2 Samuele 6:12 - MUKANDA WA MYIDI MUKULU

¹² Kuambilabu Davide ne: Maweja-Nangila mmuela Obede-Edome lupemba mu bionsu bidiye wenza, bualu bua mushete wa tshijila. Nanku Davide ne tshisumbu tshia bantu tshivuaye natshi, kuya kua Obede-Edome bua kuangata mushete, kuya nawu mu Tshimenga tshia Davide ne luendu lua disanka.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bakambila Davidi ne, Yehowa wakavudishila Obeda-edome disanka bualu bua mushete wa Nzambi. Nunku Davidi wakaya, wakumusha mushete wa Nzambi mu nsubu wa Obeda-edome, wakalua nʼau ku musoko wa Davidi ne disanka.

2 Samuele 6:12 ပူးပေါင်းရင်းမြစ်များ

2 Samuele 5:7

Kadi Davide kukuata mukuna wa Siyone uvuabu bakolesha ne bimana. Ke pavuabu binyika mukuna wa Siyone awu ne: Tshimenga tshia Davide.

1 Bakalenga 8:1

Diba adi, mukalenga Shelomu kubikila bakulu ba bena Izrayele bonsu, bamfumu bavua ku mutu kua bisamba, ne bavua ku mutu kua meku a kale onsu. Kufikabu mu Yerushalayime, muaba uvua mukalenga Shelomu, bua kuambula mushete wa ndondu wa Maweja-Nangila uvua mu Tshimenga tshia Davide, tshivuabu kabidi babikila ne: Siyone, ne bua kuya kuuteka mu nzubu wa Mvidi Mukulu.

1 Bakalenga 8:3

Bakulu ba bena Izrayele bamane kufika, batuangaji kuambula mushete wa ndondu.

1 Bakalenga 8:4

Batuangaji ke bavua bambula mushete wa ndondu wa Maweja-Nangila, kadi bena Levi bavua babambuluisha bua kuambula ntenta wa kusambakena, ne bintu bia tshijila bionsu bivua mu ntenta amu.

1 Kulondolola 15:15

Bena Levi kuambula mushete wa ndondu, mubueja ku mitshi. Kuutekabu pa makaya, bilondeshile diyi divua Maweja-Nangila muambile Moshe.

1 Kulondolola 15:25

Davide, bakulu ba bena Izrayele, ne balombodi ba bisumbu bia bena mvita, bavua baya ne disanka kuangata mushete wa ndondu wa Maweja-Nangila, kua Obede-Edome.

1 Kulondolola 16:16

Ke dilaya divuaye mulaye Abrahame. Ke mutshipu uvuaye muditshipe kudi Izake.

1 Kulondolola 26:4

Bana ba balume ba Obede-Edome bavua muanda mukulu, balondangane nenku: Shemaya, Yozabade, Yowa, Sakare, Netaneyele,

1 Kulondolola 26:5

Amiyele, Isakare ne Pewultayi. Nenku Mvidi Mukulu uvua muele Obede-Edome lupemba bikole.

2 Kulondolola 5:2

Diba adi, mukalenga Shelomu kubikidisha bakulu ba bena Izrayele, bamfumu ba bisamba ne bamienampala ba meku a kale onsu. Kufikabu mu Yerushalayime bua kuambula mushete wa ndondu wa Maweja-Nangila, uvua mu Tshimenga tshia Davide, tshivuabu binyike kabidi ne: Siyone, bua kuya kuuteka mu nzubu wa Mvidi Mukulu.

Matayi 10:42

Ndi nnujadikila bulelela ne: muntu udi upa umue wa ku bakese banyi aba nansha dikopu dia mayi matalale, bua padiye mulongi wanyi, kakubula difutu diende to.