombelu bikuabu bionsu, nuiname panshi, nukukuile lupingu lua tshiamu tshia mpawungi ludi mukalenga Nebukadnesare muenzeje.

Danyele 3:7

Nanku bantu ba matunga onsu, ba bisamba bionsu, ne ba miakulu yonsu, pasuabu bumvua muadi wa mpungi, nshiba, lunzenze, lunkombe, ne wa biombelu bikuabu bionsu, bavua binama panshi, bakukuila lupingu lua tshiamu tshia mpawungi luvua mukalenga Nebukadnesare muenzeje.

Amosa 5:23

Umbukayi ku matshi anyi, ne mutoyi wa misambu yenu. Tshiena musue kumvua kabidi muadi wa bisanji bienu.

Amosa 6:5

Nudi nusaka misambu ne diyi dikole, nuyimba ne lunzenze. Nudi nuidikija Davide, nudienzela biombelu bipiabipia.

1 Samuele 10:5

Pashishe neuye ku Ngibeya-Elohime, muaba udi bamfumu ba bena Peleshete. Pawafika pabuipi ne tshimenga, neusambakene ne tshisumbu tshia bambi, bapueka ku muaba wa tshijila. Kumpala kuabu nekuikale bantu badi bimba lunzenze, bimba ngoma, bela nshiba, bimba ne lunkombe. Bambi abu, nebikale baja maja, bela mbila.

1 Samuele 16:16

Nanku, tuma diyi, tuye kukukebela muntu udi mumanye mua kuimba lunkombe. Pikala mukishi mubi mukutulukile, muena lunkombe neakuimbile bua umvue bimpe.