2 Samuele 5:7 - MUKANDA WA MYIDI MUKULU

⁷ Kadi Davide kukuata mukuna wa Siyone uvuabu bakolesha ne bimana. Ke pavuabu binyika mukuna wa Siyone awu ne: Tshimenga tshia Davide.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Kadi Davidi wakanyenga musoko wa lumbu wa Siona; eu udi musoko wa Davidi.

2 Samuele 5:7 ပူးပေါင်းရင်းမြစ်များ

2 Samuele 5:8

Dituku adi, Davide kuamba ne: “Pikala muntu musue, kutshimuna bena Yebusa, abuele mu mukidi wa mayi, udi muinshi mua buloba, bua kufika muaba udibu. Kuntelela bampofu ne batebuki nkunseka menemene.” Ke padi bantu bamba ne: “Mpofu ne bantu badi batebuka, kabena mua kubuela mu nzubu wa Mvidi Mukulu to.”

2 Samuele 5:9

Davide kuya kusomba muaba uvuabu bakolesha ne bimana. Kuinyikaye muaba awu ne: “Tshimenga tshia Davide” Pashishe Davide kuibakaye bimana bikuabu, pankatshi pa nzubu wende, ne tshibumba tshia Milo.

2 Samuele 6:10

Nanku, Davide kubenga bua kuyabu ne mushete awu ku nzubu kuende mu Tshimenga tshia Davide. Kutekeshaye mushete awu mu nzubu mua Obede-Edome, muena Ngate.

2 Samuele 6:12

Kuambilabu Davide ne: Maweja-Nangila mmuela Obede-Edome lupemba mu bionsu bidiye wenza, bualu bua mushete wa tshijila. Nanku Davide ne tshisumbu tshia bantu tshivuaye natshi, kuya kua Obede-Edome bua kuangata mushete, kuya nawu mu Tshimenga tshia Davide ne luendu lua disanka.

2 Samuele 6:16

Musangu uvua mushete mufike mu Tshimenga tshia Davide, Mikale, muana wa Shawule, uvua mutangile pa dididishi. Kumonaye mukalenga Davide uja maja, unyunguluka kumpala kua mushete. Ke Mikale kudiula mukalenga Davide bikole.

1 Bakalenga 2:10

Mukalenga Davide kufua. Kumujiikabu mu tshimenga tshiende, mu Yerushalayime.

1 Bakalenga 3:1

Mukalenga Shelomu kusela muana wa mukalenga wa bena Ejipitu. Nanku, Shelomu ne mukalenga wa bena Ejipitu kutua ndondu bua mukaji uvua Shelomu musele awu. Shelomu kuya ne mukajende awu mu Yerushalayime mu Tshimenga tshia Davide. Uvua muindile bua bajikije nzubu wende wa bukalenga, nzubu wa Maweja-Nangila, ne bimana bidi binyungulula Yerushalayime.

1 Bakalenga 8:1

Diba adi, mukalenga Shelomu kubikila bakulu ba bena Izrayele bonsu, bamfumu bavua ku mutu kua bisamba, ne bavua ku mutu kua meku a kale onsu. Kufikabu mu Yerushalayime, muaba uvua mukalenga Shelomu, bua kuambula mushete wa ndondu wa Maweja-Nangila uvua mu Tshimenga tshia Davide, tshivuabu kabidi babikila ne: Siyone, ne bua kuya kuuteka mu nzubu wa Mvidi Mukulu.

1 Bakalenga 9:24

Muana wa bakaji wa mukalenga wa bena Ejipitu mumane kumuka mu Tshimenga tshia Davide, bua kuya kusomba mu nzubu wa bukalenga uvuabu bamuibakila, Shelomu kuelesha mushiki wa buloba muabu babikila ne Milo.

1 Kulondolola 11:7

Davide kuya kusomba mu tshimenga tshibaka ne bimana bikolesha. Ke padibu batshinyika ne: “Tshimenga tshia Davide.”

2 Kulondolola 24:16

Kumujikabu mu nkita ya bena diku dia bukalenga, mu Tshimenga tshia Davide. Bualu uvua muenzele bena Izrayele malu mimpe. Uvua munemeke kabidi Mvidi Mukulu ne nzubu wende.

2 Kulondolola 5:2

Diba adi, mukalenga Shelomu kubikidisha bakulu ba bena Izrayele, bamfumu ba bisamba ne bamienampala ba meku a kale onsu. Kufikabu mu Yerushalayime bua kuambula mushete wa ndondu wa Maweja-Nangila, uvua mu Tshimenga tshia Davide, tshivuabu binyike kabidi ne: Siyone, bua kuya kuuteka mu nzubu wa Mvidi Mukulu.

Nehemya 3:15

Tshiibi tshia ku Mpokolu wa mayi bavua batshilongolola kudi Shalume, muana wa Koloze. Shalume uvua mulombodi wa buloba bua Mispa. Shalume mumane kulongolola tshiibi atshi, muenze ne mutu watshi, kuelaye bitupa bibidi bia tshiibi ku mbelu. Kuasaye milonda ya kupayika nayi tshiibi. Pashishe, kuibakululaye tshimana pabuipi ne dijiba dia Shilowa, pankatshi pa lupangu lua mukalenga, ne tshibandilu tshidi tshifumina mu Tshimenga tshia Davide.

Misambu 132:13

Bualu Maweja-Nangila uvua musungule Siyone, mujinge bua kuikalaye muaba wende wa kusomba.

Misambu 2:6

“Ndi mubanjije mukalenga umvua musungule bua adie bukalenga mu Siyone, pa mukuna wanyi wa tshijila.”

Misambu 48:12

Pa mukuna wa Siyone bantu basanke! Mu bimenga bia Yuda batue tshianga!

Misambu 48:3

Siyone, mukuna wa Mvidi Mukulu, udi muimpe mutumbuke! Tshimenga tshia Mukalenga munene, tshidi tshisankisha buloba bujima.

Misambu 51:18

Kuena musue nkulambule milambu. Nansha ya diosha kayena ikulengelela.

Misambu 87:2

Udi munange tshimenga tshia Siyone, bipite dinanga dia minga miaba ya mu ditunga dia Yakobe.

Misambu 9:11

Maweja-Nangila, bantu badi bamanye muudi, badi bakutekemena, bualu kuena ulekela badi bafika kuudi.

Yeshaya 12:6

Bena Siyone, sankayi, nutshionkomoke, bualu Mvidi Mukulu mmunene! Wa tshijila wa Izrayele, mmuase munkatshi muenu!

Yeshaya 59:20

Maweja-Nangila nealue bua kupikula Yerushalayime, ne bena Izrayele bonsu badi bakudimuna nsombelu yabu. Ke yeye mene udi ujadika bualu ebu.

Yirmeya 21:13

Meme ndi nnuluisha nuenu badi base kuinshi pa mukuna. Nudi nuamba ne: Muluishi nansha umue kena mua kumpeta, kena mua kubuela muaba utudi basombe!

Mika 4:2

Bisamba bia bungi bia bantu nebiyemu. Nebambilangane ne: “Tuyayi ku mukuna wa Maweja-Nangila, tubuelayi mu nzubu wa Mvidi Mukulu wa Yakobe. Yeye neatulongeshe tshitudi ne bua kuenza, tuetu netulonde njila udiye utuleja. Bualu dilongesha dia Maweja-Nangila didi difuma mu Siyone, bidiye wamba bidi bipatuka mu Yerushalayime.

Rome 9:33

mudi Mukanda wa tshijila wamba ne: “Tangilayi, ndi nteka mu Siyone dibue didi ditetula bantu, lubuebue ludi lubaponesha. Kadi udi umuitaba, kakufua bundu nansha.”

Ebrewu 12:22

Kadi nuenu nudi basemena pabuipi ne mukuna wa Siyone, kabidi ne tshimenga tshia Mvidi Mukulu wa muoyi, ke Yerushalayime wa mu diulu, muaba udi batumibue ba Mvidi Mukulu binunu ne binunu.

Didimanyisha 14:1

Pashishe nkenzakana, meme kumona Muana wa mukoku muimane kulu pa mukuna wa Siyone. Uvua ne bantu binunu lukama ne makumi anayi ne binayi, bavuabu bafunde dina diende, ne dia Tatu wende, pa mpala.