2 Samuele 6:14 - MUKANDA WA MYIDI MUKULU

¹⁴ Pashishe Davide kutuadija kuja maja ne bukole buende buonsu bua kutumbisha Maweja-Nangila. Uvua muvuale anu tshilamba tshia ndanda tshia batuangaji.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Davidi wakaja maja ku mpala kua Yehowa ne bukole buandi buonso: Davidi wakadi ne efoda wa lin musuika mu tshifila tshiandi.

2 Samuele 6:14 ပူးပေါင်းရင်းမြစ်များ

2 Samuele 6:15

Davide ne bena Izrayele, kufika ne mushete wa Maweja-Nangila mu Yerushalayime, benda bela mbila ya disanka ne mpungi.

2 Samuele 6:20

Davide kupingana ku nzubu kuende bua kuela bena diende muoyi. Kadi Mikale, muana wa Shawule, kupatuka bua kusambakena nende. Kumuambilaye ne: — Lelu, mukalenga wa bena Izrayele kavua kabidi ne lumu to. Uvua uja maja bu muntu mutshimbakane, bakaji bapika ba bena mudimu bende bamutangile!

1 Kulondolola 15:27

Davide, bena Levi bavua bambula mushete, bena misambu, ne Kenaniya mutangidi wa bambudi ba mushete, bavua bavuala binkutu bia tshilamba tshienza ne buanda bua mitshi. Davide uvua muvuale kabidi tshilamba tshia muinshi tshia batuangaji, tshienza ne buanda bua mitshi.

Misambu 149:3

Bantu batumbishe Maweja-Nangila ne maja, bamuimbile, bamusamune ne lunkombe.

Misambu 150:4

Mutumbishayi ne maja ne ngoma, mutumbishayi ne lunzenze ne nshiba!

Misambu 30:11

Maweja-Nangila, teleja, umfuile luse. Maweja-Nangila, ungambuluishe.

Misambu 87:7

Wewe Tshimenga tshia Mvidi Mukulu, bimbi ba misambu ne baji ba maja bonsu tshiapamue, batumbishe lumu luebe.

Ekesode 15:20

Diba adi muambi mukaji Miriyame, muanabu ne Arone, kuangata ngoma wende mukese. Bamamu bonsu ba bena Izrayele kumulonda, kuimba ngoma, kuja ne maja.

Ekesode 15:21

Miriyame kuambila bena Izrayele ne: Imbilayi Maweja-Nangila musambu: mmuleje bukole budiye nabu, mmubutule tubalu ne bavua babandapu!

Ekesode 19:6

Kadi tshisamba tshienu netshikale tshia batuangaji, bantu bajidila, badi bangenzela mudimu.” Wambile bena Izrayele bonsu malu andi nkuambila aa.

Muambi 9:10

Ukuate mudimu, usanke ne bionsu biudi mua kupeta. Bualu ku bajangi kuwaya kabena benzaku mudimu, kabena belanganaku meji, kabena bamanya malu, kabena bela meji mene to.

Yezekiyele 46:10

Mukalenga udi mua kubuela ne bantu, kupatuka kabidi nabu musangu umue.”

Luke 15:25

Diba adi muanabute utshivua ku budimi. Pavuaye upingana ku nzubu, ufika pabuipi, kumvuaye bimba bisanji, baja maja.

Dielulula 6:5

Nunange Maweja-Nangila Mvidi Mukulu wenu, ne muoyi wenu mujima, ne mutshima wenu onsu, ne bukole buenu buonsu.

Kolose 3:23

Nansha mudimu kaayi unudi nawu, nuwenze ne muoyi mujima, bualu nudi nuwenzela Mfumu, kanuena nuwenzela bantu to.

Balombodi 11:34

Pavua Yefete upingana kuende ku Mispa, muanende wa bakaji kupatuka bua kumuakidila. Uvua wenda wimba makasa, uja ne maja. Yefete uvua anu ne muana umue wa bakaji awu. Kavua mulele bakuabu to.

Balombodi 21:21

Nushale batentekela. Pikala nsongakaji ya mu Silo nupatuke bua kuja maja, nuenu nupatuke mu madimi a mionji ya mvi-nyo. Muntu yonsu wa kunudi neakuate nsongakaji, aye nende mu buloba bua Binyamine bua nsongakaji awu ashale mukajende.

1 Samuele 2:18

Kadi Samuwele muana, uvua ukumbaja mudimu wende bimpe kumpala kua Maweja-Nangila, uvuala tshilamba tshia buanda bua ndanda.

1 Samuele 2:28

Munkatshi mua bisamba bionsu bia bena Izrayele, meme kusungula Arone nkambua webe, bua ikale mutuangaji wanyi, wenza mudimu wa kulambula milambu pa tshilambuilu tshianyi, kuosha mulambu wa manananshi ne kungebeja malu. Yeye ne ndelanganyi yende mvua mubapesha tshitupa tshia milambu idi bena Izrayele balambula.

1 Samuele 22:18

Ke, mukalenga Shawule kuambila Doweje, muena Edome, ne: — Wewe, shipa batuangaji aba. Doweje kusemena, kudishipela yeye batuangaji. Dituku adi, Doweje uvua mushipe bantu balume makumi muanda mukulu ne batanu, bavua ne tshibidilu tshia kuvuala bilamba bia tshijila.