2 Samuele 5:9 - MUKANDA WA MYIDI MUKULU

⁹ Davide kuya kusomba muaba uvuabu bakolesha ne bimana. Kuinyikaye muaba awu ne: “Tshimenga tshia Davide” Pashishe Davide kuibakaye bimana bikuabu, pankatshi pa nzubu wende, ne tshibumba tshia Milo.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Davidi wakashikama mu musoko wa lumbu, bakawidika ne, Musoko wa Davidi. Davidi wakabanga ku Milo, wakasa lumbu luakanyunguluka musoko.

2 Samuele 5:9 ပူးပေါင်းရင်းမြစ်များ

2 Samuele 5:7

Kadi Davide kukuata mukuna wa Siyone uvuabu bakolesha ne bimana. Ke pavuabu binyika mukuna wa Siyone awu ne: Tshimenga tshia Davide.

2 Samuele 5:8

Dituku adi, Davide kuamba ne: “Pikala muntu musue, kutshimuna bena Yebusa, abuele mu mukidi wa mayi, udi muinshi mua buloba, bua kufika muaba udibu. Kuntelela bampofu ne batebuki nkunseka menemene.” Ke padi bantu bamba ne: “Mpofu ne bantu badi batebuka, kabena mua kubuela mu nzubu wa Mvidi Mukulu to.”

2 Samuele 6:10

Nanku, Davide kubenga bua kuyabu ne mushete awu ku nzubu kuende mu Tshimenga tshia Davide. Kutekeshaye mushete awu mu nzubu mua Obede-Edome, muena Ngate.

1 Bakalenga 2:10

Mukalenga Davide kufua. Kumujiikabu mu tshimenga tshiende, mu Yerushalayime.

1 Bakalenga 9:15

Mukalenga Shelomu kuenzeja midimu ya kuibaka nzubu wa Maweja-Nangila, nzubu wende wa bukalenga, mushiki wa buloba uvuabu bela muaba awu, uvuabu babikila ne: Milo, bimana bivua binyungulule Yerushalayime, ne bimenga bia: Ashore, Megido ne Ngezere.

1 Bakalenga 9:24

Muana wa bakaji wa mukalenga wa bena Ejipitu mumane kumuka mu Tshimenga tshia Davide, bua kuya kusomba mu nzubu wa bukalenga uvuabu bamuibakila, Shelomu kuelesha mushiki wa buloba muabu babikila ne Milo.

2 Bakalenga 12:20

Malu makuabu a mukalenga Yowashe, mbaafunde mu mukanda udibu babikila ne: Malu adi bakalenga ba bena Yuda benza.

2 Bakalenga 12:21

Balombodi ba bena mvita ba Yowashe, kumuelela tshifufu. Balombodi babidi ba munkatshi muabu: Yozabade, muana wa Shimeyi, ne Yehozabade, muana wa Shomere, kushipabu Yowashe ku Bete-Milo. Kumujiikabu mu lukita lua bena diku diabu, luvua mu Tshimenga tshia Davide. Muanende wa balume Amashiya kumupingana mu bukalenga.

1 Kulondolola 11:8

Pashishe Davide kuibaka nzubu mikuabu ivua nunyungulule muaba uvuabu binyika ne Milo. Kadi, Yowabe uvua ulongolola miaba mikuabu ya mu tshimenga.

2 Kulondolola 32:5

Bu muvua Izkiya ne muoyi mukole, kulongolueshaye tshimana tshia ku tshimenga miaba yonsu ivuatshi tshinyanguke. Kulepeshaye tuleya. Pashishe, kuibakabu tshimana tshikuabu tshibidi pa mpenga pa tshimenga. Kukoleshabu bimana bivua muaba uvua mushiki wa buloba mu Tshimenga tshia Davide. Izkiya kuenzeja misongolu ne ngabu mivule.

Nehemya 3:15

Tshiibi tshia ku Mpokolu wa mayi bavua batshilongolola kudi Shalume, muana wa Koloze. Shalume uvua mulombodi wa buloba bua Mispa. Shalume mumane kulongolola tshiibi atshi, muenze ne mutu watshi, kuelaye bitupa bibidi bia tshiibi ku mbelu. Kuasaye milonda ya kupayika nayi tshiibi. Pashishe, kuibakululaye tshimana pabuipi ne dijiba dia Shilowa, pankatshi pa lupangu lua mukalenga, ne tshibandilu tshidi tshifumina mu Tshimenga tshia Davide.

Misambu 122:3

Yerushalayime udi tshimenga tshiasa bimpe, tshijingila ne bimana.

Yeshaya 29:1

“Eyi, Ariyele, Ariyele we, tshimenga tshia Yerushalayime, muaba uvua Davide muase mitanda yende, udi muena diakabi! Matuku onsu wewe kuenza amu bibilu, ku tshidimu ku tshidimu,

Balombodi 9:20

Kadi kanuyi benze nanku, kapia nekapatuke kudi Abimeleke bua kuosha bena Shekeme ne bena Bete-Milo. Kapia nekapatukile kabidi kudi bena Shekeme ne bena Bete-Milo bua kuosha Abimeleke.

Balombodi 9:6

Balombodi bavua ku Shekeme, ne bantu bonsu bavua ku Bete-Milo, kudisangisha. Kuyabu ku mutshi wa lusanga wa mu Shekeme, pabuipi ne dibue divuabu bimanyika. Kutekabu Abimeleke ku bukalenga.