2 Samuele 6:20 - MUKANDA WA MYIDI MUKULU

²⁰ Davide kupingana ku nzubu kuende bua kuela bena diende muoyi. Kadi Mikale, muana wa Shawule, kupatuka bua kusambakena nende. Kumuambilaye ne: — Lelu, mukalenga wa bena Izrayele kavua kabidi ne lumu to. Uvua uja maja bu muntu mutshimbakane, bakaji bapika ba bena mudimu bende bamutangile!

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Hashishe Davidi wakahingana bua kuvudishileye ba mu nsubu wandi disanka. Mikala, muana mukashi wa Shaula, wakaluhuka bua kusangakeneye ne Davidi, wakamuambila ne, Mona bu mudi butumbi bua mukelenge wa Isalele lelu hakamuangeye bilulu biandi ku mesu kua bakashi ba bena mudimu bandi bu mudi muntu wa tshianana umuangalasha bilulu biandi kayi ne bundu!

2 Samuele 6:20 ပူးပေါင်းရင်းမြစ်များ

Genese 18:19

Ndi mumusungule bua alongeshe bana bende ne ndelanganyi yende mikenji yanyi, bua babikumbaje bikale bantu bakane. Bobu bakumbaje bionsu ebi, meme Maweja-Nangila nengenzele Abrahame bionsu bindi mumulaye.

2 Samuele 6:14

Pashishe Davide kutuadija kuja maja ne bukole buende buonsu bua kutumbisha Maweja-Nangila. Uvua muvuale anu tshilamba tshia ndanda tshia batuangaji.

2 Samuele 6:16

Musangu uvua mushete mufike mu Tshimenga tshia Davide, Mikale, muana wa Shawule, uvua mutangile pa dididishi. Kumonaye mukalenga Davide uja maja, unyunguluka kumpala kua mushete. Ke Mikale kudiula mukalenga Davide bikole.

2 Samuele 6:18

Davide mumane kujikija kulambula milambu, kuelaye bantu bonsu lupemba mu dina dia Maweja-Nangila wa bena Izrayele.

2 Samuele 6:19

Pashishe Davide kuabanyina bena Izrayele bonsu, balume ne bakaji, biakudia. Muntu yonsu kupeta diampa dipepela, mukata muenza ne bimuma bia date, mukuabu muenza ne tumuma tua mvinyo tumane kuuma. Ke muntu yonsu kupingana ku nzubu kuende.

1 Kulondolola 16:43

Pashishe muntu yonsu kupingana ku nzubu kuende. Davide pende kupingana kuende, kuelaye bena diende muoyi.

Yobe 30:8

Bavua bantu batatakane kabayi nansha ne dina. Bavua babafuta mitshi, babipata mu ditunga.

Misambu 101:2

Ndi nnanukila bua kulonga, njila wa nsombelu muakane. Wewe neufike kundi difuku kaayi? Nengende ne muoyi muakane, munkatshi mua bantu badi bannyunguluka.

Misambu 30:1

Musambu wa mu mukanda wa misambu ya Davide, wa kuimba dituku didibu bajidila nzubu wa Mvidi Mukulu.

Muambi 7:17

Kadi kulondi amu njila wa bubi, nansha wa bantu bapale. Tshianana udi mua kufua, diba diebe kadiyi dianji kukumbana.

Marke 14:66

Petro utshivua panshi mu lubanza. Umue wa ku bakaji bena mudimu ba mutuangaji munene kufika.

Marke 3:21

Baledi bende bumvue nanku, kuyabu bua kumuangata, bualu bavua bamba ne: “Yezu mmumane kujimija lungenyi!”

Yowanane 13:6

Yezu ufika kudi Simone Petro, awu kumukonka ne: — Mfumu, udi ukeba kungowesha mayi ku makasa anyi?

Yoshua 24:15

Panuikala nubenga bua kuenzela Maweja-Nangila mudimu, lelu nusungule mvidie inudi basue kutendelela. Tshilejilu: mvidie ivua bankambua benu batendelela, patshivuabu dishiya dia musulu wa Perate, nansha mvidie ya bena Amore, idi mu ditunga dinudi basombe edi. Kadi meme ne bena diku dianyi, netuenzele Maweja-Nangila mudimu.

Balombodi 9:4

Kumupeshabu nkanu ya tshiamu tshitoke tshia mushinga mukole makumi muanda mutekete ya mu nzubu wa mvidie wabu Baale-Berite. Abimeleke kuangata nkanu ayi, kufuta bantu bapote, ba tshianana, bua bamulonde.

1 Samuele 14:49

Shawule uvua ne bana ba balume basatu: Yonatane, Ishevi ne Malkishuwa. Uvua kabidi ne bana ba bakaji babidi: wa kumpala uvua Merabe, muakunyi uvua Mikale.

1 Samuele 18:20

Kadi, Mikale, muana wa bakaji mukuabu wa Shawule, kunanga Davide bikole. Kuambilabu Shawule bualu ebu, kusankaye bikole.