2 Samuele 6:16 - MUKANDA WA MYIDI MUKULU

¹⁶ Musangu uvua mushete mufike mu Tshimenga tshia Davide, Mikale, muana wa Shawule, uvua mutangile pa dididishi. Kumonaye mukalenga Davide uja maja, unyunguluka kumpala kua mushete. Ke Mikale kudiula mukalenga Davide bikole.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Hakadibo halua ne mushete wa Yehowa mu musoko wa Davidi, Mikala, muana mukashi wa Shaula, wakimana ku disoso dia nsubu, wakatangila Davidi wenda utuhika, uja maja ku mpala kua Yehowa; yeye wakamulengulula mu mutshima wandi.

2 Samuele 6:16 ပူးပေါင်းရင်းမြစ်များ

2 Samuele 3:14

Ke Davide kutuma bantu kudi Ishebaale, muana wa Shawule, bua kumuambila ne: “Umpingajile mukajanyi Mikale, umvua musele ku makoba lukama a misosu ya bena Peleshete.”

2 Samuele 5:7

Kadi Davide kukuata mukuna wa Siyone uvuabu bakolesha ne bimana. Ke pavuabu binyika mukuna wa Siyone awu ne: Tshimenga tshia Davide.

2 Samuele 6:15

Davide ne bena Izrayele, kufika ne mushete wa Maweja-Nangila mu Yerushalayime, benda bela mbila ya disanka ne mpungi.

2 Samuele 6:20

Davide kupingana ku nzubu kuende bua kuela bena diende muoyi. Kadi Mikale, muana wa Shawule, kupatuka bua kusambakena nende. Kumuambilaye ne: — Lelu, mukalenga wa bena Izrayele kavua kabidi ne lumu to. Uvua uja maja bu muntu mutshimbakane, bakaji bapika ba bena mudimu bende bamutangile!

1 Kulondolola 15:29

Diba divuabu bafika ne mushete mu Tshimenga tshia Davide, Mikale, muana wa bakaji wa Shawule, uvua mutangile pa dididishi. Kumonaye Davide uja maja a disanka. Kupepejaye Davide bikole.

Misambu 123:3

Maweja-Nangila utuambuluishe, utuambuluishe, bualu bantu badi batupepeja bikole;

Misambu 69:7

Maweja-Nangila, Mvidi Mukulu wa bukole buonsu, kufuishi bantu badi batekemena kuudi bundu. Mvidi Mukulu wa Izrayele, kuyi ungambuluisha, bantu bonsu aba nebakuangate bibi.

Yeshaya 53:3

Bavua bamudiombola kudi bantu. Bavua bamubenga, bualu mmuntu mudine mu makenga. Tuvua bamupetule. Katuvua bamuangate ne mushinga to. Uvua bu muntu uvuabu kabayi mua kutangila.

Bienzedi 2:13

Kadi bantu bakuabu bavua baseka bena ditaba, bamba ne: — mBakuatshike maluvu menemene!

1 Korente 2:14

Muntu udi kayi ne Mueyelu wa Mvidi Mukulu, kena mua kuitaba malu malelela adi Mueyelu ewu utumanyisha. Neaatangile bu a bupale. Kena mua kuajingulula, bualu amu muntu udi ne Mueyelu, ke udi mua kuamanya.

1 Samuele 18:17

Shawule kudiambila munda ne: “Meme tshiena musue kushipa Davide to. Bena Peleshete nebamushipe.” Nanku, Shawule kuambila Davide ne: — Merabe, muananyi wa bakaji muanabute, nyeye ewu. Pawikala mungenzela mudimu ne dikima, pawikala muluangana mvita mu dina dia Maweja-Nangila, ndi nkupesha muananyi ewu bua ikale mukajebe.

1 Samuele 18:20

Kadi, Mikale, muana wa bakaji mukuabu wa Shawule, kunanga Davide bikole. Kuambilabu Shawule bualu ebu, kusankaye bikole.