2 Samuele 6:19 - MUKANDA WA MYIDI MUKULU

¹⁹ Pashishe Davide kuabanyina bena Izrayele bonsu, balume ne bakaji, biakudia. Muntu yonsu kupeta diampa dipepela, mukata muenza ne bimuma bia date, mukuabu muenza ne tumuma tua mvinyo tumane kuuma. Ke muntu yonsu kupingana ku nzubu kuende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Yeye wakabanyina bantu bonso ba mu tshisumba tshia Bena Isalele, ne halume ne bakashi, mitanda ya bidia, minyinyi ne bisumbu bia tumuma tukese tûme. Nunku bantu bakamuangalaka muntu kuandi muntu kuandi.

2 Samuele 6:19 ပူးပေါင်းရင်းမြစ်များ

2 Samuele 6:18

Davide mumane kujikija kulambula milambu, kuelaye bantu bonsu lupemba mu dina dia Maweja-Nangila wa bena Izrayele.

2 Samuele 6:20

Davide kupingana ku nzubu kuende bua kuela bena diende muoyi. Kadi Mikale, muana wa Shawule, kupatuka bua kusambakena nende. Kumuambilaye ne: — Lelu, mukalenga wa bena Izrayele kavua kabidi ne lumu to. Uvua uja maja bu muntu mutshimbakane, bakaji bapika ba bena mudimu bende bamutangile!

1 Bakalenga 8:66

Dituku dia muanda mukulu, mukalenga Shelomu kutangalaja bena Izrayele. Kupinganabu ku nzubu yabu. Bena Izrayele bonsu kuya kulayangana ne mukalenga Shelomu bamuela tuasakidila. Pashishe, kupinganabu kuabu ne disanka, bualu Maweja-Nangila uvua muenzele muntu wende Davide bimpe, kabidi ne bantu bende bena Izrayele.

1 Kulondolola 16:3

Pashishe kuabanyinaye bena Izrayele biakudia. Mulume yonsu ne mukaji bavua bapeta diampa, mukata muenza ne bimuma bia date, ne mukata muenza ne tumuma tua mvinyo tuume.

1 Kulondolola 16:43

Pashishe muntu yonsu kupingana ku nzubu kuende. Davide pende kupingana kuende, kuelaye bena diende muoyi.

2 Kulondolola 30:24

bualu mukalenga Izkiya uvua mupeshe bantu ngombe milume tshinunu, ne mikoku binunu muanda mutekete. Bakulu ba mu bukalenga bavua bafila kabidi ngombe milume tshinunu, ne mikoku binunu dikumi. Kabidi batuangaji bavua bamane kumusha mikiya, bavua ba bungi.

2 Kulondolola 7:10

Dituku dia makumi abidi ne disatu dia ngondu wa muanda mutekete, mukalenga Shelomu kutangalaja bena Izrayele. Kupinganabu bonsu ku nzubu yabu ne musangelu. Bavua ne disanka, bualu Maweja-Nangila uvua muenzele Davide, Shelomu, ne tshisa tshiende tshia bena Izrayele bimpe bitambe.

Nehemya 8:10

Ezra kubambila ne: — Pinganayi kuenu. Nudie bimpe, nunue bintu bisheme. Nuabanyangane ne badi kabayi ne tshintu, bualu lelu ndituku dia tshijila dia Maweja-Nangila wetu. Kanubungami, bualu disanka didi difuma kudi Mvidi Mukulu nedinupe bukole.

Musambu wa Solomo 2:5

“Undishe tumuma tua mvinyo, umpeshe bimuma, umpingajile bukole, bualu dinanga didi dinsamisha muoyi.”

Yezekiyele 45:17

Nanku, yeye ke udi ne mudimu wa kufila milambu ya kuosha, milambu ya bukula, ne milambu ya maluvu a mvinyo, bidibu bafila mu bibilu. Udi wenza nanku nangananga bua tshibilu tshia ngondu mupiamupia, bua matuku a Dikisha, ne bua matuku makuabu adi bena Izrayele basangile. Mukalenga udi ne bua kufila milambu bua kudikobolola, milambu ya bintu bia pa madimi, milambu ya kuosha, ne ya bobumue, bua bakobolole bena Izrayele.”

Osheya 3:1

Maweja-Nangila kungambila ne: “Mpindiewu, uye kunanga kabidi mukaji awu muena tshiendenda, udi mukutombokele, wenda ne balume bakuabu. Unange mukaji awu, anu bu mundi meme Maweja-Nangila munange bena Izrayele, nansha bobu batendelela mvidie mikuabu, bananga mikata mienza ne tumuma tua mvinyo.”

Bienzedi 20:35

Mvua munuleje misangu yonsu ne: ke munudi ne bua kukuata mudimu bikole bua kuambuluisha bakengi. Nuvuluke miaku ivua Mfumu Yezu muambe ne: “Disanka dia kupa ndipite dia kupeta.”

Efeze 4:8

Ke padi Mukanda wa tshijila wamba ne: “Diba divuaye mubande mulu, mmuye ne bena lukanu, mmuabanyine bantu mapa.”

Yoshua 22:6

Pashishe Yoshuwa kubela lupemba, kulayangana nabu, bua bapingane kuabu.